لزمني من ايدي عباس وطلعني
سحكت متنه وعلى الناكة رفعني
وانشر رايته وبيها كبعني
وظعني طلع وشمحلات ظعني
لحد شافني ولحد سمعني
وصلت لكربلا ودهري فجعني
النهر آيالنهر طكني وكطعني
_________
انا زينب وشان الشرف من شاني وخلاني زماني شلون خلاني
_____________________
هل محرم والحزن بعيوني
وصحني خالي من الذي يزوروني
___________________
انا الذي جنت تحلف بشاني الناس
طاوعت الزمان وهبطيت الراس
عكب عيون اخوتي حسين والعباس
خلاني الدهر ولياني عدواني
انا زينب المحد شاهد خيالي
وعشت طول العمر راسي بشرف عالي
انا من جان ذاك الكمر يبرالي
حتى الريح جان يخاف يدنالي
ما يدنالي حتى الريح بوجوده
اخت عباس سموني بفضل زودة
انا منين ارد جفينه على زنوده
واكله هذا طكني وذاك اذاني
_____
انا حرمة يخوية شبيدي حيلة
وحمولك على كلبي ثجيلة
يخوية والدرب يكلف رحيلة
مكفوله اجيت ارجع كفيله
_______
ضعنكم بس حرم وتريد حراس
نمشي بلا خدر وتشوفنه الناس
وتحف الضعن عدوان وارجاس
عكب عينك يخوية وعين عباس
يطكني سوط خوية وسوط اشكفة
واحميلي طفل وبكلبي الفه
لا عندي ذرة ولا عندي ملفه
وسفة على اخوتي الطيبين وسفه
_____
والله حيرتي يحسين حيرة
دليني الوجه يا صوب اديرة
انا ما ماشية لهسه اسيرة
وامشي شلون من ديرة لديرة
ليست هناك تعليقات:
إرسال تعليق