إتفطـــر ﮔلبــه .. للشاطي حسين إخذه ويـاك .. إتفطـــرﮔلبــه
مـاي إتشَـربـه .. هـاك الطفــل وﮔــل لعــداك .. إتفطـــر ﮔلبــه
بلـﭽــن يـالـوالي إيــرحمـونـه ***** ومـن عـذب الماي إيشربونـه
ـــــــــــــــــ
ضِمـه وتـدري الضِمـه مـا يـرحـم الضامـي
وإشــوف إبنــــك يفــرفــح والله ﭽــدامــــــي
شـاهـد جِفنــه مـن كثــر البـﭽــي دامــــــــي
إنـه شمـا نظـره إضل إلطـم علـى هــــامــي
إشهــﮓ لله ... وﮔليبـي إعلـه وليـدي يــذوب ... إشهــﮓ لله
يـاعبـد الله ... مــن إتلــوب الــروح إتلـــوب ... إشهــﮓ لله
شفـت إعتـاب إشـﮕد بعيـونــه ***** ومـن عـذب الماي إيشربونـه
ـــــــــــــــــ
إنــوح إويـــــا و إون مــن إسمــــع إونينـــــه
وإحطــه إبمهــده إهـــزه ومـا غفـــت عينـــه
اَمَــل عنــده يجيـــب الـمـاي إلـــه إحسينــــه
العطـش ذَوَّب مهجتـــه الـمـاي ﭽــا وينـــــه
ﭽَــن يسـإلنــي ... مـا جـاب إلنـه الوالـي الـمـاي ... ﭽــن يسـإلنــي
وآنــه إبـونــي ... ﮔتلــه إتصبــر يـــا ضنـــواي ... ﭽــن يسـإلنــي
للشاطي إخـذه وخـل يسـﮕونـه ***** ومـن عـذب الماي إيشربونـه
ـــــــــــــــــ
يِّشـت عـﮕلــي إمنسمعــه إيــرتـــل الــوَّنــــه
وإﮔلـــه إمنيـــــن يبنــــي الــمــاي إجيبنــــــه
يصــــد ويــﮕلـــي مــايـــﭻ آيســــت منــــــه
إريــد إبــدمــي ﮔبـــل إحسينــي إتحنــــــه
حَـن السهمــه ... نَحـري إشتـاﮒ السَهـم إعـداي ... حَـن السهمــه
يابـــو اليمــه ... ﮔلهـــــم ويَّ إبنــــي إبهــــداي ... حَـن السهمــه
ﮔــــل لعــــداك إمنيـﭽتلــونــه ***** ومـن عـذب الماي إيشربونـه
ـــــــــــــــــ
تحقــق حلمــه عبــدالله ورجــع منحـــــور
بسهـم ﭽتــال والــدم ﭽــن عبيــر إيفــــور
رُغـم مـا غـرﮔـه الـدم وجهـه شعشع نـور
مـا جــور اليشــاركنــي الحـزن مــاجــور
ويِّ دمعــاتـي ... هنيــالــه الييجــري الدمعــات ... ويِّ دمعــاتــي
ويَّ حسـراتـي ... فـاطـــم تـﮕضيلــه الحـاجــات ... ويِّ دمعــاتــي
عبـد الله وإهلـــه إيجــازونـــه ***** ومـن عـذب الماي إيشربونـه
ـــــــــــــــــ
إذكــرونـي يشيعــه لــو يمــر عـــاشـــور
إريـدنـكــم تـــواسـونــي بلطـــم لصـــدور
إريــد النــوح ويــاي إبـﮕلــــب مجمــــور
إريــدن بـالعـراقـي اليقــره هــذا الـطــور
تـوَسِـم صـدرك ... مـن تلطـم يـا شيعـي ويــاي ... تـوَسِـم صـدرك
وتنـول إجــرك ... مـــن إتشـاركنــي إبلــــواي ... تـوَسِـم صـدرك
وحيـدي وشفتــه إمنيـذبحـونـه ***** ومـن عـذب الماي إيشربونـه
ـــــــــــــــــ
إذكــرونـــي إبنَعيـكـــم والــدمــوع إتسيــــل
وإذكـرونـي يشيعـــه إبمــوكــب الــزَنجيـــل
إنـه المـذبـوح إبنهــا إبنبلـــه آ يـــــا ويـــــل
إنـه الـمـا بَطِلَـت هـز مهــده صبــح ولــيــل
كـل مـا لـولــي ... يَــم مهــده يهـز ﮔلبي النـوح ... كـل مـا لـولــي
ويـﮕلـــولـــــي ... بَســﭻ يَـــم طفــل المـذبــوح ... كـل مـا لـولــي
إصبح موحش عمري إبـدونـه ***** ومـن عـذب الماي إيشربونـه
ليست هناك تعليقات:
إرسال تعليق