الأحد، 30 ديسمبر 2012

يمظلـوم مَـولا حُسيـن __كريم الحاج فليح



يمظلوم مولا حُسين * يمظلوم مولا حُسين
ــــــــــــــــــ
گبالـه ذبحــوا إخوانــه * وذبحوا طفله بإحضانه
صبت دَمعـة إحـزانــه * إهتــز العرش وإركانـه
يمظلوم مولا حُسين * يمظلوم مولا حُسين
ــــــــــــــــــ
شاهــد زهـرة سنينــــه* لإكبـر شاهـده بعينــــه
شلون العده مطبرينــــه* آ يحسيـــــن وبنينــــه
يمظلوم مولا حُسين *يمظلوم مولا حُسين
ــــــــــــــــــ
حيـن الطـاح عالغبــره * چتالــه إعتلـه صـدره
من الــگفه حـز نحــره * ومنه خنصره يبتــره
يمظلوم مولا حُسين * يمظلوم مولا حُسين
ــــــــــــــــــ
سهم بـچبدته صابـــــه * دم المنحــر خضابــــه
دليلـي نـادى لمصابـه * آ يحسيــــن ومصـابـــه
يمظلوم مولا حُسين * يمظلوم مولا حُسين
ــــــــــــــــــ
تريب الخد ابـو اليمه * سليب وسابـح بدمـــه
يَمَـه تمــددت أُمــــه * بموضع منحره تشتمه
يمظلوم مولا حُسين * يمظلوم مولا حُسين
ــــــــــــــــــ
وينــه الياخـذ بثـاره * يجـرد بيـده بتـــــاره
وعليهـم يشن غـاره * يبـَرد جمـرته ونـاره
يمظلوم مولا حُسين * يمظلوم مولا حُسين
ــــــــــــــــــ
وينه الوجها يسطع نور * يطلب ثار هالمنحـور
وثار الخنصر المبتور *من كل ناصبي مغرور
يمظلوم مولا حُسين * يمظلوم مولا حُسين
ــــــــــــــــــ
وينـه تصيح كل ناسه * بعِّزتـه يظهـر وباسـه
وياخـذ ثـار عبــاســه * والظالـم يحـز راسـه
يمظلوم مولا حُسين * يمظلوم مولا حُسين

جيتــك يَضــي إعيــونــي __كريم الحاج فليح



من اليسر جيتك يَضي إعيـوني * گبـرك إنفظـه يـا كـَفيــل إضعـونـي
وشوف السياط اللعبت إعله متونـي
إگـعدلي يا ضَـي العيــن * إنـــا العقيلـــه الحـــره
ـــــــــــــــــــــــــــ
عالعلـگمي حين الطحت بعد العين * مَحني الظهر رَد من مصابك لحسين
هـَـد حيله منظـر يالكفـيـل الـچفيــن
وطـَيِّح عامود الخيمـه * ونار الـگلب مستعــره
ــــــــــــــــــــــــ
عله حسينك إلتمت يخويه العدوان * ومنالـگفه حزوا وريـد العطشــــان
راسه إعتله يابا الفضل فوگ الزان
وشفت الجسد متسلب * وعليـه تنـوح الزهـره
ــــــــــــــــــــــــــ
خويه العده حرگـوا خيمنه إعلينا * بالبَـر شـردنــا يالولي وهجينـــــه
وسوط العده رَوَّع يخويه سكينــه
وعليك إصـد يالوالـي * خنـگت دليلي العبــره
ـــــــــــــــــــــــــ
چتفــوا إدينـه يالولــي بالاصفـاد * وبجامعه إتطوگت رگبـّت السجـاد
عالغبــره عفناهـا رميـه الاجساد
عنكم مشينـه مگيـدين * بدمعة وإلم وبحسـره
ـــــــــــــــــــــــــــــ
عفتك على الشاطـي يخويه مـوذر *بدم الـچفوف إتخضبت والمنحـــر
منك غصب إخذوني يا بن حيـدر
جَــر منـــك يجـرونـي * وعَنَّـك خـذوني ميسـره
ـــــــــــــــــــــــــ
رَكبـونه عالهِّـزَل يخويه العدوان * وگبـالي راسـك مرتفع فوگ الــزان
وروس الاحبه والاهل والخـوان
ويحـدي العـدو بعيالك *ونار بدليلـي موجـره
ـــــــــــــــــــــــــ
يـالكلك إمروه يخويــه ونـومـاس * رَديت إلـك إلطم وادگ إعله الراس
إرد إنحب بكتر الـگبر يا عبـاس
وإدموعي لجريهـا دمـوم *يا من عفتني محيــره




رد مع اقتباس

تلــگانـه يبــو سكينـــه__ كريم الحاج فليح


مـن الشـام الـك جينــه* تلــگانـه يبــو سكينـــه
يوالينه .. يوالينه *يوالينه .. يوالينه
ــــــــــــــــــــــ
إجينـه مـن يســرنــــا *إجينــه يــا ذخـرنــــه
نسـولفلــك صبــرنـــا * نبــت يمــك هظمنـــه
ونـواسيــك وتـواسينــه
يوالينه .. يوالينه
ــــــــــــــــــــــــ
بعـد عينــك سبـونـــه * بسـلاســل چتفـونــــه
بـالسيــاط إضـربونـه * يخـويـــه وشتمـونـــه
بعـد عينـك تـإذينـــه
يوالينه .. يوالينه
ـــــــــــــــــــــــ
علينـه سيــاط اميـــه * تهيـــل بـــلا حميــــه
وگـعنــه بيــا رَزيـــه * يَضيــم الـغـاضريـــه
هظم خويه شكثر بينه
يوالينه .. يوالينه
ــــــــــــــــــــ
دخلنه بقصر الانذال* وإدينـه بـگيِّـد الحبـــال
يخويه شفنـه لأهوال* همـوم بــگـد الجبــــال
تـولـونــه إعـادينــــه
يوالينه .. يوالينه
ــــــــــــــــــ
ريت يضمني لتـراب* خويــه گبال الاجناب 
مني يطيح الاحجاب* ابـچـي ودمعي سـچاب 
وَلا واحـد يحامينــــه
يوالينه .. يوالينه
ـــــــــــــــ
منـا الطفـل لـو طـاح * ومن ألإلـــم لـو نـــــاح
يتقــدملــــه سفـــاح * يضربه بـچـعـب الارماح
وعَليِّ نجـري بـواچينـه
يوالينه .. يوالينه
ـــــــــــــــ
شسـولفلـك يمظلــوم * همـوم تشـابـچ همـوم
نمشـي نطيح ونـگوم * مـاشفنـه إبـــد نــــوم
ولا واحـد غفت عينـه
يوالينه .. يوالينه
ـــــــــــــــ
راسك خويه محـلا * مــن الشـــام جبنــــا
شلـون إرجـع بلـيـا * جينــه نمـشي بحمــــا
نسليـــــه ويسلينـــه
يوالينه .. يوالينه
ـــــــــــــــ
ويِّ راسـك يمذبــوح * جبت الدرب بس نوح
أنوح وخلصت الروح* گلبي ينـوح چالـدوح
وينـاشــدنا علـى حسينـه
يوالينه .. يوالينه

أيامي تبدي امن الضلع تنتهي بعباس_جبار البطاط


هاي انه زينب والدمــع تعرفني الناس

أيامي تبدي امن الضلع تنتهي بعباس

نفسي انه زينب ــــــــــــــ وبجي أعله زينب

جرح يفتح جرح وتسله بجروحي

وتـعلم حـمام النـوح فن نـوحــي

أبجي ساعه لهلي وابجي الروحي

العقيـله انه ومابطل ابـد مــوحي

أول مصيبه عاشرت فكري يشيعه

بعيوني لمن شاهدت ضلع الوديعه

من حكي انحب ـــــ وبجي أعله زينب

ابكل عمري الفرح مايـوم دك بابي

لبست الحـزن ثـوب وصار جلبابي

بـــعد فكــد الــزجـيه اغله احــبابي

افكدت حيدر وزادت لوعة امصابي

من نزف جرحه اتأكدت دارت الايـــام

والجاي أصعب اعرفت من حزن والالام

بدري تغيب ـــــ وبجي أعله زينب

بعـــد جـــرح البتـــول وحيدر الكــرار

مايرحــم عـــرفته هــالدهدر لو جـــار

مشبوحه أعله اخوتي عيني ليل انهار

علــيهم خــايفه مــن زمــرة الاشــرار

مو كافي مني يازمن عـذبت روحي

لا تاخذ مني الحسـن وتزيد نــوحي

مو ناري تلهب ـــــــــ وبجي أعله زينب

ويـن احبابي هـذا الدهـــر يتعنه

وياخـذهم مــني واكــطع الظــنه

ودعـت الحسن بالعـــبره والونه

وشفت جـــبده وخيي أيست منه

من شــفت جبده بالطشت خــابت امــالي

ابثوب المناحه اتكبعت وبجي أعله حالي

وكلبي تعذب ـــــــ وبجي أعله زينب

بس طيف النوايب ســاكن ابالي

ولن وحدي ابساحت كربله تالي

ويــن أكــصد وبيه لاذت اطفالي

وخوي احسين جثه طايح اكبالي

وبعيوني من شفت الشمر والسيف بيديه

ظلـيت اصـــيح ابلا فــكر اذبحني خـــليه

عوف المخضب ــــــــ وبجي أعله زينب

بعــيوني انه الي شــفت ضـلعين

ونارين وشفت ياشيعيتي طشتين

جبد المجتبى واحد وراس حسين

والمفاركت عيني اجــــفوف اثنين

عـــباس وسمه مـن يمر أذكـــر دلالي

بوجوده جنت أم الخدر وياحيف تالي

بغيابه أنسب ــــــــــــــ وبجي أعله زينب

ـــــــــــــــــــــــ

ــــــــ

ــ

خادمكم جبار البطاط

رديت الك اليوم+عدنان الحمامي



رديت الك هاليوم -- خويه ياخويه

مظلومه يم مظلوم -- خويه ياخويه

انشد رقيه وين -- واسيني خويه حسين

--

خويه حن گلبي يريدك فرگتك صعبه عليّه

خويه والشام وجمرته تسعر الهل الساعه بيّه

انشد اويايه اجتي ابها الضعن بنتك رقيه

ابمجلس الظالم اخبرك خويه وافتها المنيه

انشدني هم تنظام -- خويه ياخويه

ضربوها هالظلام -- خويه ياخويه

مسودة ألمتنين -- واسيني خويه حسين

--

تدري من عفتك يخويه وآنه للشامت أسيره

ابلوعتي ابظيمي العليّه امصيبتي امصيبه چبيره

مارحم بينه عدوك ظالم وماعنده غيره

راسك ابرمحه يرفعه اعليّه كل ساعه يديره

لا رحم عدها الناس -- خويه ياخويه

ابكل رمح رفعوا راس -- خويه ياخويه

وآنه اصد بالعين -- واسيني خويه حسين

--

عالهزل رحنه يتامه واليتامه ابلايه والي

خويه مدري اعليهم أبچي خويه لو أبچي اعله حالي

آنه أخت عباس اگولن مانظر واحد خيالي

واصبحت بيد الشماته ابهظمتي وجور اليالي

لختك تصد اعيون -- خويه ياخويه

للكوفه امشي اشلون -- خويه ياخويه

او بحبال مچتوفين -- واسيني خويه حسين

--

تبچي يحسين اعله حالي لو شفت حال الغريبه

هاي اخت عباس گالوا تنسبي ولله عجيبه

وآنه متوشحه ابظيمي وأنچوي ابنار المصيبه

كل بدر عن عيني غايب طوّل اعليه مغيبه

راح اصفكت بالراح -- خويه ياخويه

ومنين اجيب الراح -- خويه ياخويه

عباس اجيبه امنين -- واسيني خويه حسين

----

آنه والهاظمني خويه من گمر هاشم فگدته

امدلل ه ايباريني هوه اعزيزه عنده زينب اخته

وأنهدم سور العليه ابلا چفوف ابعيني شفته

وراسه وياي اعله رمحه او جثه يم الشاطي عفته

يم الچفوف ابچيت -- خويه ياخويه

بيد القدر ظليت -- خويه ياخويه

واحظنت للچفين -- واسيني خويه حسين

--

خويه شبان الهواشم ياگبر غيّب بدرهم

ردنه ننصب هالمناحه والعزه الليله ابكترهم

وينه جسام الشباب او وينه الاكبر أرد اشمهم

وآنه عمتهم يخويه ارد اظل هالليله يمهم

عبد الله عفته اهناه -- خويه ياخويه

دليني وين الگاه -- خويه ياخويه

ابيا لحد صاير وين -- واسيني خويه حسين

00000000
سيد عدنان الحمامي

عله أنياگ الصبر يابويه ردينه-- سيد عدنان الحمامي

عله أنياگ الصبر يابويه ردينه -- أدوّر وين گبرك صاحت أسكينه

--

عله أنياگ الحزن والنايبه والهم -- سكنه عودّت يحسين لرض الدم

يتيمه لا أخو لاأبو لاضل عم -- بويه اتصيح وين الگبر دلينه

--

يبويه النوگ ردت وبمحاملها -- ودمعات اليتامه اعليك تهملها 

أنه سكنه العزيزه ومن بعد الها -- يبويه حسين گوم وشوفنه اشبينه

--

يبويه سكنه آنه وجيت بحزاني -- تعّبني اليسر ماشوف خلاني

عزيزة گلبك آنه شلون تنساني -- يبويه ومن بعد عينك يبارينه

--

يبويه حسين أراويلك جرح چبدي -- أبو غيرك يبويه حسين ماعندي

عسه سالم يبويه وريتني ابلحدي -- ولاعگبك عدوك وليه يولينه 

---

عدوك لارحم عنده ولا أمروّه -- وگلبي ابنار فگدك بويه يتچوّه

تمنيت السمه فوگ الارض يهوه -- ولا شامت على سكنه يصد عينه

--

بنت حسين أگلهم روعّوا حالي -- كل لحظه وجابوا راسك أگبالي

أشحال البت يبويه المالها والي -- ابثوب أسود تخلص العمر وسنينه

--

سيد عدنان الحمامي

نعي -- زينب تعاتب اخيها العباس ع في يوم الاربعين__عدنان الحمامي



-- نعي -- نعي في حق العباس ع
---
يسيره ابهظمتي رديت يم عباس بضعوني

حيهُم يخوتي حيهم اصيح اولايسمعوني

چاوين الكفلني وين وعدني وگال بعيوني

مايگعد يشوف اخته امجرحه امن البچي اجفوني

صارن اربعين انهار ليش ابحزني ينسوني

عزيزه وماشفت كل ظيم ابظيمي اشعجب عافوني

عندي اويه ابن ابويه اعتاب اسمعه اعتابي خلوني

بلچن ينفض اترابه امن اگله الگوم ضربوني

بلچن سالمه عينه وسوده ايشوفها امتوني

واذا عباس مايغتاض اصيح ابلحده نزلوني

وين ادفنت ابوك انشد على گبره__عدنان للحمامي

يالسجاد صاحت زينب ابحسره

وين ادفنت ابوك انشد على گبره

-------------

يالسجاد عمه امن اليسر جينه

ونته اتشوف عينك هالحزن بينه

وين اگبور اهلنه وين دلينه

اريدن گبر اخويه ارويحة الزهره

--------------

ماشوفن يعمه ياعلي ابعيني

يعمه ابگبر ابوك حسين دليني

اريد اگعد وانوح ابكتره خليني

اخويه وعلى افراگه بالگلب جمره

---------------

فارگته يعمه اربعين انهار

اظلم من عگب عينه عليه الدار

بأخته مادره اعليه اشجره وشصار

مچتوفه مشت للشام متيسره

---------

واليوم ارجعت وياك بظعوني

يعمه اتهل جمر دمعاتها اعيوني

على ابن البواچي جرحت اجفوني

اخت اعله الاخو خاطرها شيجبره

----------------

شيجبره اعله اخويه الغسله دمه

ثلث تيام لا ام لا اخت يمه

دفنته ابليه راس شلون ياعمه

وكل اضلوع صدره چانت امكسره

-------------------

امكسره اضلوع صدره وراس ماعنده

گدرت اشلون عمه اتنزله ابلحده

وعبد الله دفنته اوياه لو وحده

صدگ حاچاك ابوك حسين من نحره

-------------

يالسجاد عمه العلگمي وينه

عفت اهناك اخويه وطافيه عينه

وراسه منهشم وبكتره چفينه

وظل جوده يعمه ورايته ابكتره

------------------

دليني يعمه ابگبره دليني

احس امن الهظم چنها طفت عيني

اعاتب عمك العباس خليني

الحال اخته شعجب مايگعد اينظره

--------------

خل يگعد ابو فاضل يناشدني

رحت عنه لوين وشنهو اليردني

وعدك وين اگله البيه امواعدني

يعباس اعله خدي ماتت العبره

----------------------</B></I>
سيد عدنان الحمامي

ابكل مجلس اصيح انا ام الذبيح__جبار البطاط



ابكل مجلس اصيح **** انه أم الذبيح


تعرفوني الوديعه *** واســوني يشيعه


أنه أم الذبيح


**************


انه المــــارعـــــوني = ولاحــفظو بنــيني


وبالــباب اعصــروني= وطيحولي جنيني


وبحسين افجعوني= وسطروني اعله عيني


ومن كثر المأسي***الشيب انه راسي


وصرخ بالوسيعه


واســـوني يـشيعه


**************


انـــــه ام المصــــايب= ام ونه خـــفيه


عـــاشرت النوايب =والحسره الشجيه


تلــــكاني ابمحرم= يالتــــنشد عــــليه


انوح اعله الغريب*** الظل خده تريب


وبحسين ورضيعه


واســـوني يشيعه


**************


وين العنده دمــــعه= عالحزو ركبته


خل اسمع شهكته= لايـــحبس عبرته


كل مجلس يشيعه= بدموعي حظرته


وياكم انه انحب*** عالطاح وتخضب


ابو اجفوف الكطيعه


واســــــوني يشيعه


***************


جيت وضلعي محني= وبدموعي انادي


حزو ركبة ابني =بالطف الأعـــــــادي


ماتنشف دمعتي =ولايكظي حـــــدادي


اصيح امن المدينه*** وينه اليبجي وينه


يشارك بالفجيعه


واســوني يشيعه


***************


مكبعه وناري تسـعر=شيطفي انه نــــاري


ابكل مجلس يشيعه= وياكم دمعي جاري


آه يحسين ومـصابه = ليـلي اصرخ نهاري


دم تجري الدموع***من كسرالضلوع


وعالجثه الصريعه


واســـوني يــشيعه


**************


امصايب عيني شافت= دهري مارحمني


من رد ابرضيعه= للخيمه راجــــع ابني


وينادي يزينب =اخـــــذي اوليدي مني


من صابه ألعين***فطر كلبي الحزين


عالماتم ربيعه


واسوني يشيعه


**************


جرح ضلعي نسيته= برض الغاضريه


اوليدي من لكيته= مرمي اعله الوطيه


ودم كلبه يســـــيل= من سهم المنيه


وعينه اعله الخيم*** خايف عالحرم


وحيله مايطيعه


واسوني يشيعه


***************


صحت وين الجفيل= ماينهض يشوف


كالوا عـــــــالنهر= غــــدرته الألوف


ظل يمه العلم= يبجي اعله الجـــفوف


ابن ام البنين*** عباس الحنين


ظل فوك الشريعه


واســــوني يشيعه


********


***



خادمكم جبارالبطاط