انا وياك يبن امي بلبن واحد تغذينا
وبيت الزهراء والكرار يبن امي تربينا
راح العمر شوصفلك شلون تكضت سنينه
ما اكدر تون يمي تزيد مصابي وهمي
اخاف تروح يبن امي واظل بعدك وحيد شلون وتتشمت اعادينه
انا ويا يبن امي انفجعنه بموتت المختار
وعشنه محنة الزهراء يوم احرقوا باب الدار
وشفنه ابونا حيدر الكرار يوم الكادوا من الدار
وشفنه اضلاع متكسرة يوم العصرو باب الدار
وشفنه عيونهه الحمرة يوم الهجموا على الدار وهي تنده لوالينه
**
تذكر يا حسن ياخوي يوم الطلعت وياك نتبعها
رد ليها العبد بالسوط على الاضلاع رضضها
يخوية الزهرة اذوها
يخوية بسوط ضربوها
يخوية الدار حركوها
واحنه صغار يبن امي ماعدنا اليحامينا
يبو محمد يخوية ماتت الزهرة وعمرها ما بلغ عشرين
راحت والضلع مكسور مهضومه وحمرة العين
وصرنا ايتام يبن امي وراحت ام حسن وحسين
وابوي اتخضب بدمه وعشنا محنته وهمه
وكام يشمه ويضمه ويكله يا ابو سجاد بمان الله وغمض عينه
اهوى عليه يصيح ودموعه سجيبة
يخوية شلون الحبيب يروح ويفارك حبيبة
ليست هناك تعليقات:
إرسال تعليق