أجيت ودمعتي بعيني _لرادود السيد علي الموسوي

أجيت ودمعتي بعيني
منو الى قبرك يدليني
أنادي وما تناديني
يا مظلوم
****
أجيت من اليسر ودموعي همالة واويلاه
يا خويه وعلى فراقك حالتي حالة واويلاه
عفت جسمك ترضه بخيل خيالة واويلاه
وجسمك للقبر ياحسين من شالة واويلاه

ياهو اللي حمل جسمك
اريد اجري الدمع يمك
وأحني الراس من دمك
يا مظلوم

صدق عنك رحت بس ما رحت عنك واويلاه
عفت روحي حمامة و دوم اطو فنك واويلاه
تمنيت امن أرد يا حسين اشو فنك واويلاه
وأحضنك يا العزيز وحيل أشمنك واويلاه

تمنيت العمر يفنه
أخوي وما شفت دفنه
ولا تشيع اليك شفنه
يا مظلوم

ردت انصب مناحة بقترك وانحب واويلاه
وأقلك ردت من أرض الغرب زينب واويلاه
يا خوي اكثر هضم من اليسر وأصعب واويلاه
جبت ارسك ولهسى من العطش يلهب واويلاه

اجيت وراسك بقربي
علي طول الدرب يربي
عافاه شقد حمل قلبي
يا مظلوم

وصلت لقبرك ولن القبر دامي واويلاه
عجيبه وحتى قبرك لاهب وظامي واويلاه
إذا صابك سهم ما تنحصي سهامي واويلاه
من اللي عني يذود ويا هو اللي يحامي واويلاه

سهام اللي بيا ما تنعد
أضمد با جرح يضمد
ضعنكم قوطر وأبعد
يا مظلوم

مـرت أربعينك وانــــــــــا مسبيه واويلاه
وأجيت ازحف لقبرك حيل ما بيه واويلاه
سمعت أتصيح ميت هلا بها لجيه واويلاه
يا زينب قربي واحني الضلع ليه واويلاه

حنيت الضلع لمصابك
وأشمك من ثرى ترابك
قوم أتلقى أحبابك
يـا مـــظـــــلوم

__________________