من الوطن جابوها
وميـسره أخـذوهــا
وميـسره أخـذوهــا
**************
جابـوهـا عـزيـزه بهيـبه مشيتهــا
وابو فاضل يگـود بـأيـده نـاگـتهــا
اجـتـي امدلـله ويـاهـــا اخـوتـهـــا
عـزيـزة حـيدره معـروفه هـيـبتهـا
زينب عزيزة حيدر ------- مهيوبه لمن تحضر
ام الخـــدر سـمـوهـــا
وميسره اخـذوهــا
**************
من وصلت گـلبهـا عـاش بأحزانـه
صاحت وين اخويه وحامل الوانـه
سألت خويـه چنها الـوادم اعـدانـه
ياهـو اللي عـلينه و ياهـو ويـانـــه
جاوبها ذوله اعلينه ------- لمن حدى حادينه
تبچي و تون خـلـوهـا
وميسره اخـذوهــا
***************
و دارت والفـواطـم نــادت بـهــمــه
ويـن انـروح شنهي الصار يـاعـمه
صاحت كلشي راح وراح ابو اليمه
واتسلب خدرنه من انسحگ جسمه
لا كافل اليحميـنـه ------ بس الحـرم ضلينه
ونار الخـيـم شـبـوهــا
وميسره اخـذوهــا
**************
ضلت زيـنب ومتـكـفـلـه بالعـيـلـه
ياهـو اليمها ضل وحتى تمشيـلـه
ليله اتـمـر عـليها اقـسه من ليلــه
للباري بـدمعـهـا تـنادي تشكيلــه
محد بقه يحامينه ------- والطايح انت تعينه
بت حيدر يضـربـوهـا
وميسره اخـذوهــا
*************
مشت للشام راحت زينب اميسره
بعـد ماعافت اخوتها على الغـبره
اخـذت كل صبـرهـا ونادت بعـبره
ابنچ طاح وانـه اميسره يالـزهره
يايمه لتشـوفـيـني ------ و اميسـره امـوديـني
وبنتچ تـره يشتوموها
وميسره اخـذوهــا
***************
خادمكم
رياض الرسل
ليست هناك تعليقات:
إرسال تعليق