ديوان
مشحون من كل بلد ومجان
مابيهم الينغر وعوان
كلهم لاهل البيت عدوان
ويزيد على كرسي الملك سلطان
متنومس وبالنصر فرحان
من شاف راس حسين مروان تبسم وظل ساجد للاوثان
وكام يتنشد على النسوان
كصدة يعرف زينب الخوان
من شافها عليه الامر هان
تشمت وسب داحي البيبان
زينب بجت والدمع هدران
ورادت هذاك الوقت ركبان
وتوصل محمد عالي الشان
وتطب ديوانه ويه الوذان
ويكلولة يميتم الفرسان
زينب يخوها بديوان سفيان
خويه انشد راس حسين من جاه
وخواتك سبايه طبن وياه
وطبول يمحمد تلكاه
لاتظن هم الشام ننساه
عند المشايخ عيد شفناه
وشباب اليغني اطوار غناه
وطبل النسه يطرب الماداة
وجمع الجمع منهم تعداه
يبوجاسم الضعن صار ممشاه
هذا وبعد والاعظم هنا
يمحمد المجلس دخلناه
مجلس يزيد توسطيناه
يبو جاسم ومني الفكر تاه
وحسين راسه تحت يمناه
وراس البطل عباس ولواه
احاااه يمحمد اويلاه
يترنم ويشتم بسلفاه
وثار الوليد يكول اخذناه
وواحد بعشره يكول خذناه
وامر على النسوان تدناه
انا بيهه صحت يمحمد هنا
تراني لخواتك راحن __
وكفنا المجان الماوكفنا
وكفنا وشتم حيدر سمعنا
والمر يبو جاسم شربنا
حتى العدو كلبة كسرنا
**
يمحمد يخوية خبر ماجاك
بحمه حسين ماني بحاجه حماك
ومنهو اليكعد ناقتي هناك
واخوي الفحل عباس __
الا بيوم واحد صدك ردناك
من وكفونا بمجلس عداك
.
ثكل الضعن حال الضعن وحدة
وحك الي تعبدة الخلك وحدة
غدن وحدة تلوذ بكتر وحدة
من طبن لديوان امية
..
نصب راس حسين ويدك عالناي
يزيد كبال عيني ونشد عناي
بجيت وصحت وينه اليصل عناي
لعد عباس خل يلحك عليه
..
وينه الذي ينغر علينه
ويوصل لعد حامي الضعينه
***
اسمع النعي صوتيا ومرئيا هنا:::
http://www.youtube.com/watch?v=fU_lqtcmVq4
نعي على القاسم مكتوب للسيد جاسم الطويرجاوي.
ردحذفبارك الله بيك
ردحذفبس اكو نقص بالابيات واكو كلمات ما مضبوطة
كامل ابو علي
ردحذفأحسنتم النشر جزاكم الله خير
ردحذف