تسال الناس * منهي هاي البلسبي
أخت عباس *زينب أوجدها النبي
مانصف بيها الدهر ** عكَب عباس الكَمر
امهبطه الراس بعد أخوها الطالبي
****
الوادم ياكفيلي من تصد تنشد *** يا حرمه الهزل بيها المسير أتجد
من كَبل النشد دمعي أبمسيله ايرد *** أخت عباس آنه الراح مستشهد
علنهر طاح * هوهّ اليـــــــــــث الغالبي
والكَلب صاح * خويه بعدك أنسبي
تروي آهات أوقهر *** عكَب عباس الكَمر
امهبطه الراس* بعد أخوها الطالبي
.
.
.
.
ياحرمه الي مثلي تمشي عالهزّل *** اوجدي للخلايق بالوحي مرسل
يخويه الناس عني ياكَمر تسأل *** ونته عللشريعه طايـــــــــــح أمجندل
بلايه جفين * والسهم عينك طفه
صوب العين * لاتصدلّي أمجتـــــــفه
صابت أسهام القدر ** عكَب عباس الكَمر
امهبطه الراس بعد أخوها الطالبي
.
.
.
.
اخذوني سبيه أوأيدي مجتوفه *** طبينه يخويه البلدة الــــــــــــــــــــكوفه
عليّ وادم تأشر وانه مكسوفه *** هاي اخت الكفيل الطاحن اجفوفه
عكَبك اليوم * الشمر بينه ايحدي
كَلبي مهموم *حرمه اظلن وحدي
لا اخو ينغر حظر *** عكَب عباس الكَمر
امهبطه الراس بعد أخوها الطالبي
.
.
.
.
وآنه امجتفه ياخويه عالناكَه *** واعيوني ابعيــــــــــــونك هي تتلاكَه
كلمات الشماته الكَلبي حراكَه *** هاي اخت الكفيل ادكَول بفراكَه
ياخويه شمات* بي تشـــــــمتوا بالحجي
وعيوني دمعات * سالن الاختك بالبجي
دمع بخدودي انحدر *** عكَب عباس الكَمر
امهبطه الراس بعد أخوها الطالبي
.
.
.
.
وابن ازياد عني نشد بالديوان *** وين أخت اليسمونه كَمر عدنان
دموعي عللوجن منه جرن نهران ***شجاوب والكفيل أمكَطع الذرعان
بدره من غاب * ننسبي لبن الدعي
شنطي أجواب * وآنه يهمل مدمعي
أبلغ أجواب الحضر *** عكَب عباس الكَمر
امهبطه الراس بعد أخوها الطالبي
.
.
.
.
راسك الشاهد على دربي البعيد *** من دخلنه الشام وبمجلس يزيد
صاح وين اخت الكَمر ذاك العنيد ***رفض يخضعلي ويطخ مثل العبيد
ياضوه العين* ريتك اتشوف الجره
راس الحسين* ينكته بالمخصره
راس ابن خير البشر *** عكَب عباس الكَمر
امهبطه الراس بعد أخوها الطالبي
.
.
.
ليست هناك تعليقات:
إرسال تعليق