يابويه يحسين عني رحت وين اخذوني من بعدك سبيه ياوالدي واني رقيه
يابويه يحسين
**
يابلسم جرح كلبي يا نسمه حنان وطيب
جنت اشعر مماتي يحين لو لحظة عليه تغيب
رماني دهري بمصابك ورميات الدهر متخيب
منهو الي كطع راسك ومنهو الي خضب هالشيب
يابويه تدري راواني دهري مكطوع راسك بين ايديه
ياوالدي وانا رقيه يابويه يحسين
**
تذكر من جنت وياك بظلك احلى عمري كضيت
وبوكت الصلاة افرش الك سجادة لو صليت
تعدة شكم وقت اذان وتانيت شكثر ماجيت
وايس واعتني لزينب واصيح لوالدي اشتاكيت
ولوجهك اشتاك ما احمل فراك اشتاك الك صبح ومسيه
ياوالدي وانا رقيه
**
اخر مرة شاهدتك يا والدي بالعاشر
ومن انشد يكلولي رقيه الوالد مسافر
يوميا اكول اليوم يردلي لو الباجر
مل الصبر من صبري وصرت مكسورت الخاطر
ادعيلك تعود وترجع الي ردود اصرخ ودمعاتي جريه
ياوالدي وانا رقيه يابويه يحسين
**
اناجي الخالق المعبود بصلاتي واهمل المدمع
واكولن يا اله الكون يا من للخفي تسمع
ردلي والدي سالم من هذا السفر يرجع نمت
وبعالم الرؤيا شفتت وجهك بدر يسطع
من نومي فزيت وبعبرة ناديت يهلال عمري رد اليه
يا والدي وانا رقيه يابويه يحسين
**
سمعوا صوتي عدوانك وتحقق حلمي وشفتك
ونسيت التعب والامي ياوالدي من حضنتك
راسك بالطشت يمي واسئل ياكتر جثتك
حاجيني يبواليمه بضلع الزهرة حلفتك
يا اغلى الاحباب سمعني الجواب عليك اقسم بامي الزجيه
ياوالدي انا رقيه يابويه يحسين
ليست هناك تعليقات:
إرسال تعليق