هاي هيه .. زينب المظلومه بت حــامي الحـميه
هاي هيه .. يا وسـف عكَـب الكَمر صـارت سـبيه
جتي للكوفه غـصب .... تمشي ما بين الغرب
هاي هيه !
****
يا علي ابكَبرك تنام وهاي زينب جت يسيره
لا ولي ولا حامي عدها والنـظر عنك تديره!
ما تـريد اْتشـوف حــال الجانت اْبجالك أميره
جابوها يـمـك يـا وسف ..... ومستهزء اْلشامت هتف
يا بت علي هاي النجف ..... وين أبوج الكلّه غِـيره ؟
هاي هيه .. يا علي زينب إجتّ اْبـلايه والي
هاي هيه .. صد متنها اْشعامله بيْه الليالي
اْبسوط زينب تنضرب .... تمشي ما بين الغرب
هاي هيه !
*****
ها يزينب ما يكَوم السـيفه شـكَـ لْـراس مرحب
عاتبيهْ بلـجـن يعــيـنـج لو يمر بي صوت معتب
خاف ما يدري اْبــدلالــج راح والـخــدر المـرتـب
بـلـجـن يــرفّ لْـشــاربه ..... لـو سـمع بـتـه اْتـعـاتـبه
ويـشـوف اَلله شـكـاتـبه ..... مـن مصــير لـبـتـه زينب
هاي هيه .. وخل نشوف اْشلون لو صحـتي يحيدر
هاي هيه .. ياللي كَـلـتـوا بـالـشـدايد علي يحضر!
ما دره بهذا الدرب .... تمشي ما بين الغرب
هاي هيه !
*****
يـا زمــــان الله أكـبـر زيـنـب شـسـويت بـيها
جم وجم جلمة شمـاته سددتها الكوفه ليها
يا هو لينشـف دمـعـها ويا هـو لِيسكت بجيها
جم لوعه جم رمية سهم .... وما تدري تحمل يا ألم!
ذبح الأهل ؟ حركَـ الخيم؟ .... لو حجي الشامت عليها
هاي هيه .. وصار بـيـها الـمـا يمر بـبال أحــّــد
هاي هيه .. وجنها مو بت فاطمه وجدها محمد
جمره بهروش القلب .... وتمشي ما بين الغرب
هاي هيه !
****
يا زمان الحرمه صعبه اْبغربه تمـشي اْبـلايـه والي
وجـلـمـة الشامت ثجيـله تـشـيّب لـروس العوالي
لاجـن الـــربـاهـا حـيــدر صاحـت بـصـوت المعالي
إلنه ذجر ما يـنـمــحـي .... وبيت أهلي مهبط للوحي
وجبريل مني يسـتـحي .... وعـمره مـا عاين خيالي
هاي هيه .. وِاْشـتـظـنـون الـسـبي ذلــه إلــيه
هاي هيه .. ومن تطب للشام أفـضـح كـل أميه
الشام خل باجر تطب.... وتمشي ما بين الغرب
هاي هيه !
*****
ياللي للـكـوفه إجــيـتوا بظعـني ومجتفين إديـه
وكَلتوا خـل ينـهـض أبـوج يعـاين لبـنته سبـيـه!
آنـه مــا ريــده يــكَـوم وآنـه بـنـتـه الهـاشمـيـه
لو بس أصيحن يا علي .... من كَبل (يا) يفزع إلي
بس آنه أريــدن أنــولي .... بهاي غايه ويدري بيّه
هاي هيه .. أرد أشَـوْف الـنـاس تربـات الفحوله
هاي هيه .. وخطبتي سـلطـانـكـم بـاجر تزوله
دنيا هاي وتنكَلب .... وتمشي ما بين الغرب
هاي هيه !
*****
هاي هيه .. يا وسـف عكَـب الكَمر صـارت سـبيه
جتي للكوفه غـصب .... تمشي ما بين الغرب
هاي هيه !
****
يا علي ابكَبرك تنام وهاي زينب جت يسيره
لا ولي ولا حامي عدها والنـظر عنك تديره!
ما تـريد اْتشـوف حــال الجانت اْبجالك أميره
جابوها يـمـك يـا وسف ..... ومستهزء اْلشامت هتف
يا بت علي هاي النجف ..... وين أبوج الكلّه غِـيره ؟
هاي هيه .. يا علي زينب إجتّ اْبـلايه والي
هاي هيه .. صد متنها اْشعامله بيْه الليالي
اْبسوط زينب تنضرب .... تمشي ما بين الغرب
هاي هيه !
*****
ها يزينب ما يكَوم السـيفه شـكَـ لْـراس مرحب
عاتبيهْ بلـجـن يعــيـنـج لو يمر بي صوت معتب
خاف ما يدري اْبــدلالــج راح والـخــدر المـرتـب
بـلـجـن يــرفّ لْـشــاربه ..... لـو سـمع بـتـه اْتـعـاتـبه
ويـشـوف اَلله شـكـاتـبه ..... مـن مصــير لـبـتـه زينب
هاي هيه .. وخل نشوف اْشلون لو صحـتي يحيدر
هاي هيه .. ياللي كَـلـتـوا بـالـشـدايد علي يحضر!
ما دره بهذا الدرب .... تمشي ما بين الغرب
هاي هيه !
*****
يـا زمــــان الله أكـبـر زيـنـب شـسـويت بـيها
جم وجم جلمة شمـاته سددتها الكوفه ليها
يا هو لينشـف دمـعـها ويا هـو لِيسكت بجيها
جم لوعه جم رمية سهم .... وما تدري تحمل يا ألم!
ذبح الأهل ؟ حركَـ الخيم؟ .... لو حجي الشامت عليها
هاي هيه .. وصار بـيـها الـمـا يمر بـبال أحــّــد
هاي هيه .. وجنها مو بت فاطمه وجدها محمد
جمره بهروش القلب .... وتمشي ما بين الغرب
هاي هيه !
****
يا زمان الحرمه صعبه اْبغربه تمـشي اْبـلايـه والي
وجـلـمـة الشامت ثجيـله تـشـيّب لـروس العوالي
لاجـن الـــربـاهـا حـيــدر صاحـت بـصـوت المعالي
إلنه ذجر ما يـنـمــحـي .... وبيت أهلي مهبط للوحي
وجبريل مني يسـتـحي .... وعـمره مـا عاين خيالي
هاي هيه .. وِاْشـتـظـنـون الـسـبي ذلــه إلــيه
هاي هيه .. ومن تطب للشام أفـضـح كـل أميه
الشام خل باجر تطب.... وتمشي ما بين الغرب
هاي هيه !
*****
ياللي للـكـوفه إجــيـتوا بظعـني ومجتفين إديـه
وكَلتوا خـل ينـهـض أبـوج يعـاين لبـنته سبـيـه!
آنـه مــا ريــده يــكَـوم وآنـه بـنـتـه الهـاشمـيـه
لو بس أصيحن يا علي .... من كَبل (يا) يفزع إلي
بس آنه أريــدن أنــولي .... بهاي غايه ويدري بيّه
هاي هيه .. أرد أشَـوْف الـنـاس تربـات الفحوله
هاي هيه .. وخطبتي سـلطـانـكـم بـاجر تزوله
دنيا هاي وتنكَلب .... وتمشي ما بين الغرب
هاي هيه !
*****
ليست هناك تعليقات:
إرسال تعليق