دمعي من دم نزف من وصلت النجف
راح الدلال ياعلي وانده تعال ياعلي
**
ياعلي بحماك كل هاي البريه
وانت حاميها يحماي الحمية
ذبحوا اولادك علي بالغاضريه
هاي اجتك للنجف زينب سبيه
انهض لعيلتك عالهزل نادتك
ماكو رجال ياعلي انده تعال ياعلي
**
عاينت طول الدرب بس مالكيتك
يلي ما تقبل تجيني انا اجيتك
سلبونا وشتموا امي ونخيتك
كتلك انهض يا علي انا بحميتك
شتمو فاطمة ها يحامي الحمه
صار السؤال ياعلي انده تعال ياعلي
****
احنا ال المصطفى وقرت عيونه
لعنة الله على من حاربونه
باعو الدين بدراهم وانكرونا
عاندونه ولا يزال يعاندونه
واليبيع الضمير ما يقبلك امير
وقت الظلال ياعلي وانده تعال يا علي
**
بوية راس حسين هذا يسيل دمه
واليشيل الراس هم مسلم تسمى
هذا مو مسلم اذا ماعنده رحمه
بويه من نبجي يصير علينا نقمه
لالطم لانياح لادمع لاصياح
هاي العيال ياعلي انده تعال ياعلي
**
بوية انا الجنت بالكوفة اميرة
ليهه جيت اليوم ياحيدر اسيرة
ادعو ياربي بحق طه ووزيرة
انتقم من الذي بايع ضميرة
عاليقيم العزا صاروا عليه بلاء
كالوا محال ياعلي وانده تعال ياعلي
**
بويه هاي الناس ما شافت خيالي
تالي ما تالي اجيت بلايه والي
بس وحكك يالصميده الراس عالي
تبقى شيعتنا سيوف وما تبالي
شيعتك للممات ما تطيع الطغاة
مثل الجبال ياعلي انده تعال ياعلي
**
ليست هناك تعليقات:
إرسال تعليق