يابـــاب الكــــرم والجـــود يامولاي === يامسموم حسراتك تصيب إحشاي
ـــــــــــــــــــــــ
يامسموم ما أنصـــــــــف زمانــــك دوم == ﮔضه عمرك يبو إمحمد حزن وإهموم
ما شفت الفرح أبداً عشـــــت مظلـــــوم == على إمصابك تفيض إدموم من عيناي
ـــــ
على إمصابك عقيلة حيدره ونّــت == ملائكة السمه من حيرتك حزنت
دموع إحسين لمصابك دمه نزلـت == وأمّك فاطمه إتنادي مصيبه هاي
ــــ
وأمّك فاطمه إتناديـــك آيبنــــــي == مصابك يالحسن بعضاي آلمني
يريت السَمّك إبأحقاد هم سمنـــي == صوّب ﭽبدتي يبني لهيب الداي
ـــــ
صوّب ﭽبدتي يبني لهيب النــــــار == من عافوك وحدك يالحسن محتار
صالحت الطليق إو زمرة الأشرار == مــا زليت يوليدي سديد الراي
ـــــــ
مازليت يالعالي إو زلت أوهـــــــــــام == حُفظت ارواح أنصار الهُدى الأعلام
إمام إنتَ إو تريده يثبت الأسلام == لكن زمرة الشر نكرتك يَحْماي
ـــــــ
لكن زمرة الشر ماوُفَت ويّـــــاك == وإحنه شيعتك هيهات ما ننساك
نعزّي فاطمه بيك إو نظل ننعـــاك == وإنتَ سيدي يوم الحشر رجواي
ــــ
وإنتَ سيدي رابع عَلَم معصـــــوم == نظل ﻧﻌﺷﮓ ضواك الماتناله إغيوم
ﻧﮔصد للبقيع إنزور يامسمـــــــــــوم == نشوف إترابك الطاهر يُون ﺷﭽـّاي
ــــ
نشوف إترابك الطاهر يبن حيـدر == من فعل النواصب سيدي إتحسّر
مسحوه التراب إو حل عليه الشر == نظـــل نتنطر المهدي يجي عنّاي
ــــ
نظل نتنطر الغايب يجي لينــــــه == كثر جور النواصب وإنتشر بينه
نبنيها القبور إو تبتهــــــج عينــــــه == يريت إنشوف أبو صالح ولينه جاي
ــــــــــــــــــــــــــــــــــــــــــــــــــ ــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkzb15532.mp3.html
ليست هناك تعليقات:
إرسال تعليق