الثلاثاء، 25 مارس 2014

راواني المنية _ موسى الشغباني

راواني المنية        بسمار الرزية 
بدمج بابي حنيتي      يالزهرة الزجية
_______

حيدر انا يالزهرة       وبية توسع صوابي 
وغيرة مو دمة ينزف      جرحي من انظر اعتابي
خدرج يم حسن ديني      وبابج هوة محرابي
ومن صحتي ولوني    ريت جفوفي عوني
للمجتوفة بوصيتي   يالزهرة الزجية 
________

حكي لو عشت مهظوم   ودلالي تشب نارة 
وجرح الغيرة ما يبرة      وتظل دمومه تتجارة 
وانا حامل دخل معروف    ويأمن صايته جارة
بين الباب والحايط    شفتج واني محتارة 
وبابي وجروها   وعليج ادفعوها
غربة دخلت لبيتي  يالزهرة الزجية 
________
بين الباب والحايط        روحي تحوم مالومة
وتهد حيلي من اصد اثار     فوك الباب مرسومة
الجفج اثر مطبوع       بدم ضلوع مهشومة
وجف للمحسن المظلوم    يم جفج يمهظومة 
ام تحضن ابنهه   مذبوح بحضنها
وعلى جروحة صليتي  يالزهرة الزجية
________
اغمض عيني عن الصار   غصبن تنفتح عيني
وترجف لو الزمة الباب      من تفتحة جفيني 
واطيحن خلفة بالويلاه   وتجري دموعي بونيني
واحط ضلوعي عالبسمار   الضيع زهرة سنيني
واتجرع مصابي  يم عتبة عذابي 
مثل ما انتي ونيتي  يالزهرة  الزجية 
_________
يذبحني اليريد عتاب     لو مو جلمة بس نظرة
وكل لحظة انا عكب الصار     بالباب انعصر عصرة
كضيت العمر مهضوم     كل ما اذكر السطرة
وانا الي ادفنت بيدي     روحي وياج يالزهرة 
ودعتج يروحي    ورديت بجروحي 
تتنفس هضم ريتي  يالزهرة الزجية 
_________

للاستماع اضغط هنا




اسمعينة جاوبينة _ابو لقاء البهادلي 1435

اسمعينه ** جاوبينه
بصدر مكسور ضمينه ** ييمه گومي ودعينه
***********
يأجمل صوره وسط البيت ** سبحانه الذي سواج
كمر جنتي يضوي الليل ** يشع نور النبي بملكاج
عشت وياج كل الضيم ** وضكت طعم الحزن وياج
بعدج عمري مايسوه ** شتنفع دنيتي بلياج
دمه ونج ** رغـــــم حزنج
شمس جنتي وتضوينه ** ييمه گومي ودعينه
************
عليّ ردي يبعد الروح ** احلفج يمه بالحسنين
اجيتج والكلب مجروح ** بفكدج ينجسم نصين
بامجرم تعده اعليج ** انتي ومحسن امصابين
منهو اللي حركهه الباب ** احجيلي ينور العين
اسمعيني *** وارحمينـــــــي
فديتج عمري وسنينه *** ييمه گومي ودعينه
*********
يشهد عالجره بالروح ** عليه العـــــــــالم العلوي
صوت الباب والبسمار ** بنص احشاي يظل يدوي
بعيني من شفت المصاب ** اصبح هالظهر ملوي
من شفت الالم ماذيج ** طفت شمعاتي لتضوي
اسمعت كسرج ** صرخ ضلعج
ينادي بونه هادينه ** ييمه گومي ودعينه
***********
من دفعو عليج الباب ** ضكت طعم الهضم والخوف
شفتهه كربله عالباب ** مرسومه وشفت الاطفوف
وبسمار الكسر الضلوع ** يكسرني ويگطع اجفوف
مثلث شفته هالبسمار ** عله اخيمنه اشوفه ايطوف
شفت عالباب ** اشد مصاب
شفت منحور والينه ** ييمه گومي ودعينه
*************
حاچيني انا اترجاچ ** يروحي وللگلب سلوه
كل ظني فرحتي ادوم ** بعدچ كلشي مايسوه
حسره وتتلهب بالنار ** ونه وبيهه اتچـــوه
ادري بكربله وحسين ** بمصابه اشد بلوه
مثل محســـن ** رضيعه ايون
منهو اللي يواسينه ** ييمه گومي ودعينه
*************
ييمه ادري من ترحين ** تشب وسط الگلب نيران
عني لو رحلتي اليوم ** يظل نوح وهضم واحزان
لو يرهم بديل ايصير ** روحي تصبح القربـــــــان
باّمالي بنيت اصروح ** يطيح بفگـــــــدچ البنيان
الجره مكتوب ** الصبر مطلوب
اريدنچ تصبرينــــــــــــه ** ييمه گومي ودعينه 

قصيدة للزهراء س _ احمد الدر العاملي 1435

وجرى على الزهراء ما يدمي الحشى      
حتى الجنين هوى على العتباتِ
وأذا الوصي مقيدٌ بنجابهِ
عثر الزمان بافضع العثراتِ
ما قيدوه لو الوصيةٌ لم تكن
وافاضت الزهراء على الصرخات
خرجت وكسر الضلع احنى ظهرها
خلوا علياً فهو كل حياتي
عادوا اليها بالسياط اليها وحيدرٌ
بالصبريجرع آلم الحرقاتِ
__
طالت الغيبة والقلب منه اشتعل نار
وجنك متدري شصار يومٍ طبوا الدار
حرقوا و ضربوا واسقطوا وانبتوا بسمار
و ضربت العين اعظم يبو صالح مصيبة
_________

للاستماع اضغط هنا
https://soundcloud.com/ali-is-our-life/puvtz0buskdb

بين زينب والزهراء س _ احمد الدر العاملي 1435

اني جنت بالحجرة اسمع صوت سياط تتلوه
واسمعتج تصيحين جنيني سقط بالكوة 
ولن ينادي اخوية حسين يزينب امنا في غشوة
دقومي نلحك عليها وجيبي وياج خوية خمار
يزينب انا مشتاقة اضمك يا بعد عمري
لجن العدو الغدار بالعصرة هشم صدري
عذري مافي لكبالج يزينب طالعي وعذري
يا زينب اريد احجي قربي ليه يعيوني
عندج الج اوصية احفظيها ينور العين 
لظهر العاشر محرم عام الواحد وستين
نفذيها قبل لحسين لا يبرز لهالكفار
قبل ما يبرز المظلوم قبلي قلبه ونحره
قلبه سهم المثلث ينزعة من خرز ظهره
ولن الشمر يا زينب يتربع على صدرة 
ويفري منحرة قبالج 
_____________

شلتوا روح مظلومة _ الشيخ عبدالله ردحة 1435

شلتوا روح مظلومة
________
يوم شالوا الزهرة وراد الوصي يواريها
تلاقاها النبي الهادي وبس دمعاته يجريها
مد المصطفى ايدة وراد يضمها لصدرة
صاح المرتضى الكرار على هونك يبو الزهرة
صدرها مجرح ومكسور والاضلاع منكسرة
كسروها خلف الباب ما تدري يواليها
خديجة وية النبي تسمع صاحت آه ينور العين
هوت فوق الخيال تريد تقبل وجنة ام حسين
لنها تصيح يا طه خسفوا من الزهرة العين
وبعد ملطومة عالخدين مدري شلون اداويها
بشيلن هالجفن عنها دروح وخلني يا مختار
بشوفن هالدمة من وين لا يخبرني الكرار
قلها العذر يايمة هذي ضربة المسمار
دفنيها بظلامتها ييمة ولا تجرديها
ثلاثمية نذل هجموا على الزهرة يضربوها
ذاك برجلة يرفسها وذاك يشتم ابوها
وكل ما وقفت تدافع بنعل السيف يوكسها
صاحت آه يا كرار وديعة وما تحاميها

________
للاستماع اضغط هنا
https://soundcloud.com/husainyat-ahlulbayt/1435-151

قصيدة بمناسبة استشهاد الزهراء _ احمد الدر العاملي 1435

______  بالحزن والارزاء
تدمي محاجر شيعة الزهراء
نجري مدامعنا لذكر مصابها
ونأن أنة وااالهِ ثكلاء
نبكي الى من ابرمت في دارها
دار النبوة مهبط العلياء
نبكي لها بين الجدار وبابها
لاذت مخافة ان يراها الرائي
نبكي لها والباب يدفع ___
وندائها أكذا يكون جزائي
نبكي لكسر ضلوعها لجنينها
لمتونها و نعزي الحوراءِ
نبكي لكي تبقى الظلامة
فينا فلا ننسى ابدا الاعداء
لم يحفظوا للمصطفى زهرائه
ويل لصحب الحقد والبغضاء
نبكي مواساةً لصاحب عصرنا
نبكي مواساةً لقلب امامنا
فله العزاء بأمهِ الزهراءِ



الجمعة، 14 مارس 2014

لسان حال زينب مع الزهراء س _ابولقاء البهادلي1435

ييمه اخذيني وياچ * عمري مااريده

شمعتي بعدچ تذوب * وآنه ابقه وحيده

يبقه بس نحيب ** جرحي مايطيب

********

ادري جدي اثر اعليچ بغيابه

وادري ماتطفه ابد جمرة مصابه

گلبي لچچ منچوي بلوعة عذابه

شحال عمري لو حصل يوم اغترابه

مصابچ يچوي بالروح ** ذكرچ مااعوفه

صعب يالزهره فرگاچ * باسراره وظروفه

لو صار المغيب ** جرحي مايطيب

*******

بعدي يازينب تشوفين الظلامه

ابد ماتلگين يايُمه سلامه

هالزمن لوجار ويجرد حسامه

صبرچ بكل المحن يصبح علامه

اسمعي ياضوه العين ** يحبيبه كلمتي

هذا الزمن لو دار** تذليه لو صبرتي

ادري بيه عجيب ** جرحي مايطيب

**********

انتي ماشفتي الفرح يوم بحياتچ

يمه بچيتي الملك من نايباتچ

چنت اشوف بليل دمعات بصلاتچ

شلون انسه طيبتچ وي ذكرياتچ

ماينوصف هالحال ** والمحنه عجيبه

ييمه زين تدرين ** زينبكم غريبه

مايبقه حبيب ** جرحي ما يطيب

*********

يُمه يازينب اسمعي هالوصيه

لو يمر بيچ الهضم بالغاضريه

ولو تشوفينه وحيد ابن الزجيه

خلي يكشف صدره فخر الهاشميه

لو وحده تشوفيه ** ما واحد ينصره

من نحره تحبيه ** من مكشوف صدره

يُمه الخد تريب ** جرحي مايطيب

********

وسفه كسروچ بحقد اهل الگباحه

ماتظــــــــــــــل بعدچ ألي بس النياحه

تبقه تصرخ بالگلب وتون جراحه

يُمه احلفچ بالنبي احچي بصراحه

شنهي العمر لولاچ ** مايسوه ييمُه

يحنينه شتگولين ** حزني وين اضمه

عمري اشگد كئيب ** جرحي مايطيب

*********

انتي صح طفله يزينب بس چبيره

يجي يوم بلا اهل وبلا عــــــــــــــشيره

عالمحن ادري ييمُه انـــــــتي جديره

محنتچ اصعب يزينب چي اسيره

هموم انتي تشوفين ** واخوانچ صريعه

لو غابت هالاقمار ** تظلم هالوســــيعه

على حسين الخضيب ** جرحي مايطيب

*********

هاذي روحي تروح الچ فدوه ييمُه

گلبي كل الكـــــــون مايوسعله همه

ضعني لو كله تتطــــــشر من يلمه

ولو اشوف أيــــــــــتام تندهلي يعمه

ادري هذا مكتوب ** اصبر عالجرالي

مصابچ خلف جروح ** اخذ مني دلالي

من راح الطبيب ** جرحي مايطيب

لسان حال الحسن ع مع الزهراء _ ابو لقاء البهادلي1435

ياسلوة حياتي وياربيع الروح

يانبع الحنان وزهـــــــــــــــرة اسنيني

هذا اّنّه الحسن يايمه احجي اوياج

وادري بيج يايمـــــــــــــــــه تسمعينــي

بصدري الآه متكسره وتون اجروح

وغيابج يالحبيبــــــه حيل ياذينــــــــــي

اسمعي ونتي ولوعة قلب مجروح

ليش بلا وادع انتـــــــي تركتينــــــــــي

اكعدي وشوفي حالي ياضوه العينين

ماترضين بالحســــــــــــره تخلينــــــي

ييمـــه وشرد اكلج والقلب ملجوم

وجمرة هالمصـــــــــاب بروحي تجويني

اريد اوياج اتوادع وداع احباب

بلايه اوداع ما احمــــــــــل تعيفينـــــــي

ارحمي حالتي ياام حسن وحسين

واريد بنظرة اعيونـــــــــــــــج ترحميني

احلفج النبي وبوالدي الكــــــرار

اكعدي يالحنينـــــــــــه بلهفه ودعينـــي

اريد بشوق احضن ضلعج المكسور

وبصدر التكسر يمــــــــــه احضنينــــي

وناحـــي

دمعي ادموم يايمـــــــــه وناحي

وجروحي اهواي يحبيبه وناحي

الزهره اتموت ياوسفه وناحـــي

يريت اتصير موتتنــــــــه سويه

وعــــــــــــــــداج

هل نوح وهضـم يايمه وعـداج

حسافه الموت ماخلاج وعـداج

فرحت بالمصاب اعداي وعداج

وتون وسط القلب ونّــــــه خفيه

هد حيلي رحيلج_كريم فليح1435

ﭼــف شـال الصبـر ﭼــف قـالــع الـبـاب *** ﭼــف صبري ثـﮕـَـلّ مـن فـﮕد الإحبـاب
يـالعفتـــي خليلـــــﭻ
هَـد حيلــي رحيلــﭻ
ــــــــــــــــــــــــ
آنـه اللــي قلعــت الــبـاب بيمينـــي *** آنـه الــمـا ﮔـــدر واحــد يـلاوينــي
لـﭼـن إللـي لـوانـي يـا بَعَــد عينـي *** فَـﮕـدﭺ يـالــزﭼيــه ودمعــة إبنينــي
بعــدﭺ يَــم حَســن ظلمـه إصبـح الــدار
رحتـــي وبـالـﮕلــب تتـلاهــب الـــنـــار
تجيلـي لــو إجيلـــﭻ *** هَـد حيلــي رحيلــﭻ
ــــــــــــــــــــــــ
آنـه الـما حِنَـت كــل نـايبـه ظهـري *** لإنــﭻ إنتـي ﭼنتـي والله كـل صبري
بعـد ياصبر أسولف عنـه مـا أدري *** خلص صبري بمصابـﭻ يابعد عمري
ضـل بــس الــدمــع يـالحــره والنــوح
بعـدﭺ يَـم حسـن ﮔلبـي إمتلـه جـــروح
يـالبـﮕلبــي إشيلــــﭻ *** هَـد حيلــي رحيلــﭻ
ــــــــــــــــــــــــ
إشوفـن كـل حـلاوة دنيتـي إبعينــﭻ *** وحسافـه البيـن حـال إبينـي وبينــﭻ
رحلتي إبحسرتـﭻ يـا ويلـي وونينـﭻ *** وعفتي النـوح إلـيَّ وشوغـة إبنينـﭻ
نسيتـي عشـرتـي وكــل ذيــﭻ السنيــن
عفتـي الضيــم إلــيَّ ودمعــة بـالعيـــن
ﭼنـت اسكــن دليلــﭻ *** هَـد حيلــي رحيلــﭻ
ــــــــــــــــــــــــ 
إشوف الباب وأبـﭼـي ودمعي يتجاره *** امنشوف الدم صبغ يالـزهـره بسماره
إصيحــن آه وﮔليبـي تشــب نــــــاره *** ﭼَتفتنـي الـوصيـه ومـا خــذت ثــاره
عالمحسن إون يَـم الحسَــن وحسيــــن
مـــا إدري إون لمصيبــة الضلعيـــــن
يـالمهــــدود حيلــــﭻ *** هَـد حيلــي رحيلــﭻ
ــــــــــــــــــــــــ
قصـة بـابـــﭻ اتضميهـــا والعَصــره *** ومـا ونيتــي يَمـي الضلعــﭻ وكسـره
علـي تخفيـن خَـدﭺ ليـش يـالـزهــره *** تخـافيـن إنهضـم لـو شاهــد السطـره
شفـت الصـار بيــﭻ إبسـاعـة التغسيـــل
إتـذكــر مصابـــﭻ والـــدمـوع إتسيــــل
مــا يحصـل مَثيلـــﭻ *** هَـد حيلــي رحيلــﭻ
ــــــــــــــــــــــــ
رِدي الحيـدرﭺ يــا زهـــرة إسنينــي *** فـَﮕـدﭺ يَـم حســن تـدرينـه يــاذينــي
زينــب والحَسَـــن همهــم يبـﭼـينــي *** وتـﮕطــع دلـيـلــي وَنَّــت إحسينـــي
لــون رَديتـي إلـي يَــم خيــرة الشبــان
وَرِد دَربـﭻ أزرعــه وإشتـل الريحـان
وعيــونــي التشيلـــﭻ *** هَـد حيلــي رحيلــﭻ


يا شيعة نادوا بالدمع_عمار العيساوي1435

* يـا شـيـعـه نـادوا بـالـدمـع **آ يـفـاطـمـه
مـكـسـور من عدها الضلع **آ يـفـاطـمـه
---------------------------------
ياشـيـعه نادوا بـالحزن **ويـلـي وويلاه
كـسَـر البـتول الطاهره ***أبـداً مـنـنـساه
نلطم عليها ابكل وكَت **بالحسره والاه
بـمـصابها الكـل مـنـفـجـع **آ يـفـاطـمـه
-----------------------------------
مفجوع كَلب المصطفى **وبكَـبره ينعه
والباب حين المُـعـتــدي **اعليها يدفعه
يكسـر ضلعـها وللـنبي ***يكسرله ضلعه
هاللـيـله ابوها ابيا وضع **آ يـفـاطـمـه
------------------------------
لمن دفـنـها المـرتـضى **أبنوح وفجيعه
ناده يـبـوهـا فـاطـمـــه **أمست صريعه
رديـتـهـا الـلـيـلـــه ألك **هــاي الوديعه
كَلبـي عـلـيـهـا مـنـصـدع **آ يـفـاطـمـه
------------------------------
مـصـدوع كَلب المرتـضى***بهاي المسيه
وعيونه لاجل الزاجـيـه **ظـلـت جـريه
هدت ركن عزم الوصي **هاي الرزيـه
عـزمـه عـليها مـنـصـدع **آ يـفـاطـمـه
----------------------------------
ياشيعه خل نبجي عله *الــصابوا صدرها
وشلون عالوجنه اجه **قـنـفـذ *سطرها
وسياطهم يوم الحشـر **يـظـهـر أثــرها
السوط أبمتـنها مـنـطـبـع **آ يـفـاطـمـه
-----------------------------------
ياشيعه محســنـها وكـَع **نادت يـفـضـه
ســنديني بالباب الردي *صدري يرضه
يافـضـه كـل اللـي جره **للرب اعرضه
مايرضي ربـنـه هالوضع **آ يـفـاطـمـه
-----------------------------------
خادم اهل البيت ع. عمار العيساوي

ظلموني بوية الهادي_جابر النجفي1435

أم الحـُسين إتنادي === ظلموني بويه الهادي
ـــــــــــــــــــ
يابويه من بعدك غدت أيـّامي
ظلمه إو علاه الضيم گلبي الظامي
ما أنصفوا حيدر علينه الحامي
وأصبح أبو الحسنيين حاير دامي
نكروا ولينه الفادي === ظلموني بويه الهادي
ــ
نار السقيفه يانبي تچويني
إلـْمـَن أروح إو أشتكي دلـّيني
جور إو غدر أجرى مدامع عيني
كل ناصبي إو فاجر شــَرَر يرميني
صارت دموعي زادي === ظلموني بويه الهادي
ــ
ضلعي إنكسر من دفعة العدواني
بسمار صـَوّبلي الصدر وآذاني
مـُحسن وگع بويه إبألم ناداني
يــُمـّه الفعل هذا إبغدر شيطاني
شافوا دموع إولادي === ظلموني بويه الهادي
ــ
آني على إفراش المنيـّه إبــْهمـّي
والمرتضه تجري دموعه يمــّي
شوفة بنيني بالمصيبه تعمي
زينب يبويه الزوّدَت من غمـّي
صوت المنيـّه شادي === ظلموني بويه الهادي
ـــــ
ماريد ياحيدر علي الظلموني 
يمشون بجنازتي وإيشيلوني
وإخفي الگبر يالمرتضه يعيوني
ماريد ذوله الناصبه إيزوروني
منعوني نيل إمرادي === ظلموني بويه الهادي
ــ

عينك على زينب أريدك حيدر
ماريد بنتي العالمه تــِتـْحسـّر
زينب زغيره إو خايفه تــِتـْكدّر
أدري الحزن يلفيها يوم إو يكثر
يوم اليصيح الحادي === ظلموني بويه الهادي
ــ
لازم يجي يوم إو تهل أنواره
إبني اليطالب بالقصاص إو ثاره
يشهر أبو صالح غدن بتــّاره
يبني دولته إو شيعتي أنصاره
وإتهل عليــّه أعيادي === ظلموني بويه الهادي
ـــ
ياشيعتي آني الشفيعه أحضر
ويـّاكم إبأهوال يوم المحشر
يسگيكم إبأيده وليكم حيدر
شربه إو بعد ماكو عطش يتكرّر
إلكم يحل ميعادي === ظلموني بويه الهادي
ـــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده لى هذا الرابط

نعي للزهراء_كريم فليح1435

نعــي للــزهــراء (( صلواة الله وسلامه عليها ))




وصلت الـﮕبر أمهـا زينـب وعينهـا أدمـايـه جـريـه

تســاوه ويَّ الــﮕاع شـافـت هـالـﮕبـر مـالـــه بِنِيَّــــه ( بُبيان )

لطمت أعلـه الراس صاحت والله مظلومـه الـزﭼيـه

يمـــه زينـب هــــايَّ أنــــه ردي يحبيبــــه عليـــــه

يمــه جيـت أبلـيـل أزورج وأجـري ونـاتـي الخفيـه

يمـه ظلمـه الـدار بعــدﭺ وأصبحت وحشــه خليــه

الحسـن يبـﭼـي وينـــادي يمـه ريـت المـوت أليـــه

والحُسيـن أيصيـح ﮔبلـﭻ مـن خـذت روحي المنيـه

ﮔـومـي رِدي ويـاي يمــه وضوي دارﭺ يـالـوَفيــه

مـو محلـهـا النـومـه هـايَّ ﮔـومـي يـالحـره الأبيــه

أمـﭼـانـﭻ أبـدراﭺ يَيمــه هنـاكَ مـو تحـت الـوطيـه

ــــــــــــــــــــــــــــ

الـﮕبرج أتعنيـت يمــه والـﮕلـب بهمـومـه حـايــر

كـون يَمـﭻ خيمـه اَبنـي وأسكـن أبنص المـﮕابــر

أبكلشي كابَر ﮔلبي والله عالمصايب دومه صابـر

بس مصابﭻ هَـد دليلي وﮔـَلي مـو وكـت التكابـر

أﮔضي ليلي أبدارﭺ أﮔـعـد بالنعي وببـﭼاي أساهر

أنهـدم بيتـي عليـه الـﭼـان بيــﭻ إحبيبــه عـامــر

يُمـه فـﮕدﭺ يتمـانـه وسَبـب أبكسـر الخــواطـــر

ـــــــــــــــــــــــــــ


إنــه زينــب والـﮕلب محتـــار

وأدور عـزه إمي وين ماصار

أويلي أبابهـا لــن شبـوا الـنـار

وكسِر ضلعينها وبالصدر بسمار

ومحسنها وﮔـع يـم عتبة الـدار

وسطروها إعله خدها الـﮕوم الأشرار

ــــــــــــــــــــــــ

إنـــه زينــب والــدمــع سـﭼـاب

وأدور عَـزه أمـي أبيـن الأحبـاب

علـى الي صار ألها الباب الحجاب

على الكسروا ضلعه أبعصرت الباب

على السـﮕطوا أبنها أبكتـر الإعتـاب

مـن هجموا عليها عـداهـا الأرهـاب



كريم الحاج فليح

ابوذيات ونعي للزهراء س_كريم فليح1435

ونعــي لـوفـاة الـزهـراء (( عليها السلام ))




مــن تنـزلـهـا أبلحــدهــا أبهيــده بـالله أويــاهــا

نهـا مـا التلـك إمـي أمرضرضيـن إعضاهـا

خــايِّفــه أتمــرد دلـيـلــك يـالـنــت سلــواهـــا

ومـا حـتلـــك عـالهظمهـا يــاعلــــي وآذاهـــا

ــان بـس النــوح هَمهــا والـونيــن أدواهـــا

أمــي يــا حيــدر تـراهـي أمـرمـره أبـدنيـاهــا

خلـي أسـولفلــك عليهــا أشـافــــت أمنعـداهـــا

عينهــا أبسطـــرت يمينــــه النَــــذل طفــاهـــا

وَكسَـر أضلـوع المَحَنَّـــه أبـابهــا ورضـاهـــا

ونَبَّــت البسمـار بيهـا بـويـه وأجــره أدمـاهــا

وطـاح محسنهــا أبـرفستـه ميـت أمنحشـاهــا

أمـي شبعت ضيـم بـويـه وما حـت بَلـواهــا

عـالصبـر والآه نـامت والبـواـي إغطـاهــا

أمي مو من هسه بـويـه الموت أجه أولاواهـا

أمـي مـاتـت ويَّ جَــدنــه ويَّ مـوتــت طـــه

راحــات

يبـويــه أمــي أمنـدينـه اليـوم راحــات

لَـد أعلـه الـوجـه والـراس راحــات

علينـه الـدنيـه صارت ليــش راحــات

طحنتنـه وخـذت منَّـه الـزجيــه

(( الجيناسات // رحلت // راحت اليد // رحت طحن ))

وأشيلــه

يــــا هــــــم البَعـــــد أحمـــــل وأشيلــه

مصـــاب أمــي هِـــدَم حيلـــي وأشيلــه

عنـدي أحجـاب ضـل ألـهـا وأشيلــه

تـرد الـروح لــو أشمهـن أليــه

ــــــــــــــــــــــ

راحـت اُمنــه

الـكبــر والمــوت صـارن راحـت اُمنــه

وعلـى الـتـابـوت بـالهـــم راحـت اُمنــه

تمــر عـالـراس جــانــت راحـت اُمنــه

بعــد يـا أيــد لتطبطـب عليـــه

(( الجيناسات // راحــه // رَحَلت // راحت اليد ))

شـالـت اُمنـــه

بعمـر لــورود أحنــه و شـالـت اُمنـــه

أشــم لحجـاب وأشتــم شـالـت اُمنـــه

وأكـل للبيــن تعـــرف شـالـت اُمنـــه

أمـوت وألحـك أبـامـي الــوَفيــه

(( الجيناسات // رحلت // الشيلــه // شتمنــه ))

وِلَعنـــه

ينـاصب لا تصـــل يَمنــــه وَلَعنــه

الجنــون أبحــب زيتنـــه وَلَعنــه

تـريـد أسكــت ولا شتمـــه وَلَعنــه

الطَفـَّه أبسطـرتـه عيـن الـزجيـه

(( الجيناس // أبتعـد // تولعنه // اللعنـه ))


كريم الحاج فليح
ونسألكم الدعاء

الخميس، 13 مارس 2014

ابيات نعي للزهراء_المعاتيقي1434


يـيـمـه لـيـش بـالـنـيـران يـهجموا إبدارج الأصحاب
يـلـطـمـونـج  عـلـى خـدج يـسـقطونج عله الأعتاب
دردي إجـواب يـا يـمـه عـلـه إولـيـدج دردي إجـواب
تـراهـو حـسـيـن يـم حـسـيـن الـصوتج إشكثر ولهان

دون أضـلاعـج إتـمـنـيـت أضـلاعـي إتـكسرت بالباب
و راسـي مـن قـبـل مـحـسـن يـتـعـفـر عله الأعتاب

يـبـنـي حـسـيـن أوجـاعـك عـلـيـه زادت الأوجاع
يـا لـيـت إتـكـسـر أضـلاعـي تـسـلم منك الأضلاع
و هـتـك إخـمـاري مـن بـعـده إخـتـك يبقه ليها إقناع
و نـيـران الـلـي فـي داري عـن إخـيـمـك تـصد النار

يـبـنـي الـلـي رفـس بـطـنـي بـيـتـربع عله صدرك
و مـحـسـن طـيـحـتـه أهـون مـن طـيحتك عن مهرك
رغـم عـذري حـجـيـت إويـاك لـكـن لـختك إشعذرك
إذا مـا سـمـعـت إجـواب يـوم إتـلـوذ هـالـكـفـار

يـيـمـه يـوم الـدار يـا زهـره مـا بـاشـوف مـثله يوم
و  عـاشـر  عـنـدي مـيـعـادل يـزهـره خـدج الملطوم
يـا  لـيـتـج  مـا يـظـلـمـونج و أظل طول العمر مظلوم
و لا أسـمـع إلـى إونـيـنـج و إتـلـوذيـن خـلف الباب

مثل ما تحضر الزهرة مأتمه_علي العابدي النجفي1435


مثل ما تحضــر الزهره مأتمه
هذا ابو السجاد حاضر فاطمه
دم على المنبر يطيح .. لو هتف نحر الذبيح
وآ اماااااه : يا زهـــــراء
*****
انحني وقدّم عزائك .. واكَطــع انفاس الكلام
الليله للدمعه السوالف .. والمقال من المقام
مو سماحة شيخ يقره .. والرواديد الكــــرام
انظر بعين البصيره .. تلكَـــــه عالمنبر امام
ابتده المجلس نحيب اجوابه
آه ياكسر الضلــع ومصــابه
هذا مولاك الحسين .. والكلام من الوتين
واويلااااااه : يازهـــــــراء
******
من نحر دامي امامك .. يصــــــرخ بصوت الالم
لحظة تطلع منه كلمه .. ولحظه ينزف منـــه دم
ولو قره حسين المصيبه .. تابع لــــراعي العلم
عن يمينه اليوم دّور .. ياضــــــــوه بعينه سهم
ولو خفه عليك الكَمر راعي الجفوف
نادي يازينب لبــــــــو فاضل تشوف
ذاك ابن خير العمل .. ابزنده يحمل مستهل
بدال لوااااه : يازهـــراء
********
هذا حدك ياموالي .. لحظـــــــــــه تتناسه البصر
ابتده ذكر العقـــيله .. وانتهـــــــــــــى ذكر النظر
زينب الحوراء تحضر .. لــــــو ابو فاضل حضر
تحمل المحسن بديها .. ولايذه بســـــــــــد الكَمر
تشكي للعباس وتسيــــــل الدموع
اتحلفه بالخوه يرد حيف الضلوع
تكَلّه باچر يا بدر .. بشيمتك ثار الصدر
ماتنســــاه : يا زهــــــراء
**********
نزل جبرائيل يهتف .. وينه طـــــــالب حاجته
ووينه چـفك ياموالي .. الليله حــــانت ساعته
هذي بيبان الحـــوائج .. تنتظــــــــر بس دكَته
الحضر ماتم الزهره .. حسين يحــضر شــدته
ابتده بيت المصـــــــــيبه والبكاء
وشوف امامك كيف يختم للعزاء
عفه كَلبك لو صبر .. الختام ادهه وامر
من يقرااااه : يازهـــراء
******
عادة ارباب المقاتل .. لودنــــــــــــه وكت الخـــتم
ترمي العمامه واديها .. تلطــم الهــــــــامه بهضم
شيرمي ابو الاكبر اسألك؟ .. بلكي لن عـــدك علم
حسين لا هامه وعمامه .. ونحره بالـچف ينلـچم
آه واويلااااه يا كَلب البتـــــــــــــــــول
من تناظر حالته شتحـچـي .. شتكَول
من على المنبر هــوه .. ضامي من نحره روه
وفيض دمااااه : يازهراء

انه زينب_سيد حسن الحسيني 1435

انه زيــنـــب شفت بعيوني ضلع امي تكســـــــر
انه زينـــــب وشفت محسن على الغبره ايتعفـــر
جم جرح بعيونــــي امن الزغر يتموني
**********
ذكريات امن الطفوله وعاشن اوصارن الي
فاطمه امي تنادي انكسر ضلعي ياعلـــــــي
ولايذه بالباب هيه وصوتهه ضل يعتــــــلي
من مصيبة امي فاطم همي ماظن ينجلــــي
انه زينـــــب شفت ايد امي حمره بساعة النـــار
انه زينـــــب وصدرهه بيه نبت بالعصره بسمار
ودمعتي اعله اجفوني امن الزغر يتموني
**********
شلون تتحمل الزهره اتدافع ابجفهه العـــده
الباب تجوي امن اللي شعلوا نارهم متوقده
العدو سهم المنيه اعله امي صار ايســــدده
ومن بعد هالعصره صارت عله الكَاع امدده
انه زينــــب قلبي زغيرون مايحمل مصايــــــــــــــب
انه زينــــب راسي والزهره وعلي امن الصار شايب
وخيبوها اضنونـــــــي امن الزغر يتموني
**********
اذني من زغري اسمعت اضلاع فاطم تنكسر
وعيني شافت شمعة امي تنطفي اوبيه جمـر
ابد ماجان بخيالي وموعلى بالي تمــــــــــــر
امي ابريع الشباب اتموت وبهذا العمـــــــــر
انه زينـــــب صفيت اتوادع اويه الزهره امــــــي
انه زينـــــب الفراق اويه العذاب اصبحلي سهمي
واكتب اعله امتونـــي امن الزغر يتموني
**********
محسن شلون احجي عنه الطاح وبلايه جرم
حتى طفل البالجنين البينا منهم ينظلـــــــــــم
اه يالوعة الزهره اكَليبي عالام منهظــــــــــم
وانه من احضان امي يهالوادم انحــــــــــــرم
انه زينــــــــب الحزن ليه انكتب لين المنيـــــه
انه زينــــــــب السمه ويه الارض تبجي عليـه
الحايره سمونــــي امن الزغر يتموني
**********
بويه حيدر كَيدوه اعداه بحبال الغــــــــــدر
وانه دلالي اعله حاله صار بالهم منفطــــر
واسال الكرار ابويه عالضلع هم ينجبــــــر
جاوب ودمعاته تجري بويه يصعب هالامر
انه زينـــــــب بيه الام وحزن مرسومــه بالروح
انه زينـــــــب ونتي لجل الضلع طبعتهه لجروح
ابجي دم خلونـــي امن الزغر يتموني
**********
خادم اهل البيت ع
سيد حسن الحسيني

نعي للزهراء_كريم فليح1435

الـﮕبرج أتعنيـت يمــه والـﮕلـب بهمـومـه حـايــر

كـون يَمـﭻ خيمـه اَبنـي وأسكـن أبنص المـﮕابــر

أبكلشي كابَر ﮔلبي والله عالمصايب دومه صابـر

بس مصابﭻ هَـد دليلي وﮔـَلي مـو وكـت التكابـر

أﮔضي ليلي أبدارﭺ أﮔـعـد بالنعي وببـﭼاي أساهر

أنهـدم بيتـي عليـه الـﭼـان بيــﭻ إحبيبــه عـامــر

يُمـه فـﮕدﭺ يتمـانـه وسَبـب أبكسـر الخــواطـــر
_________
إنــه زينــب والـﮕلب محتـــار

وأدور عـزه إمي وين ماصار

أويلي أبابهـا لــن شبـوا الـنـار

وكسِر ضلعينها وبالصدر بسمار

ومحسنها وﮔـع يـم عتبة الـدار

وسطروها إعله خدها الـﮕوم الأشرار

ــــــــــــــــــــــــ

إنـــه زينــب والــدمــع سـﭼـاب

وأدور عَـزه أمـي أبيـن الأحبـاب

علـى الي صار ألها الباب الحجاب

على الكسروا ضلعه أبعصرت الباب

على السـﮕطوا أبنها أبكتـر الإعتـاب

مـن هجموا عليها عـداهـا الأرهـاب



كريم الحاج فليح

ونسإلكم الدعاء



اثر كسر الضلوع _ كريم فليح1435

الهسه بفراشـ أثـر كسر الضلوع *** والـوسـاده إعليهـا آثــار الـدمــوع
وبكتــر بــابــــ أنيـــــن
أيــرد صـدى بالخـافقيــن
ــــــــــــــــــــــ
بـكل شبـر بـالبيـت يمـه رسمتـي ألنـه ذكريات
هنانـه تتوضين نتـي وهـذا محـراب الصـلاة
وهـذا تنور أشـوفـه يمـه حيــن المتـِّي مــات
يمه بس الـذكره ضلت بيـت ما ـن بـي حيـاة
يمـه بيت أبغيــر أم مظلم يصيـر *** واليتيــم أبـلايـه أم لبــه كسيـــر
سمعــي ونـّـات الحســين
أيــرد صـدى بالخـافقيــن
ــــــــــــــــــــــ
إهنـانـه نــعد نّه يُمـه ونلتـم أبهـذا المــان
إهنـانـه تحـت أجناحـ أنحس يالوفيه بالأمـان
أهنـانـه غـذيتينــه يُمـــه بـالمحبــه وبـالحنــان
نـه أسعد نـاس يُمـه بس غـدر بينه الـزمـان
إهنـانـه نلتـم نـه يَـم لب الـبيـر *** أهنـانـه قاسمتينـه بـرغيـف الشعيـر
بصوت أصرخ هم تجيـن
أيــرد صـدى بالخـافقيــن
ـــــــــــــــــــــ
أهنـا بـدت يمـه المصيبـه بين حايـط بيـن بـاب
رضوا إهنـانـه ضلوعـ وبتـده بهــذا المصاب
بصدر البسمـار شفتـه يُمـه ودمومـﭻ خضاب
أهنا شفت سطره أعله خد والجنين إعله التراب
إهنـا وـعتـي وعينـ أدمايـه تسيـل *** أهنـا يَفضـه صحتـي ممروده الدليل
إهنـا صرختـي يـا مُعيـن
أيــرد صـدى بالخـافقيــن
ـــــــــــــــــــــ
شنهي نفـع الخيمه يمـه لــو وـع منهـا العمـود
وأنتي عفتينـه ومشيتي ولتـي لا ما بعـد أعـود
أمنـالطفـولـه أتيتمينــه وأحنـه بعمــار الــورود
والحــزن خَيَّـــم علينــه والألـــم والهَــم يســود
أنتي ضَم جسمـ يالحبيبـه التراب *** وأحنه خلصنه العمر بس بالمصاب
ونـــوح وبلطــم الجبيـــن
أيــرد صـدى بالخـافقيــن
ــــــــــــــــــــــ
أفـرش أفراشـ بـديـه يمـه لـو حَـل الغــروب
وأنتظر بلــن تجيني ـاعـده بـدار والـوب
وأبحـر أبـكل ذكرياتــ وبمـراسيهــا أجــوب
لبـي راح إمنـالنيـاحـه والحـزن َنَّـه يـذوب
يمـه أشـم بوسادتـ وأبــي وأنوح *** يمـه بيـه إشــد علـى فراـ جروح
جروحـ وجـرح الجنيـن
أيــرد صـدى بالخـافقيــن
ـــــــــــــــــــــ
يمـه نـص اللـيـل أبـونـه يعتنـي أبسيل الدمـوع
والجدم شفتـه يخطـه الـبـرج ومحني الضلوع
شـايـل القــرآن بيــده يمــه وبخـــور وشمـــوع
للفَجـر يبــه أويَّ بـر يُمـه والحــد الطلــوع
والمـلايـك تمـشي خلفـه أبكـل وقـــار *** وآنـه أضّـي الرَجعته اللـيـل أنتظـار
وصوتـي نـادا أبحنيـــن
أيــرد صـدى بالخـافقيــن

مضامين الوصية _زكي الياسري النجفي1435


ياحيدر ابليـل أريــــدَن مِن تِدِفنونـــــي
ما أقبل اعداي يبــــو الحملـه يشيعوني
يالغالي فرگـاك صَعُب كلـِّش عَـليّه
هـذي يبـوحسين .. مضامين الوصيه

1
يا حيدر يبو الحسنيـن يـا غالي
يالبيرغ مُحمَّـد بيــك ظــل عالي
ينور العين تعلم يالوصي بحالي
وتعرف بالعـــذاب الشالـه دلاّلي
يحيدر مالي غيرك يا علي مالي
وصيتي هاي إكتبها ابدمع هالي

إكتب وصيتي ابدمع عينـاك وعيوني
وأرجوك لا تنقهر لو تنظـــر امتوني

لا تذرف ادموع شجن ذيچ المسيه
هـذي يبـــوحسين .. مضامين الوصيه
ياحيدر ابليل 

2
وصيتي الأولى ماريد اليّ ظلمـوني
يشيعون الجنـازه و لا يحِظــــروني
ولا أرضى ابترُب گبــري يزوروني
عليهم غاضِــبــه الظـُلام يـــدروني
العرفو قدري لكـــــــن حــيل آذوني
ومن ضيم الـ عـذاب الـلوعه ودوني

مرضاتي مرضاة رسول الباري عرفوها
وابكل مُجافـــاة عُهـــــود الدين خانـوها

يدرون ياذي النبي الياذي الزچيه
هـذي يبـــوحسين .. مضامين الوصيه
ياحيدر ابليل 

3
علي وأطلب طلَب منّك يـَ أوفـه الناس
يمن للرحمــــه إنتَ القِـدوه والمقياس
گـلـُب زينب گـلـُب يابالحسـن حسّاس
داري هاليتيمـــــه يا أبــــــو النوماس
اريدك يا علي من تِخــــــــمد الأنفاس
تِحط عطفك وديـك اعله الدمـع حراس

زينب يتيمه تِظـَـل من بعــدي داريها
لو نِزلت ادموع حزنها مِـن بواچيها

يمّك وديعه يا علي هـــاي الصَبيّه
هـذي يبـــوحسين .. مضامين الوصيه
ياحيدر ابليل

4
يحيدر والحسن وحسيــــن سلـِّيهُم
لو حانت وفاتــــي عنــّـي نحّـيــهُم
الملايك بالسمه لو عايــِنـَـــت ليهم
ضجَّت كل سمه ابسِـبّة بواچيهـــم
أمس راح النبي عنهـــــم يَـواليهم
يا سلوه ابغيابـــي الّي تِواسيهم ؟

يا ملجه الايتام حسن وحسين كل روحي
عندك أمانه ودمعهم يلچــــم اجروحي

ضموها لدموع ذخـــر للغاضريه
هـذي يبـــوحسين .. مضامين الوصيه
ياحيدر ابليل

5
ينور اعيوني يا بلسـم جراحـــاتي
ما غيرك عرَف يالوالــي سِـر ذاتي
يا جابر كسر ضلعــــــي وعذابـاتي
وصيتي بالدَمِـع مكتـوبـه وآهـــاتي
أريدك تنقل الهــــل أمَّـــــه مأسآتي
وتِخفي گبري عَن مَن سَن ظـُلاماتي

بلكن يـِعرفون ألـــــم گلبـــي ومضامينه
لمّن يسألون گبـُر بنـْـتِ النبـــــــي وينه

للمهدي گلهم أمر ثـار الرضيه
هـذي يبـــوحسين .. مضامين الوصيه
ياحيدر ابليل
زكي الياسري النجفي
02/02/2014

آه يا ليل _ كريم فليح1435

شعنــدك مــن إهمـــوم إحـﭼــــي ... آهٍ يـا لــيــل
وآنــه إشكــي همـومـي ونبـﭼــي ... آهٍ يـا لــيــل
آنــــه ويــــاك وآهـــاتـــــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
عنـدي إسـوالـف آنـه هــواي يــا ليلــي
خلـي إحـﭼيهـن وتـالـي إنـت تحـﭼيلـي
بعـدنـي إبعــز شبـابـي وإنهـدم حيلـــي
ﮔمـت مــن إمشــي إولادي التتـﭼيلــي
مـن إبـﭼـاي ومـن نـوحــي ... آهٍ يــا لــيــل
خِلصت حَسيـت إبـروحــي ... آهٍ يــا لــيــل
جيـت إبــونـتـي وحسـراتـي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
فــاطمتــك مصايــب نــزلـــت البيهــــا
تهــد حيــل الإرض وإتهــد رواسيهــــا
همــوم الـدنيــه صبــن كلهــن إعليهــــا
العــذر يـا يلــيــل إتحمــــل بــواﭼيهــــا
الـدمعه إموشلـه منعيــونـي ... آهٍ يــا لــيــل
وإعلـه إبـﭼـاي إيلـومـونـي ... آهٍ يــا لــيــل
اِسمـع وإبـﭼـي الـوَنـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
إبـــدي إمنـالسقيفــه الغِــدرَت إحبـابــي
وبالغاصب حقـوقـي وهَيَّــج إمصـابــي
لـــو بـالخَلـــه نــــاره تلهـــب إبــابـــي
والــراد إبصـلافــه يهتـــك إحجــابـــي
والسطــرة الإكلــت خـــدي ... آهٍ يــا لــيــل
مـدري إبيـا هـم آنــه إبــدي ... آهٍ يــا لــيــل
مفطـَـر ﮔلبــي بلــوعــاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
دفـــع بــابــي عَلـــيَّ الــمـالـــه إمــــروه
نِبَـــت بسمـــاره بيــــه وآنــــــه إتلـــــوّه
علـى ضلـوعـي دَفِعتــه صـارت إبقـــوه
مثــل بلــواي مـا صـارت إبــــد بلـــــوه
ومـن صحـت إحـا يضلـوعـي ... آهٍ يــا لــيــل
نـزلـــت عـالخَـــد إدمــوعــي ... آهٍ يــا لــيــل
بـس مـا سمعــت شمـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
نــــار المحســـن إبــدلالـــي ملتهبـــــه
جنيـن وبـالحشــا وإعلـه الإرض ذبـــه
يلــيــل إرد إسـإلــك بـالله شنـــو ذنبـــه
شعنده أويَّ الجنيـن الطاغـي مـن عَتبـه
ﭼنـــت آنــه محضره إهـدومـه ... آهٍ يــا لــيــل
صـــارن لهــــدوم إدمـــومــــه ... آهٍ يــا لــيــل
وتـالـي إتـﮕمـط بِعْبـاتــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل
ـــــــــــــــــــــ
بيــه إشــﮕد إبــوي إبهــل خلـﮓ وَصــه
وعشـت بالغصـه بعــده وإبـإثــر غَصــه
ﮔبــري راح إضمـــه وتبـﮕـه هـالقصـــه
تسـولفهـا يلــيــل إشمــا تصـح فــرصــه
قصتـي الشيعتنـه إحـﭼيهـــــا ... آهٍ يــا لــيــل
وإنصبلــي الــمـاتــم بيهـــــا ... آهٍ يــا لــيــل
وخينــادون إبثــاراتـــــي *** خــل نسهــر وي دمعـاتــي
آهٍ يــا لــيــل ... آهٍ يــا لــيــل