الثلاثاء، 4 يونيو 2013

صلاة الفـــــجر صلت زينب الحوراء_كرار حسين الكربلائي1434


صلاة الفـــــجر صلت زينب الحوراء وﮔــصدت كـــربلا وتتعثـر بهمها
وﮔفة خجل وﮔفت يم ﮔبر عبــــــــاس يطشرها الخجــل والفاجــعه تلمها
بألم بثنين اديـــــها لـــــزمت الشباﭺ وريحة خوته والـــــغيــره تشتمها
ونهض عباس من ﮔبره بـلايه ﭼفوف اشلون بلا ﭼفوف لزينب يــضمها
ما نطقت بـﭼلمه وما حـﭼـه الـــعباس ﮔبل لا تـحـﭼـي يدري شبيها عـلمها
من تحت الحجاب ودمع زينب ســـال ودمعة زينب العباس يفـــــــهـمها
ﮔاللها يزينب ادري شتريديـــــــــــــن بـﮔلبـﭳ اكوحجايه جروحي تلجمها
انه باب الحوائج زايري من ابعيــــــد اعرف نيتــــــــه وبحاجته اعلمها
ردي لحضرتـﭳ يــــــــا بت رسول الله وأمني حضرتـــــــﭳ محد يهدمها
انه العباس اخوﭺ وسيــفي ملـﭳ الموت ورب الشــــــام كل الشام اعدمها
سبيـﭳ يالعقيلـــــــــه جــــــــان امر الله وسكت لخاطـــــر الله والله يعلمها
بس حضرتـﭳ توﮔــــــــع لا يزينب لا حـضرتـﭳ حته جــبرائيل يخدمها
امانه ارد اسلمـﭳ لو وصـــــــلتي الشام يا هيبـــــــــة ابوها ومنزلة امها
عله الطفله رقيه سلمــــــــــــيلي هواي عزيزة ﮔلب اخـوي الدهر يتمها
واكتبي ابابها هذا الصــــــــحن مامون رقيه الغاليـــــه راعي العلم عمها
واذا لا سامح الله ومرقدﭳ يــــــــنجاس ارد ومن جديـــــــد الرايه الزمها
وانطي ﭼفوفي الج يازينب وعيناج وعلى بابـــﭺ ضحيه الـروح اقدمها
فرحت زينب وصاحت هلا وحياك يــــــــــا منبع الخوه وكـل علايمها
وحين توادعت وي الـﮔـمر عبــاس رفع عبـــــاس عينه السابحه بدمها
وناده يا الهي بنحر اخوي حسيـــن مــن كل خطر حضرة اختي سلمها
خادم الحسين(عليه السلام)
كرار حسين الكربلائي

حبيبة عمــــرك اتوفـــت يـــــعبـــــاس_كرار حسين الكربلائي


هاليله رقيـــــه بــــرض الغاضريه
تنادي اعله الشريعه بصوت الاحساس
حبيبة عمــــرك اتوفـــت يـــــعبـــــاس

___________________________

بعْيون الخيـــــــال انـظـُر رقيه وحيـــــــرّت فكري
تتخطه اعله شاطي الماي واتصيـــــح بدمع يجري
سامحني يبو الغــــــــيره شكولن تدري ؟ ما تدري
غريبه اتوفت الليلــــه حبيبــــة عمرك وعمري
بحزني اشتكيــلك يا عمي دخيلك
خبر عندي إلك وايـشيّب الراس
حبيبة عمرك اتوفـــــت يعباس




لا تســــأل عليه اشلـــون اجيتك يانظر عيناي
بطريق الشام وارض الطف إليه ذكريات هواي
نسيت العطش يـــــــا عمي بعد ما ريد منك ماي
اريدك ترفع الــــرايــــه و لزينب تجي وياي
منتظــــره لقدومك وينك ياهذا يومك
عفتها اتنــــادي بسمك آخر انفاس
حبيــــــبة عمرك اتوفـــــت يعباس


اجيت وجايبه بجــــفي دمعها وبيــــك اتوسل
تظل بكســــرة الخاطـر اعرفـــــك انت ما تقبل
صرختها دوت بالشام مثل صرختها فوك التل
يا كافل محامـــلها نعش اخذلها مو محمل
بجيتك ياكمرها ايرد ليها عمرها
يبو جفوف السخيه الكلها نوماس
حبيبة عمرك اتـــــوفـــــت يعباس

جنت يمها كبل متموت تحن ما حنّت الناكه
من شافتني صاحـــــت صوت للعباس مشتاكه
تكلي صاحـــب الغيره مــــا اتـــــحمل افراكه
الزمن ما ظن يسويها ويـــّه الغــــالي اتلاكه
مو قصدي اجرحك شماته يمها تضحك
اذا ماتنتهض تتشــــمت الناس
حبيبة عمرك اتوفـــــت يعباس


زينب يالكفل زيـــنب تدري اعداك ضربوها
متنها اسود من السوط وفــوك الهزل جتفوها
اخاف الماي اذا لامـس بــــــدنها بي يلجموها
وآثار الحبل تـــــــنزف خــــوفي من يغسلوها
نادي بالمصيبه زينب ياغريبه
علي انت علي بالشده تنقاس
حبيبة عمرك اتوفـــــت يعباس

الكمر من كبره حاجاها ونيــــنج هيّج ونيني
اشلون انظـُرها ياعمي وبــسهم انطفت عيني
اشلون احمل جنازتهــا وأنه مكطوعه جفيني
سلميلي على زيـــنب وكلها يكول اعذريني
صاحت يكفي عذرك والخالق يصبرك
يليث البالحرب حده مينــــداس
حبيبة عمرك اتوفـــــت يعباس

خادم الحسين (عليه السلام)
كرار حسين الكربلائي

يا بالحسن وصيامك ينحب مثل ايتامك_كرار حسين الكربلائي



رايــــح يحيدر والزمن ما ضن يعودك
دمعـــة ركوعك هامله ودمعة سجودك
يا بالحسن وصيامك ينحب مثل ايتامك
________________
يـاركن الصلاه هليوم صــلاتك تنحب لفركــــاك
فرض الصبح ياحيدر بمحرابك وكـــف ينعـــــاك
أذانك تهمل دموعـــه وصرخ يا حيدر الله وياك
علي وتكبيرة الاحرام هـــوت وتبركت بدمــــاك
شوف شكثر ضيم وقهر شفت بحياتك
(فزتُ وربِ الكعبـــــه) ناديت بصلاتك
دم النزف من هامك ينحب مثل ايتامك
___________
شفنه اليوم يا بو حسين دمع الفاتحه يجري
يحيدر سورة التوحيـــد تواسي سورة القدر
قنوتك ياعلي نــــــاداك غايب يا أمل عمري
كبلك يا علي الكــــرار ياريت انحفر كبري
ياحيدر ولمصيبتك ينحب خشوعك
يتــــــذكر مناجاتك ويذكر دموعك
شفنه دمع ألآمك ينحب مثل ايتامك
______________
مهظوم وركوعك صاح عسن عنك بعيد الشر
ركع يم جرحك ونــاداك عســاك بخير ياحيدر
سجودك يــــــاعلي يمك سجد ودموعه تتفجر
مذهول وينادي ويـــــن رايــــح يا بطل خيبر
آه وتـــرجيت الأجل سالم يعوفك
يا حيدر نعيش بألم لو ما نشوفك
تلكه العرش كدامك ينحب مثل ايتامك
_______________
التشهد ياعلي نــــاده حزيــن ويمـــــــك تمدد
الظالم صابك بسيفـه ومــــا لــــــحكت تتشهد
والتسليم يابوحســين بـــــكتر محرابك توسد
سلام الله على جرحك ينادي والحزن السرمد
حته الفجر يا بالحسن يبجي اعله فكدك
وينـــــادي افنـــه وما أطر اتمنه بعدك
كل خادم بخدامك ينحب مثل ايتامك
__________________
يداحي الباب هليـــــله حزن لجلك شهر رمضان
صيامك ياعلي المــاتم وكف يم طبـــرتك حزنان
علي يا فرحة المظلوم علي يمـروي كل عطشان
سيفك يـــا علي سيفك شيـــد للــــعقيده اركــان
انته الصميده الماكدر واحد يخيفك تتخضب وينحب الك هليــله سيفك
ياسيدي وصمصامك ينحب مثل ايتامك
__________________-
ضمير الدنيه يتلوع مثل ماتنحب العيله
الحسن يا بالحسن ينحب بفكدك هدمت حيله
مثل دم هامك المظلوم مدمع ناظره يسيله
وزينب ياعلي تناديك يتيمه زينب الليله
كل دمعه تنزل من جفن عين اليتامه
ترفع اديها وتندعي تكوم بسلامه
ياسيدي وايامك تنحب مثل ايتامك

..
..
...
خادم اهل البيت (عليهم السلام)
كرارحسين الكربلائي 

دموعي تنادي ســلام عليك_كرار حسين الكربلائي


(الدمع والضلوع)
مسيلُ الدموع لكسر الضلوع
أيا بــنت طــه وام ابيــــــك
دموعي تنادي ســلام عليك
_____________
بصحرة خدودي الضاميه مطرت سحب اجفاني
ولباب بنت المصطــــــفه إحـملني براق احزاني
شاهدت نار الهيــــــــجت بيــــــن الضلع نيراني
شفت الزجيه وسلمــــــت بــــدموعي مو بلساني
فجاءتك روحي لتحكي جروحي
فأننــــــي عبد وبين يديك
دموعي تنادي سلام عليك
____________
كل رمش بعيوني سجــد من شفت نور العصمه
وأسألت روحي بدمعتــي شـــــجاب السهل عالقمه
ياجف ضلاله الي وصل ضلـــــع الهدى ويهشمه
شصبرك يا كلب السمـه من انســــطر خد النجمه
لخير العبـــــاد فهل من منادي
ألا لعنة الله على ظا لميك
دموعي تنادي سلام عليك
_____________
كل لحظه مرت بالزمن تعرض حروف الـمأساة
قصة مصيــبة فاطمـــــه بجتــــــنه احــياء اموات
ذات الاله الطــــــــاهره اشلون انكسر ضلع الذات
مصحف عيون المرتضه عــــــــــالضلع سالن آيات
علي أتاكي وقال فداكي
فمــن نفتديــــه اتى يفتديكي
دمـوعي تنادي سـلام عليك
_____________
بانت علامات الحزن وغابت اطيوف الفرحه
والليل دامت ظلمتــه ولا لـــمح خـيط لصبحه
جبريل يم الباب اجه واعله الارض مد جنحه
وتلكه محسن والدمه بجنــــاحه صار يمسحه
بكت كل عين لفـقــــد الجنين
فجبريل يبكـي لما يتعريكي
دموعي تنادي ســـلام عليك
______________
بكد عدد ذرات التـرب سالن مـدامع حيدر
شيكول كلبه لفركتـــج وبـــيا صبر يتصبر
ناح ويشم ترب الكــبر يتـــــــأمل ويتحسر
وايوصي لحدج يا لحد ضلع الوديعه مكسر
دموع الامير لضلع كسير
وكل لبيــــــب لقد حار فيكي
دموعي تنادي ســــلام عليك
__________________
شما مرت ايام الدهـــــر جــمرة مصابج بينه
والمحب مجبور المحب تهمل مـــــدامع عينه
ويلاه كبرج مختـــــــفي وبالفاجعه مخــــــلينه
اتمنينه نشتم تربتـــــــج يالزهره كبرج وينـه
متى بنت طه نشم ثراها
قلوب حزينـــه وولهى اليك
دموعي تنـادي سـلام عليك

للزهره انتمينه لضلعها مانسينه_كرار حسين الكربلائي


خدام الوديعه ونظل للموت شيعه

للزهره انتمينه لضلعها مانسينه
_________________
راية الحب والوفه ارفعناها
فاطمه بكل كلب خليناها
لون ننسه الدنيه ما ننساها
نبقه دنيه واخره وياها
شيعه فاطميه فخرنه بهالهويه
درتنه الثمينه لضلعها مانسينه
_________
هي بدء الكون هي الخاتمه
واللطم الها بصدرنه اوسمه
كلوبنه بحب الولايه هايمه
النبض يهتف يا علي يافاطمه
ام الحسن امنه نحبها وما يهمنه
وبظلها ربينه لضلعها مانسينه
__________
فاطمه العلمت ادم للسجود
طاهره والها سجد كل الوجود
حبنه للزهره ابد ماله حدود
المايوالي فاطمه من اليهود
وقعنه بدمانه يظل هالحب امانه
عشاكه وموبدينه لضلعها مانسينه
________
وحك من رافع سمائه بلا عمد
كبل ما ننولد قدمنه العهد
نبقه خدام الوديعه للابد
من علي اتعلمنه مانخلف وعد
انموت ومانطخ راس مثل راية العباس
وحك حامي الضعينه لضلعها مانسينه
____________
لا وحك جف القلع باب الكفر
مانعوف الزهره لو نفدي العمر
فاطمه المظلومه تامرنه امر
الدنيه تفنه ولا ضلعها ينكسر
لغايتنه واملنه فداء نروح كلنه
خل تشهد علينه لضلعها مانسينه
_____________
نلطم صدور لكسر ذاك الضلع
لسطرة الخد يبقه يتجاره الدمع
نوحنه لمحسنها لا ما ينكطع
يال ثار الزهره صرخه وترتفع
والغايب بسيفه يذل اهل السقيفه
نصرخ ياولينه لضلعها مانسينه

دمعك اغله من الضلع_كرار حسين الكربلائي1434


من أشوفك تبجي لوداعي تأذيني
لخاطري إمسح دمعتك يا نظر عيني

إصبر ولا تنفجع ... دمعك اغله من الضلع
   
 .يا نظر عيني    
_____________     



انت العلمتني الصبر ياحيدر
ادري غاليه بوداعي تتاثر
امسح دمعتك عندي طلب اكبر
بچفك إمسح اعله الضلع المكسر

يالينسيني همومه ابسمة شفافه
باعتقادي لو مسحت ضلوعي تتشافه 

اعليه لتظل منصدع       دمعك اغله من الضلع
..................................................
تاج الراس اترجاك ترحمني
انكسارك هذا يا حيدر يألمني
انام وتعتني اتقبلني وتشمني
وتغطيني اعله كيف اتخاف تلچمني

وادري من توصي ولدك لا تگعدوها
ولا تلعبون اعله صدر امكم تلچموها

ياوتر مالك شفع     دمعك اغله من الضلع
.......................................
الحسن ابنك ورث طبعك ويباريني
من اذكر موقفه ويايه يبچيني
زغير، ومن اجه الظالم سطر عيني
عله اطراف الاصابع وگف يحميني

من طحت طاح الحسن ياحيدر اعليه
حته بي ضرب السياط اتطيح موبيه

اخذ منك هالطبع  دمعك اغله من الضلع
..............................................................
وابني حسين من يوم النظر وضعي
انظُر دمعه يتهامل گبل دمعي
اشوفه بكل صلا يتوجّه ويدعي
الهي شافي ضلع امي واخذ ضلعي

هالطفل من يمي يوصل ينسه كل همه
ايگلي من عمري اعله عمرچ يُمه يا يُمه

لا يهمك هالوضع   دمعك اغله من الضلع

............................................................
وزينب ياعلي اتهيّج الي همومي
تمنت يومها يگرب گبل يومي
انام وادري شتسوي بوكت نومي
تروح لحجرتي واتقبّل اهدومي

ولوضوئي لو گمت انظرها ماترضه
تجيب ماي واني فوگ فراشي اتوضه

كافي لا تجري الدمع    دمعك اغله من الضلع
.........................................................
لهذوله اطفالي ما اهتم لون يبچون
سبع فدوات الك يا بالحسن يرحون
علي انت علي دمعك يهل اشلون
وحقك عندي دمعك اغله من الكون

والله مو سهله عليه من اودعنك
اني كون ابچي لأن راح ارتحل عنك
والسماوات السبع    دمعك اغله من الضلع
..
..
كرار حسين الكربلائي

( ماء وجهي بين يديك ياموسى) _كرار حسين الكربلائي1434


موسى ابن جعفر بـاب الحوائج
بالشدد يحضــــر باب الحوائج

صاحب السجده الطويله إسجد اعله اعتابه
وإعتقد يسمع كـلامــك مـن تصل يم بابه
والنِعـــم بـــــاب الحوائج مـــــا يـرد احبابه
مــــا يــــخيب الـــيعتنيله ودمعـــتــه سچـابه
ما يرد مـــضطر باب الحوائج
موسى ابن جعفر باب الحوائج
....
گله هاظمني زمـــــاني جيت اريد اشكيلك
اتقدّر دموع المــــــوالي لهــــالسبب ابچيلك
موسى ابن جعفر اجيتك لا تــردنـي ادخيلك
بحضرتك يسكت لساني ودمـعتي التحچيلك
إسمك اتقــــــرر باب الحوائج
موسى ابن جعفر باب الحوائج
....

الناس كل الناس تدري بــــابك اتـــــعنـيته
الطيّب ابن الطيّب انته وطيبك اتـــرجيتـــه
ياكريم ابـــــــاب دارك ماي وجهي انطيته
لغير چفــك انت تدري چفي مــــا مديته
حاشـــــه تتعــذر باب الحوائج
موسى ابن جعفر باب الحوائج
....

آنــه مــــو أول مــــوالي اطلب وتنطيني
حاشه ابو جفوف السخيه حــاير ايخلّيني
وين اروح لغير بــــــابك سيــــدي دليني
الناس تدري بالعــــــلاقه البينك ومابيني
خادم لــ مـــنبر باب الحوائج
موسى ابن جعفر باب الحوائج
.....


حزنك ايعيش بضميري وخدمتك عنواني
ما نسيتك وانــــــه ادري انـــتــه ما تنساني
ما تشمت النـــــــاس بيّه هذا بيــــك ايماني
ارد اگول من اعتنيتــــه انطاني ما ردّاني
قاصدك ينســــر باب الحوائج
موسى ابن جعفر باب الحوائج
......

عندي بس اثلث حوائج سيـدي يالكاظم
طلبتي الأوله السلامــه للإمـــــام القائم
الثانيه زينب امـــــــانه لا يجيها الظالم
الثالثه لآخــــــر حياتي ابقه عدكم خادم
ذني مو اكثـــــر باب الحوائج
موسى ابن جعفر باب الحوائج

.....
اسألكم الدعاء

خادم الحسين (عليه السلام) كرار حسين الكربلائي

٢٠ / رجب/١٤٣٤هـ

حسرات الزهره إتــْسـِمـْعوها1434



حسرات الزهره إتــْسـِمـْعوها === بالكاظـــــم أمكم عزّوهــــــــا
ـــــ
حسرات الزهره المهضومه == يم الكاظــــــم تشهد يومه
سمـّوه الزمره المشؤومه == وأم الحسنيين الفجعوهــــــا
ـــــ
وأم الحسنيين إبهيبتهـــا == للكاظم تنزف دمعتها
يالغايب إسمع حسرتهــــــا == كـُل يوم أعداءك يرموها
ـــــ
كـُل يوم أعداءك يرمونه == وإبموسى الراهب فجعونه
والسـَمّوه إبسَم سـَمْونـــــه == والزهره إنصابت جرحوها
ـــــ
والزهره إنصابت بمصابه == فگـــــــدوا مولاهم أحبابه
لكن ظل فاتح أبوابـــه == طلبوا الحاجات التردوها
ـــ
طلبوا الحاجات إمن الكاظم == أبدا ما يـِتـْعـَذر غانـــــــم
لعنوا الأشرار إو كـُل ظالم == والزمره الســَمّت لعنوهــــا
ــــ
والزمره السـَمّت كاظمكـــــم == ظهرت هذا اليوم إو يمكم
بأسم الأسلام إتـْكـَفركم == لازم ما تبگـه إتزيلوها
ـــــ
لازم ما تبگه إبدنيتنــــــــــه == نمحيها إو تخلص محنتنه
زمرة أشرار إو عادتنه == أحقاد الماضي إيشيلوها
ــ
أحقاد الماضي إعلى الشيعه == من صارت للحامي البيعــــه
حـُب حيدر أبدا مـَنــْبيعـَه == وإنعزّي البضعه العادوهــــا
ـــ
وأنعزّي الهادي إبأولاده == نلعن كـُل ظالم وأحقاده
كـُل مجرم بالشر لوناده == وإنواسي الزهره الظلموها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldnmb06551.mp3.html

بـاﭽـر راح إرحــل مسمــوم_كريم فليح 1434


يـا تـربــه إويـا آخــر يــوم *** بـاـر راح إرحــل مسمــوم

مـــن إتحنيـــن إعلـــه جبينـــي

ذكــري السجــدات وذكـرينــي

ــــــــــــــــــــ

الصبـر مَــل منـي وإستسلملــي إبحـربــه

عَفـه إيـول إعله موسى إشـد حمَل لبه

حمَـل كــل هـالسجــن وتحمــل الغـربـــه

وهـــاي آخــر صـلاتـي ويـا يـالتـربــه

راح إرحـــل عنــ مظلـــوم *** وإتـرك يَمــ عُمــر همــوم

هـاي آخــر جمعــه إتشوفينــي

ذكــري السجــدات وذكـرينــي

ــــــــــــــــــــ

راح إتجـــرع السَـــــم ــــوه وآلامـــه

وراح إتــرك إلـــ للـذكـرى لعمـامـــه

للكــاظــم إذا حَنِّيتــــي وإيــــامـــــــــه

إذكـري كــل صـلاتـه ويـا وصيامــه

ذكـري همومي وكـل بلـواي *** وعمـــر الخلصتـي ويــــاي

وبجبينــي إشـــــد قبَّلتينــــــي

ذكــري السجــدات وذكـرينــي

ــــــــــــــــــــ

بـاــر راح إذب مـن الحشـه َبــدي

بـاــر راح إوَســد عـالتـرب خـــدي

بـاــر بـالمنيــه إلتقـــي إبــوعــــدي

بـاــر إلحـ الـهـادي النبـي جَـدي

راح إتــرك هــاي القضبـان *** وسجني وسطوت هالسجان

ومـن إرحـل وتغمـض عينــــي

ذكــري السجــدات وذكـرينــي

ــــــــــــــــــــ

بـاــر جسمــي بجنــــازه يخلـونــه

بـاــر عـالجسـر نعشـي يطرحونـه

ثلــث تيــام يبــه ومــا يشيلــونــــه

ممنــوع إعلــه شيعتنــه يِّشيعـونـــه

وبـلبـه الشيعــي الـمالـوم *** يجري إعليه الدمع إدمـوم

بسجـن ويـد إضـت إسنينــي

ذكــري السجــدات وذكـرينــي

ــــــــــــــــــــ

يا تربت صلاتي اَحــي بـلب مَدمـي

شـكراً ـي حملتـي ويــاي كــل هَمـي

إحـس السَـم سـره يـا تـربتــي إبـدَمـي

وطـَّع بـدتــي وكــل الحشـا سَمـــي

فَضَّـت عشـرتنـه ومَتـــدوم ***مكتـوب المـوت ومحتـــوم

إتــإلــم مـــــن إتــــودعينــــــي

ذكــري السجــدات وذكـرينــي