زينب تودع الحسن واليها-باسم الكربلائي1436

حضر الدمعة وتعال ابجيها   زينب تودع الحسن واليها

يازينب  يا زينب  يا زينب يازينب

***

اه يازينب شراواها الزمن   ندري عندها الفرح ميت واندفن

كلب زينب هذا لو جبد الحسن   ذوبه السم يا مصاب احجيها

يازينب  يا زينب  يا زينب يازينب

***

كبال اخوها الحسن زينب كاعده   يلفظ انفاسه الاخيرة شاهدة

ثكلت الونه والموادع بده   عفية زينب روحها شظل بيها

يازينب  يا زينب  يا زينب يازينب

***

حسين نادى الحسن ها خوية شردت   اشر بايدة القصد شيل الطشت

زينب ام الحزن كالتله شفت   جبدتك يا خوية لا تخفيها

يازينب  يا زينب  يا زينب يازينب

***

مرة يفتح جفن مره يسد جفن   هواي بي ونه لجن بطل يون

مايريد يكثر لزينب حزن  يجر كوة النفس ويحاجيهه

يازينب  يا زينب  يا زينب يازينب

***

زينب اخر كلمة بلسانه لفظ   لزم جف عباس وي اخر نبض

بجفنه اخر دمعة لحسين وغمض  سلمت روحة لامر باريها

يازينب  يا زينب  يا زينب يازينب

***

زينب تنادي عساني ميتة   ولا اشوف محضرين جنازته

وداعة الله يبو محمد نادته   شملي امي من تمر عليهه

يازينب  يا زينب  يا زينب يازينب

***

كلب زينب صابته سهام الالم  نعش اخوها شيعوه بشجم سهم

ويلي عالمسموم جم مرة انظلم  ويلي يا زينب على تاليها

يازينب  يا زينب  يا زينب يازينب

***

زينب على الحسن ظلت معولة  لكن الاعظم مصيبة كربلا

مدلله وما تظل دوم مدلله  الخدر يمشي ويه التكفل بيها

يازينب  يا زينب  يا زينب يازينب

******

اجري الدمع متألمه-زكي الياسري النجفي

آنه الزجيه فاطمه .. اجري الدمع متألمه

ابجي على امصاب الحسن .. ما انصف اوليدي الزمن

اجري الدمع متألمه

++1++

دمع عيني يصب دمعه على دمعه

على اوليدي الحسن هليله منفجعه

حبيب المصطفه اليوم اختلف وضعه

طفه سم الغدر للمجـــــــــتبه الشمعه

هاج الحزن فاض الدمع ... دلالي بالهم منصدع

مات ابغدر اهل الوثن .. ما انصف اوليـــدي الزمن

اجري الدمع متألمه

++2++

لهيب النار يحرك جبدي مو جبده

جزه يا ناس مفـــكَود الاصل حده

ورَث من والـــــده ثاراته او حقده

وابو سفيـــــان حاقـــــد علــنبي جده

سمَّم حفيد المصطفه ... خان العهد ما انصفه

سبب إلي طول الوسن .. ما انصف اوليدي الزمن

اجري الدمع متألمه

++3++

احقاد آل اميه بأبني صــــبوهه

من يوم السقيفه الخطه رسموهه

و اسهام النعش بالبيعه جمعوهه

والدفنه ويه جده هناكَ منعوهه

مرفوضه يم خير العمل ... يندفن بَــمْر ام الجمل

ما يندفن برض الوطن ... ما انصف اوليدي الزمن

اجري الدمع متألمه

++4++

يا اول سبط للمصطفه الهادي

سم الصوبك يا يمه بفـــــــادي

شوف دموعي يبني تصيح و تنادي

بسك يا دهر تفجعني بولادي

بسّك نوايب يادهر ... منك شفت بس القهر

بس الالم بس المحن ... ما انصف اوليدي الزمن

اجري الدمع متألمه

++5++

ابد يا دهري منك ما شـــــفت راحه

كضيت اسنيني دمع و هضم ونياحه

كطعت ابموتة ابني الكَـــلبي سباحه

مثل طير و كطعت ابسيفك اجناحه

يا دهري مليت الدمع ... كل ساعه كلبي ينفجع

كل ساعه تفجعني بشجن ... ما انصف اوليدي الزمن

اجري الدمع متألمه

++6++

على يا نوح اصبر يا دهر كَلي

بعد عين الحسن يا هلدهر شلي

بصعيد الفاجعه صار الدمع خلي

كضو ويلادي محد بيهم الضلي

بسم الغدر واحد مضه .. والثاني سيفــك كوضه

سمومك على اضلوعي جرن ... ما انصف اوليدي الزمن

اجري الدمع متألمه

زكي الياسري النجفي

اخوك ومن رحت -زكي الياسري النجفي

الك دمعي يصب .. يا مسموم

انادي و انتحـــب .. يا مظـــــلوم

اخوك ومن رحت ... كسر ضهري الوكت

يا مسموم

++1++

اخوك احسين بحزاني .. عليك ادموعي ابجيهه

يخويه ابفركتك روحي .. ما ضل كل سند ليهه

انوح اعليك يبن امي .. تعال اجروحي داويهه

حياتي ابلايه جف جودك .. صبخه ابوصلك اسكَيهه

رحت عني وبدت .. هلآلآم

بمغيبك حاربت .. جيش الشام

يخويه اشكَد شفت .. كسر ضهري الوكت

يا مسموم

++2++

عليك ابجي ينور العين .. دهري إبكــل ثوانيّه

يمن وجهك وجه جدي .. طاهه ابكل معــانيّه

نهر بفراكَــك إدموعي .. تعال وشوف جاريّه

لهيب الفاجعه بفكَدك .. ترك خالــــد اثر بيه

اثر جرحك كلف .. بالدَلا ّل

رحيـــلك يا وفي .. مو علبال

عليك اشكد نحت .. كسر ضهري الوكت

يا مسموم

++3++

اريد انسى ولو ذكره ... جمعتنه فلا اكَـــدر

اموتن لو غبت لحظه ... عن عيناي يمشكر

ابيعن عمري يالغالي .. لوجَمعَـــــتنه تتكرر

عكَب عينك شفت لوعه ... وبذيال الاسه اْتعثر

شفت فيض الدمه .. بالوجنات

يضنوة فاطمه .. بالـــــــونات

غدر بيه الجبت .. كسر ضهري الوكت

يا مسموم

++4++

وصيتك يا بعد عيني ... كَــول اشما توصيني

يوم الفاجعه اْتذكــَّـــر ... بونينــَـــك تحاجيني

رمله و زينب وعباس ... سمعَوا يمك ونيـــني

لحظات الوداع اوياك .. ما تركن نضر عيني

لوصيتك نـَـفـّــذِت .. يا رجواي

اشينسيني الطـشِت .. يا منواي

بنفس ذاك الطشت .. كسر ضهري الوكت 

يا مسموم

++5++

يخويه ابليلة اوداعك ... احس رحي سفينة نوح

تبحر بيهه آلآمــــــــي ... مليانه ابــألم و جروح

عكَبك يا دمع اخفي؟ ... دمعي الفركَتك مفضوح

بين اللوعه و الحسره ... هاجت ذكريات الروح

مضه وياك الفخر ... يا محروم

يمن انتـــه الكَمر .. وحنه انجوم

متت لمن متت ... كسر ضهري الوكت

يا مسموم 

++6++

اشد يا آهه بجروحي ... يا جرح الاضَمْدَنـّه

شلون انساك يبن امي ... روحين ابجسد جنه

اْوصَيتِ اِلقاسم ابعاشور.. من دم منحره الحنه؟

خويه بجيت من شفته ... لرض المعركه اتعنه

سعيت ابنصرتي ... بيوم الموت

حبيبـــك ضنوتي ... صاح ابصوت

اباريكـــــــم ردت ... كسر ضهري الوكت

يا مسموم

زكي الياسري النجفي

مسموم مسموم مسموم مولانه الحسن-زكي الياسري النجفي

مظلوم مظلوم يَمولانه الحسن ... مسموم مسموم يمولانه الحسن

1

ويلي سَمَّو جبدةِ ابن المصطفه

ويلي بدره الليله بالغدره انطفه

سمَّه جن جبد الرسول استهدفه

ويلي جرحه بكَلب فاطم ما شفه

تنعاه تنعاه على طول الزمن

مظلوم مظلوم يَمولانه الحسن

2

سبط ياسين وشبل حامي الحمه

نعشه ويلي شلون بسهام انرمه

سددوهه اشلون زمره ظالمه

علنعش لاجن اْنصابت فاطمه!!

صابوه صابوه حفيد المؤتمن

مظلوم مظلوم يمولانه الحسن

3

وصه يم جده يدفنوهِ العميد

شيعته رادت تنفِذ ما يريد

اجت زمرة ابأمر من بنت البعيد

جَمِّعَتْ للغدره عـُدّتهه وعديد

ممنوع ممنوع دفــــــن هذا البدن

مظلوم مظلوم يمولانه الحسن

4

ثارت الشيعه و نوت علملحمه

صاح الحسين عله اهل الغانمه

اْلحسن ما يرضه تكت كَطرة دمه

وصار كَبره بصف ظليمة فاطمه!!

ودموع ودموع على مصابه جرن

مظلوم مظلوم يمولانه الحسن

5

صاحت الانذال عُباد الوثن

يم كَبر ياسين ما الكم وطن

ابد ما نرضه تدفنون الحسن

وزاد ونهه الشيعته وزاد الشجن

مناك مناك بدت كل المحن

مظلوم مظلوم يمولانه الحسن

زكي الياسري النجفي

هاي زينب خوية جنها-كريم الحاج فليح

هـايَّ زينـب خـويــه ﭼـَنـَّهـــا * شيـــل طشتـي بعيـــد عنهـــا
مـن بعـد كسـر الضلــع
هـَـــم تــــرد وأتنفجــــع
شيـــل طشتـي بعيـــد عنهـــا * شيـــل طشتـي بعيـــد عنهـــا
ـــــــــــــــــــ
هــايَّ عالباب العقيلـــــــــــه * تريد تدخل خويـه يَمــــــي
خويه ما تدري بـﭼبدتـــــــي * مسممــه وحَيـرنـي هَمـــي
عنهـا ضــم طشت المنيــــه * عليـك ضلع الزهره أمــــي
تموت لو شافت مصابــــــي * شلون ﮔـَطـَع ﭼبدي سَمــي
خويه بالله أمسح دمعتـــــك
لاتحـس بمصـابـي أختــــك
مـن بعـد كسـر الضلــع *هـَـــم تــــرد وأتنفجــــع
ـــــــــــــــــــ
خويـه مـن تدخـل علينــــه * وتنظـر المنظــر ﭼَبـدتــــي
خاف تعمـه أمنالبـــواﭼــي * خويه أخاف أنـا أعله خيتـي
أدري نار أيشب ﮔلبهــــــا *مـن أجـر يمهـا حسـرتــــي
ضم عليهـا بسـاع طشتــي * وأنــا أضم عنهـا دمعتــــــي
كافـي ذاك الضيـم بيهــــا
أختـك وخـايـف عليهـــــا
مـن بعـد كسـر الضلــع * هـَـــم تــــرد وأتنفجــــع
ـــــــــــــــــــ
ﮔلها خلــي الدمعه للطف * زينـب اليـوم المصيبــــــــه
من تشاهد خويه جثتـــك * عالتـرب ضلت سليبــــــــه
مـن تشوف الشيبه بالدم * يــا أبـو اليمـه خضيبـــــــــه
مـن تضـل بالغاضريــه * حايــره الحـره وغريبـــــه
آ يدمعتهــا الجـــريـــــــه
لـو مشـت بـاﭼـر سبيـــه
مـن بعـد كسـر الضلــع * هـَـــم تــــرد وأتنفجــــع
ـــــــــــــــــــــــ
لا تـون يحسيـن يَمـــــــي * كلفــه دمعـاتــك عليــــــــــه
تدري من تنزل دمعتــــك * شنهـي خـويـه يصيــر بيـــه
أغـرﮒ بدمعـات عينــــي * خـويـه وأتمنــى المنيـــــــــه
وأنت يومك والله أكلـــف * مثلـه مــا تحصـل رَزيــــــه
ﭼَنـي أشـوفنهـا المصيبـــه
مـﮔطــع وجثتــك سليبـــــه
مـن بعـد كسـر الضلــع * هـَـــم تــــرد وأتنفجــــع
ـــــــــــــــــــ
يحـﭼـي ويَّ حسيـن أخيـــــه *والدمـع يجـري أعلــه خـده
يـﮔله ما أبــﭼـي المصابــــي * مــن ألـم وسمـــوم جعــــده
راسي بحضانك أشوفـــــــه *خويـه وبـﭼفــك تسَنـــــــــده
ﮔلي راسـك بالمنيــــــــــــه *بيـا حظــن بـاﭼـرتـَـوســـده
راســك يقــدموا هديــــــه
بـالطشت لأبــن الدعيـــه
مـن بعـد كسـر الضلــع * هـَـــم تــــرد وأتنفجــــع

يمشارك الروح-مازن الشطري

يمشارك الروح ياخويه ياخويه 

عن عيني أتروح ياخويه ياخويه

آنه بعيـــــــوني شفت *** مرمي جبدك بالطشت 

يمشارك الروح ** يمشارك الروح 

***** 

ممن يوم الولادة أوفتشت العينين ** نفس الروح صرنه أوحلت أبجسمين 

غصنين النبوة أو عالأرض سبطين ** وعيون الزجية أتراقب الغصنين

من ننعد فرد بس بالحقيقة أثنين ** يعني الكَال شبر هم يكَول حسين

عشنه أبألذ عيش ياخويه ياخويه

عني رحت ليش ياخويه ياخويه

من فرط حزني صحت ** مرمي جبدك بالطشت 

يمشارك الروح ** يمشارك الروح

*

*

تذكر جدي من يحملني ويحملك ** من نحري يشمني وبلفم أيقبلك 

تنشده أمنه الزجيه أشتقصد ابفعلك**والباري أبعظمته يشهد أبعدلك 

جرت مدمعها عينه أوظلت أتصدلك ** بالسم جاوباهه ينمرد جبدك 

تتركني أوحيد ياخويه ياخويه 

وأكَليبي ميهيد ياخويه ياخويه

وآنه بعيوني أنظرت ** مرمي جبدك بالطشت 

يمشارك الروح ** يمشارك الروح

*

*

شاهدنه مآسي كثرة شاهدنه ** أنه وياك لمن ما رحل جدنه

أصحاب السقيفة أتحالفوا ضدنه ** وابكَيد الوصية أنكَاد والدنه 

وأجفوف الدهر رادت تباعدنه ** ما يرضى يعيش ابراحة واحدنه

يرمينه بأسهام ياخويه ياخويه

بجفوف الأيام ياخويه ياخويه 

آنه من عدهن صحت ** مرمي جبدك بالطشت 

يمشارك الروح ** يمشارك الروح

*

*

تجرعنــــــه رزايا من الدهر كثرة ** أعظـــمهن علينه عصرة الزهره 

توصينه الظلع ما نحجي عن كسره ** تخاف الوالي حيدر يسمع أبأمره 

من الباب للمحراب للطبره ** آن هوياك عشنه أشكَد غصص مره

بيهن أواسيك ياخويه ياخويه

بمصابي أعزيك ياخويه ياخويه

وسفه من عندي رحت **مرمي جبدك بالطشت

يمشارك الروح ** يمشارك الروح

*

*

سهم فكَدك ابكَلبي يا خي أتعده ** حصن صبري وداعكك يالحسن هده

أجت ليك العقيلة ولها هالنشّده ** صــــــدكَـ بالسم يخويه غدرتك جعده 

أبو محمد أظنه هل كَرب وعــده ** واظن هاي الســــــــموم أدكَطع أبجبده 

ساورني الخوف ياخوية ياخوية 

شو لونه مخطوف ياخوية ياخوية 

وآنه ياخويه المحت ** مرمي جبدك بالطشت 

يمشارك الروح ** يمشارك الروح

*

*

بفراكَك يخويه كَليبي أتحير ** أصبر زينب أختك لو أنه أتصبر

جني أسمع نبينه أبكَبره أستعبر ** وأمي من البقيع أتصيح ياشبر

أصد للكوفة وأنظر والدك حيدر ** مأتم للحزن سوالك أتصور 

ياخويه الأملاك ياخويه ياخويه 

ضجت أبفركَاك ياخويه ياخويه 

أتودعك يامن صرت ** مرمي جبدك بالطشت 

يمشارك الروح ** يمشارك الروح

*

*

مازن الشطري

أول سبطيني نعشه أمأذيني-مازن الشطري

أول سبطيني ** نعشه أمأذيني

خصمي يراميه أسهام

عني تبعــــــــده الظلام

أول سبطيني** أول سبطيني

**

مر نعش الحسن وأيشيعه أخوه حسين**وملائكة السمه نزلو اله أمشيعيّن

شياطيّن أعتنتهم عاالأرض ماشين**بأســــــــهام أونبال النعشه مترصدين

تنظرهم عيني ** ويزيد ونيني

كَبري طفح بالآلام ** عني تبعــــــــده الظلام

أول سبطيني** أول سبطيني

*

*

آنه أدري كَبـــــلهم شنهي بوصيته **يمي ينـــــدفن أدري أبني أمنيته

من كَبري أطلعت ليّه أوتلكَيته ** عدواني أشوف أسهام راميته

بيه أمصوبيني ** أول فرعيني

حامل لواء الأسلام** عني تبعــــــــده الظلام

أول سبطيني** أول سبطيني

*

*

شفت نعشه علكَبري لمن أتعده**صحت ياناس آنه المصطفى جده

بكَليبي احفرت لبني الحسن لحده** بس حسين سمعاني وهمل وجده

ياجد يدعيني ** هو أموصيني

لو عارضوك الحكام ** عني تبعــــــــده الظلام

أول سبطيني** أول سبطيني

*

*

أعاين آل أمية وكل بني مروان ** سهام الهم حقد تترامه عالقرآن

أشوف أنه بجمعهم واكَف الشيطان** يحثهم عالقتال أويضحك أوفرحان

أبنعشه أيعاديني ** مابينه وبيني

ثار الهدم للأصنام ** عني تبعــــــــده الظلام

أول سبطيني** أول سبطيني

*

*

أشوف الزهره حضرت وأنحدر دمعي ** يبويه اتصيح ذولة الكسّروا ضلعي

تراهم همه ذولــــــــة الحاربوا شرعي ** نعـــــــش أبني رموه أوفجروا دمعي

وأشحال حسيني ** هي تناديني

جارت عليه الأيام ** عني تبعــــــــده الظلام

أول سبطيني** أول سبطيني

*

*

غدت نار أبدليلي أبفركَته تسعر ** أدري من البقيع أحزاني تتكرر

ترى أسهام النواصب ترجع الشبر **والمرقد تهدمه الأبني زمرة شر

أعداء الديني ** بولدي أتجافيني

أبدال الوفه والأكرام** عني تبعــــــــده الظلام

أول سبطيني** أول سبطيني

*

*

مازن الشطري

راسك خوية بعدي-محمد العبودي

لـو شـفت العـقـيله الـطـشـت نـحـي --- اخاف انه اعـالزينب من تصد بي

بهذا الطشت جبدي --- راسك خويه بعدي

شـفـت جــدك يــاخـويه مــــن يـقـبلـني

تـفـيض ادمــوع عـيــنه ومـــا يـكـلمني

عــلى اشفــافي الجرح ياخـويه يلجمني

احــس مـسمـوم يكلي يـالـحـسن يـبـني

وبسهام الحقد نعشك يـصوبـونه --- وكبرك عـن كـبر جـدك يـبعـدونه

يروي بدمع جدي --- راسك خويه بعدي

نـفـسهه الـعـين يـاخـويه غــدت تجري

وحــس عــبـراتــه تـتـكسـر بــصـدري

يـقــبلـني ويــشـم الــمـوضــع بــنحـري

وسمــعــتـه يـكـول يـا مـذبـوح ما تدري

بحوافر خيلهم صدرك يرضونه --- ومن دم النحر شيبك يخضبونه

نفس الخبر عندي--- راسك خويه بعدي

اجــت ام الـخـدر تـنشد تـريـد اجــواب

صدك خويه الحسن بـدرك يـريد اغياب

جـــرح امـــك يـبــن امـي بـعـد ما طاب

يـنـاديهه الحـسن زيـنب دلـيـلي انصاب

زينب ناده الزهره ابكلب مـالـوم --- اخـبرج فـاطـمه هـذا الحسن مسموم

اليـوم الاجـل وعدي --- راسك خـويه بعـدي

اصــد لـلـدار يـمه اذتـكــرج بـالـدار

تمـنيتـج يزهـره اعـالـجـره والصار

تشوفين الحسن مـهجـت علي الكرار

ويحـضر حـيدر وجـده النبي المختار

اصد لحسين يمه اذكر اوصيتج --- تحضرين الحسن وحسين ياريتج

جرح زينب اليدي --- راسك خـويـه بعـدي

لـون ويـاي يمه بمحـنتي اتـواسين

جـبـد الحـسـن يمه ونحــر الحسيـن

اريـدنـج يــزهـــره بـدمعـت الـعـيـن

تعينيني اعـله هـمي مـن تحضريـن

وشوف امصابج يشارك مصابي --- وسكن دمعتي بهمي وعذابي

سمـعـته يكـول يحدي – راسك خويه بعدي

ذكـرنـي بيـــوم الباب-حيدرتركي الكربلائي

بالباب نفـسه الصــوبني ..... بسهام صوب نعش ابني

وچبده من السم انعاب

ذكـرنـي بيـــوم الباب

ــــــــــــــــــــــــــــــــــــــــــــــــــ ـــــ

بيه فاضت احزاني \\ الحزينه دهري سماني

من هاجر رسول الله \\ صار النوح عـنواني

يوم البـــاب خلانـــي \\ بمصيــبه ونايبه اني

ورد اردود يفجعـــني \\ بأبنـــي وحيل أذانـي

الصابوه كسرولي اظلوعي ...... ولليوم من عنده ادموعي

لوليدي دمعي الصاب

ذكـرني بيـــوم الباب

ــــــــــــــــــــــــــــــــــــــــــــــــــ ـــــ

يدهري كافـي ارحمــني \\ مصابي ليك سلمــني

خذت انته اعز ناسي \\ ورجعت تريد مني ابني

يالنــــاوي تبـــعثرني \\ اسئــــلك مــا تكلــــمني

تريد اتسم ابو محمد \\ گــــبل متسمه سمـــمني

غدار دومـك يادهــــــري ...... رديت تكسرلي صــدري

بعده جرحك ما طاب

ذكـرني بيـــوم الباب

ــــــــــــــــــــــــــــــــــــــــــــــــــ ـــــ

وســـــفه جــــارت الايـام \\ علـــــينه اتسلـــــطت ظلام

كســــرو منـي اظــــــلاعي \\ ورمو نعش الحسن بسهام

رفعــــو للحـــــقد اعــــــلام \\ ماعـــــدهم صله بأســـلام

البغض صبوه على اوليدي \\ وجرع منهم غصص والأم

بسمـــــــــوم چــــبده ايگــــطعوهه ....... وبسهام ةجـــــثه يــــرموهه

من هذي راسي شاب

ذكـرني بيـــوم الباب

ــــــــــــــــــــــــــــــــــــــــــــــــــ ـــــ

شالو جسم ابو محمد \\ الگبر جده النبي احمد

مثل ما وصه احـــبابه \\ راد بقـــــربه يتلحـد

اجه مروان يــــترصد \\ إمـر بســــهام تتسدد

لن من النبل سبعــين \\ بنعش اوليــــدي تتحدد

بسهام لمــــن يـــرمونه ........ حسيت جسمي ايصوبونه

ودلالي بسهمه انصاب

ذكـرنــي بيـــوم الباب

ــــــــــــــــــــــــــــــــــــــــــــــــــ ـــــ

النبي بنفسه يحاچيهم \\ يعــاديني اليعــاديهم

اهل بيتي امانتــكم \\ وضدنه چــن يوصيهم

الحقد عاش وسكن بيهم \\ معروفه مسـاعيهم

جزاء القربى جازونه \\ وتصوبنه بمراميهم

الاهوال صــبوهه اعــلينه ....... وألام منــهم تاذينـه

مامـــعروفه الاسباب

ذكـرني بيـــوم الباب

ــــــــــــــــــــــــــــــــــــــــــــــــــ ـــــ

باب الدار دفعـــوهه \\ ومني اظلاع كسروهه

وسطروني على خدي \\ وعيني سوده خلوهه

چبدة ابنــــي سموهه \\ ومهجته بنــار شبوهه

ذنب شنهو البدر منه \\ وجثته اسهام يرموهه

نيران من فگــد احبابي ....... الاصحاب شبوهه ابابي

ومدمع عيني اللهـاب

ذكـرني بيـــوم الباب

ــــــــــــــــــــــــــــــــــــــــــــــــــ ـــــ

انه نيراني مســـتعره \\ وتـشب بروحي هالجمره

الحـــسن جمراته تاذيني \\ بس لحســيـن متحــيره

شفت جسمه على الغبره \\ ويحز كام الشمر نحره

فجعني مصابه والمـني \\ وعليه ماتوگـــف العبره

وحســـين ما انـسه امصابه ........ بالروح نـــاره اللــهابه

متوسد إبني اتـــراب

ذكـرني بيـــوم الباب

ــــــــــــــــــــــــــــــــــــــــــــــــــ ــ

لسان حال بين الحسن والعقيله-ابولقاء البهادلي

تسيل دموع ** تون ضلوع ** يخويه ومهجة الزهره

يبو محمد ** فلا تبــــــــرد ** تــظل نيراني مستعره

*******

ابقه الياوكت انحب ** اظل چــــــم دوب اتصبر

بعدني مانسيت امي ** ومايبــــــــرد جرح حيدر

يخويه ولو غبت عني ** يظل جمر الگلب يسعر

الاخت لو تفگد اخوتهه ** بمشـــيهه تگوم تتعثر

بالخوان ** تهيد احزان ** وتهون الونه والعبره

**********

حزنچ ياضوه عيوني ** من أُمي اخــــــــــذ طبعه

زمانـــــــــچ كله يتغير ** بعــدي ينـــــگلب وضعه

صلاتچ يختي دستورتچ ** يبضعة فاطمه البضعه

وصيتي يختي بعيالي ** تصيري بليـــــلهم شمعه

الزمن لودار ** تمر اخطار ** غريبه تصبح العتره

*******

يخويه كثره احزاني ** تدري يالحسن بالهم

بوجودك ويــه خواني ** يخـــويه بيكم اتشيم

تدري لو غبت عني ** اظـــــل محتاره واتألم

نصيبي النوح والدمعه ** هاذي الدنيه ماترحم

نحيب ونوح ** عليله الروح ** ابد ماتنطفي الجمره

*********

يختي حسين من بعدي ** يعــيش محنه وبغربه

يـومي مو مثل يومه ** تصــبح محــنته صعبه

تطيح اخوانه وانصــاره ** ومثلث ينبت بگلبه

يختي ولو تشـــــوفينه ** اريدچ صابره وصلبه

تجري ادموم ** وعد محتوم ** وحيد ومحد ينصره

******

الزمن مايوم يرحمني ** مصايب كثره راواني

اظل الياوكت انحب ** واعيش بلوعة احزاني

حچيك ياابو محمد ** هضـــــمني وحيل اذاني

شلي بدنياي وبعمري ** يـــخويه بغير خواني

اريد اجواب ** الفگد احباب ** شنهي لذته بعمره

*********

يزينب يختي اسمعيني ** شدي حـــيلچ بصبرچ

رغم كل الحزن يختي ** يبــــــــقه مرتفع قدرچ

مصابي يهون يازينب ** مصابچ اعظم ويسرچ

تظل وياچ رايـــــــتنه ** وتذلين الـــعده بخدرچ

والموعود ** يرد اردود ** يفـــــــجر لجلچ الثوره

بعد أمّي والكرار وَدّعتك الحين-جابر النجفي

يبن أمـّي بالمسموم دمعاتي بالعين === بعد أمّي والكرار وَدّعتك الحين

ــــــــــــــــــــــــــــــــــــــــ

بعد أمـّي والكرار چبدك تــُوَذر == واني أصيح الآه وأنـْدَه يحيدر

هذا الحسن سمـّوه وإجروحه تكبــــــــــر == شوف الحسن مجروح ياخويه يحسين

ــــ

شوف الحسن مجروح ياخويه مظلــوم == غدروه غدر أشرار والوالي مسموم

گلبي إنجرح ويــّاه ما يشفه للدوم == رابع مصيبه هاي راوتني البين

ــــ

رابع مصيبه هاي نزلت علينــــه == بعد أمـّي والكرار وأحمد نبينه

راحوا هلي ياناس وإحنه إبتلينـــــــــــــه == عادونه أهل الزيف خرجوا على الدين

ــــ

عادونه أهل الزيف زمرة أميـــّه == نادوا الحسن مظلوم ياجعفريــّه

نعشه إنرمه بسهام إبن الزچيـــــــّه == يم جدّه ما دفنوه راعي المساكين

ـــ

يم جـدّه ما دفنوه والهم عـِلـَه إو زاد == شـال العزم عباس يفني العـِدَه راد

ناداه أبو السجاد ياخويــــــــه ينـــــراد == صبرك على الأشرار ذوله الملاعين

ــــ

صبرك على الأشرار ياخويه عباس == لازم تجي الأيـّام ياراعي الباس

وإيحل على الظــُلاّم سيفك ينبـــــــراس == ندفن أخونه گوم يومك يجي إيحين

ــــ

ندفن أخونه گوم وإنواسي زينــــــــب == أدري إبگلبها إينوح نيرانه تلهب

هـَدّيها ياعبـــــــــاس تلگاها تنحــــــب == غاب الحسن تنعاه تلگاه بعد وين

ــــــ

غاب الحسن تنعاه إخته الحزينـــــه == وإحسين أبو السجاد الله اليعينه

نرفع تعازي اليوم لأرض المدينـــــه == وإنـّادي يامختار إحنه المجانين

ــــ

وإنــّادي يامختار جــَنّنه حبهــــــــــــــم == أهلك يهادي الناس نمشي إبدربهم

زود إو معالي إو خير الله وهبهــــــــم == وإنظل لحد الموت إلهم موالين

ـــ

وإنظل لحد الموت نمشي إو نـِگـِصْده == مولانه غالي إحسين ملگانه عنده

ينطينه يوم الخوف هادينه جـــــــــــدّه == صك الأمان إنفوز والعاشگ إيبين

ــــــــــــــــــــــــــــــــــــــــــــــــــ ـــــــــــــــــــــــــــــــــ

مع تحيات شاعر اهل البيت / جابر النجفي

بالحسن فجعوها-جابر النجفي

فاطمه واسوها === بالحسن فجعوها
ـــــــــــــــــــــــــــــ
فجعوا الزهره الزچيــّه بالحسن وإمصابه
سمـّتــَه جــُعده اللعينه اليوم يا أحبابه
بالحزن ظل الكرم والجود سدها أبوابه
والحزينه بالدموع الجاريه السچــّابه
ناصبه الظلموها === بالحسن فجعوهـا
ـــ
رافضي آني إو عشﮛ آل النبي عنواني
وأنصـُب إبيوم الحسن مأتم وأبث أحزاني
وألعن الأشرار كـُلهم وألعن العدواني
والشفيعه الطاهره الزهراء ما تنساني
غاضبه إيعرفوها === بالحسن فجعوها
ــــ
رايد الموعود ياخذ من أميــّه ثاري
أمشي ويــّاه إبعزيمه للبقيع إبناري
أبني للأطهار دار إو أضرحه إبأصراري
للنبي الهادي أنادي يارسول الباري
زهرتك آذوهــــا === بالحسن فجعوها
ـــ
ساعد الله الصابره أم الحسن مولاتي
شيعي آني إو للحسن تجري نهر عبراتي
والضلع هــُوّ الأساس المحنتي إو مأساتي
وإبتده إبيومه الألم ما تنتهي حسراتي
مهجتي شعلوها === بالحسن فجعوها
ـــــ
وإنــرِمــَه نعش الحسن بــِســْهام يامهدينه
والمـُصاب المجتبه نــُنصب مآتم جينه
ما ذنب روح الوصي يرموه ياهادينه
ما ذنب أمــّه البتول الشافعه وإحسينه
بالگلب لچمــوها === بالحســــن فجعوها
ـــــ
كل وكت تنعاد آلام الحسن مولانه
رافضيــّه إو إبن أبو سفيان ما ينسانه
والوهابي يحمل الشر جاهلي إتـــْعــَنــّانه
جرحوا الزهره إبحقدهم ما رعوها إعدانه
ظلـــّوا إيعادوها === بالحسن فجعوها
ــــــــــــــــــــــــ
مع تحيات شاعر اهل البيت / جابر النجفي

يشمعة عمري لا ترحل-جبار البطاط

عساه الموت يكصدني00وكبلك خويه ياخـــذني

بعد من دهري شتأمل

يشمعة عمري لا ترحل

****

ينسمه امعطره من طيب أمـي فاطمه الزهره

ويصوره من علي الكرار يخويه وغله كل ذكره

من زغري ربيت اوياك غيابك بالكلب جمره

ربيعي ونته من ترحل تطيح أوراقهه الشجره

شنهو اليوجعك كلي00ياثمره بكايه أهلي

خريف أيامــــي تتحول

يشمعه عمري لاترحل

عله الدنيه افتحت عيني لكيتك يالحســن يمــي

وانه اويــــاك تقاسمنه الفـــرح والهم يبن أمــي

اخذ روحي شلي بروحي اخذ جسمي شلي بجسمي

فداك انه يبو محـــمد حاچــــيني كـــــثر همــي

كبلك ريت أنفاسي00 تطلع يغله كل ناسي

اخو مثلك فلا يحصل

يشمعه عمري لا ترحل

عليه تكتم ألامــــــك تخــــاف اعليه يامسمـوم

وتكلي ودمعتك تجري يومك اصعب امن اليوم

وانه ابعيني انظرلك مـن ســــم الحقد مـــــالوم

ابهالحاله وتهم بيه ياخــــــويه وعلي مهــموم

تكلي كربله أصعب00تموت وماي ماتشرب

ونه ابدالك لون تقبل

يشمعة عمري لاترحل

احظنك حيل خلينـــي ومزج دمعك ابدمعي

حياتي يالحسن انته وحبـــــابي وكل ربعي

يالعني تريد ابعيد تهاجر عايــــن الوضعي

محتار واهل عبره ونارك تاكــل ابضلعي

لاوين السفر لاوين00لاتترك اخوك حسين

الاجل ياريته يتبدل

يشمعة عمري لاترحل

تسمك جعده لو ادري چنت انه الشربت الســم

ولا شوفك عني اتروح وتتركني ابملامه وهم

تساعدني على الايام ولجروحـــي چنت بلسم

تذكر من مشت أمنه وليل الفاجـــــعه خيم

تواسيني بقيت اوياي00كمت تمسح دمع عيناي

ابفكدك تدري شتحمل

يشمعة عمري لاترحــل

من حكي ابعالي الصوت اصيح واجري الدمعه

عله افراكك واويلــــي يبن الطـــــاهره البضعه

مظلوم ورحت بالســــم جبدك صار چــم قطعه

قذفته ومن شاهدته ابعيني ضــــاكت الوســـعه

وآه من شافته زينب00كمت وياهه انه انحب

علينه فكدك امسجل

يشمعة عمري لاترحل

خادمكم جبارالبطاط