الخميس، 31 أكتوبر 2013

صعب توديعك صعب_حيدر تركي الكربلائي

خويه يحسين ** حـط عيـنك ابـعيني
خويه يحسين ** عــد مـن تخليـني
صعب توديعك صعب
انـه عندي چـم گلب
-----------------------
ساعة اوداع الحبايب ماهي سهله
ينگطع لو غاب عـَنه الغالي وصله
وانتـه تدري بحال زينـب ماتحمله
خــل كلامك عــن وداعي لاتكمله

خويه يحسين ** تـدري الهـجر نــاره
خويه يحسين ** بظـلوعــي وجــاره
اعليه لو اصبح غصب
انــه عـندي چم گلب
-----------------------
اتريد عني اتروح وانه النوح ازيده
الحــره تـحتاج الاخو يمـها تـريده
خـويه زينـب تنـتطر رحله بعــيده
والله مايرضـيك انه امـشي وحيده

خويه يحسين ** احــتاجــك اويــايه
خوبه بحسين ** مـن امـشي لعدايه
گبل ما للشام اطب
انه عنـدي چم گلب
-----------------------
والــدي وصــاك بـيه وتــدري بــيه
امــودعه عندك يبــن حامي الحمـيه
شلون باچر ابقه وحدي اويه ال اميه
ريـت گبل امـوادعك تلــفي المـنيه

خويه يحسين ** هـاك اســتمع صوتي
خويه يحسين ** اتمــنيت انــه موتي
نار توديعك تـشب
انه عندي چم گلب
-----------------------
ابــد مو هيـَن الغـالي مــن نودعه
وهالوداع اعيوني سالت لجـله دمعه
ماكسـر صـوتي دلـيلك من تـسمعه
ذاب گلـبي من ودعاك چـنه شــمعه

خويه يحسين ** مــو روحي تدريها
خويه يحسبن ** مافكــرت بــــيها
راح للباري احتسب
انه عـندي چـم گلب
-----------------------
من تروح اتــظل تره زيـنب غريبه
وخدري يتسلب يسـموني السليبه
والمصيبه بالـسبي خـويه المصيبه
ابقه اصيح حسين ياهو الي يـجيبه

خويه يحسين ** ابقه انــه مـحتاره
خويه يحسين ** من امشي بسفاره
تقبل امشي اويه الغرب
انــه عــندي چــم گلب
-----------------------
خويه اخذ روحـي اذا رايد تهاجر
اويــاك للحومه اسـافر انه باچر
تـدري عالفرگه تره ما بيه اصابر
شلون باچر عالترب جسمك اناظر

خويه يحسين ** اسهامك اسهامي
خويه يحسين ** بعيوني يالظامي
ودمه من عيني اصب
انه عنــدي چـم گلب
-----------------------
تمت والحمد لله 10/8/ 2013
خادم الحسين حيدر تركي الكربلائي


تموت بكترة_صالح الخفاجي


خاف تشاهد دمعك أمّه --- من رد إبنك يگطر دمّه
تموت بكتره ---- يبن الزهره
**********************
ما بين دمعات وحزن ----- خوية الدهر شيّبني
ومن فرگة أهلي بكربله - مني الظهر ضل محني
ما أحمل إمصاب وجرح --عگب المصايب ذنـّي
شمالك أخذت إلهالطفل--- صوب العده جاوبني
خوية خفت تگول اطفالي ----ذبحوهه العدوان اگبالي
مالي قـُدره---- يبن الزهره
*****************
يا زينب بدمعه يرد ------ هذا الامر مو بيدي
حين إگصدت صوب الخيم - ناداني نحر وليدي
سهم النوايب ينتظر----- يا بويه گطع وريدي
خذني يبوية للحرب ----- يوم الشهادة عيدي
خلـّي يشوف العالم كلـّه ----- للدين إشقدّم عبد الله
قدّم نحره ------ يبن الزهره
******************
أتحمّل آلام ومحن ------- وبيهه سگمني دهري
من صغري خلاهه الدهر-كثره الجروح بصدري
لاچن أصيح أم الطفل -- يشبه صبرهه لصبري
وتگدر تشوف إلهالطفل -- ومنه الدمايه تجري
هم تصبر أمّه گدامه ------- وتتحمّل جرحه وآلامه
ودمّه تنظره ---- يبن الزهرة
****************
يختي أخاف أم الطفل------ لو شافته تتجنـّن
وتگضي الحياة بلا عقل -- بالدمع والهم والون
وجروح نحره بكل وكت --- وياهه يبقن يحچن
تبقى الجروح بلا شفه ---- فوگ المصايب يغفن
يتسامر جرحه وياهه -------- بلا روح الليله خلاهه
تصيح بحسره ----- يبن الزهره
**************
نيران لا ما تنطفي ------ كل حين ضلت تسعر
بركان هز إلكربله -------- بحزن وأنين اتفجّر
ما ضل صبر عدهه بعد - وتگدر تشوف المنظر
مگطوع بسهام العده -- صارت تشوف المنحر
مدهوشه الليله تضل أمّه ---- حين تشاهد نحره ودمّه
وظهري تكسره ---- يبن الزهره
**************
اصغر فدائي قدّمت ----- يا خوية يوم طفوفك
وياه تحمل بالحرب -------- قرآن بين چفوفك
آيات گامت تنتفض ------ ترفض وحيد تعوفك
إحسبني سيف وبالحرب - مشهور وي سيوفك
سيف حسين إبنك من صرّح -- من دم نحره يكتب أصبح
آية نصره ------ يبن الزهره
**************

مذهولة زينب_حلمي السعد

مذهوله زينب تنــــــشد الخيل
دستي عله صدره بحافرج حيل
ماهزج ونينه ...الطالع من وتينه
*************
ركضت وبلهفت امالي حضنت جسمــك
وبجفوفي النحيله بخـــــــــوف الـــم دمــك
محتاره بزماني وحـــــــگ ضـــلع امـــــك
يالمـــــــــــــــوذرصعــــب هالحال شيلمك
من بين ذاري المــوت والويل
ودوس الحوافر جـــرحك ثجيل
ابو روح الحنينه ....ماهزج ونينه
*************
اختنگت بعبرتي وضمــــيتك الصدري
والملم جثتك باطــــــــراف في ّ خدري
يالمسلب واغطيك بكـــــــــــــتر ستري
واصيح بصوت ياجــدي لون تــــدري
طشار صاير جسم الحـــسين
والله فــــــجيعه فجعة البـــين
صدره ترضرضينه.. ماهزج ونينه
************
نشدت الخيل مـــــن عدنه بــــعد شتريد
ماظل لاصدرلــــحسين لاجــــــف أيـــد
حافــر عالرجل حافــــر يدوس الجـــــيد
وضلوعه هشيـــمه وما اظنها تــــــهـيـد
حافر داس منه صبي العيون
وعياله وبناته غــدوا يبجون
يخيل تعذبينـــه ....ماهزج ونينه
**************
مذهوله بگيت بحــــــــومة المــــــيدان
وبســـــــــــــدي تلوذ اطفال والنسوان
الربنه نشتكي مــــــــــــن گلت الوليان
يربي ودعــــــــوتي تتــــــقـبل القربان
انوح وناحت لنوحي المداليل
طايح عالثرى ربات البهاليل
ذبيح مسلبينه ........ماهزج ونينه
**************
مابســــــــج ولج ياخيل بســـــج مات
ماظل بالجســــــم حيــل يحَمل لجمات
نهب للدوس صار ومـــــردم الطعنات
اخذتي الحيف مــــــني وردت الثارات
من نحره انگطع ياخيل الونين
اخذتي الثار مني رجال سبعين
حسين توذرينه .....ماهزج ونينه
************
تعال وشوف خده ومنحره والراس
يجدي مجان تقبيل الصدر يـــنداس
وحيد بحومته ودارت علـــيه الناس
لا لاكبر بـــــقى لاجاسم وعــــباس
تتصارخ يجدي بـــكتره الاطفال
وانه انشد شيعدله الحمل لومال
يخيل تمرمرينه ...ماهزج ونينه
*****************
اسالكم الدعاء لي ولوالديّ
خادم اهل البيت (عليهم السلام)
حلمي السعد

دموع رمله_زكي الياسري النجفي1434


هذا دمعي
يوليدي ما بين الشمـع والحِنـّه يجـــري
هذا دمعي
يشرح عذابــي ولوعتــي وآهات صدري
يا أحله ذكره امن الحَسَن ضلِّيت ليّه
تاليها عفتك منذبـح بالغاضـــريه
1
يجاسـم يا ثمـــــر دلاّلـــي ياالغالي
يا عِطر الحَسَن سبـط النبي الهادي
وجهك چان نور ابدنيتـــــي ايلالي
يا مــــاي الزلال الينعـش اِفــــــادي
ما ضنيـت يوليـــــــدي الزمن تالي
بــِـلسان الــوداع ابإسمَــــك اينادي
عني ترحل
وآنه ابأمَس حاجه إلك يا كل كياني
عني ترحل
وشموعَك وحِنـّة زفافـَـك بالصواني
ما حسّبت يبني العَقِـد ويّه المنيه
تاليها عفتك منذبح بالغاضـــريه
2
يجاسم يا منـــارة مَسجــــــد احلامي
عليك آمـــال عمـــــري كِلهه معقوده
وسف ياحيـف اشوفـــك يبني گدامي
جثة اعلــه الأرض يا ويلـــي ممـدوه
عجيبه اشلون شفتـــــك يالولد دامي
وجه مثل الگمر والـــدم على اخدوده
ويلي ويلي
حيلي انهدم من شاهدِت جسمك امبضع
ويلي ويلي
وابكل كتر منـَّـك جـــــرح ودمومه تنبع
ودريك يبني عايـَنـِت ما صار بيه
تاليها عفتك منذبح بالغاضـــريه
3
يَيمـــه اشلــون گلــي يا عزيـز الراي
أغــــادر كربلــه وبيهـا الگلب مدفون
يجاســــم يا حبيبـــــي يـا نظر عيناي
دجــاوب يلولــــد عنـّــك أروح اشلون
يمن تدريني شجــرة وإنتَ ليهـا الماي
بلا وَصلك مُحال اتضل عليها اغصون
يا ملاذي
انتَ الچنت ذخر العُمـر واغله الأماني
يا مَلاذي
بصوابك اعرفت اشكثــر غـادر زماني
جار وغدر يوليدي بيك وغــدر بيه
تاليها عفتك منذبح بالغاضـــريه
4
جرت دمعاتـي يالواحد على الخدين
گد ما سال فـوگ الگــــاع من دمك
فخورة وبيـك اتنومس يمـاي العين
فديت ابدم وريــــــدك يالــوفي عمّك
هديه من الحسن إنتَ الإخوه حسين
كل جيــش الكفـــــر يوليدي ما همّك
بلا مُناصر
شفته يجاسم واسمعِـت صوته ينادي
بلا مُناصر
واگف وحيــد ابكربلــه ابين الأعادي
وتحيط بي من كل كتــر أزلام اميه
تاليها عفتك منذبح بالغاضـــريه
5
صحت يوليدي تاني خل أشمنـّـك
گبل ما تدخل الحومـه وتِضوِّيهه
يالنور الحسن ساطِـــع يشع منك
شمايل والِدك يالغالـــــي حاويهه
گبل لتروح يا يمـه ارد انشدَنــَّـك
جراحاتي ابغيابــك من يداويهه؟
يالذِكرياتي
ويَّاك يا روح الگلـُب مو سهلة تنزاح
يالذكرياتي
بس من أشاهِد طلعتك يوليدي أرتاح
تاليها راسك عالرمـــح وآنه سبيه
تاليها عفتك منذبح بالغاضـــريه
زكي الياسري النجفي
30.10.2013

مسلم من طاح_صالح الخفاجي

ون گلبي وناح --- مسلم من طاح

دهري ضدي --- وأبقى لوحدي --- مسلم من طاح

***************

شسولفلك يبويه يوم --- إجاني بدمعته عمّي

رسم بيهه على خدوده --- يبويه قصّتي ويتمي

فطر چبدي وعمى عيوني --- وزادت ونّتي وهمّي

رسم دمعة وكتب بيهه --- يتيمة مو حميدة أسمي

راسم أيتام --- عاشت بآلام

قصّة وتبدي --- وأبقى لوحدي --- مسلم من طاح

************

شسولفلك حزن گلبي --- لو جفني النزف من دم

لو رجلي البعد ما ظن --- إلي تحملني من الهم

شبعد بيّ بگه سالم --- وأبوي بغربة ما يسلم

حميدة آنه بصغر سنّي --- إنكتب يا بوية أتيتّم

بعيني مكتوب --- أفگد محبوب

ودمعي بخدّي --- وأبقى لوحدي --- مسلم من طاح

***************

شسولفلك بعد عينك --- يتيمة إشمثگل إمصابي

وبگت عيني تهل من دم --- ودمعتي صبغت إثيابي

لن حمرة ثيابي الناس --- تشوف وزادت عتابي

ظنّتهه ملابس عيد --- ويا فرحة التدگ بابي

عيد العالباب --- ردّيت إجواب

شيقبل ردّي --- وأبقى لوحدي --- مسلم من طاح

****************

شسولفلك إجانه العيد --- واشوف الوادم بفرحه

بس گلبي إنجسم نصّين ---وميداوي الزمن جرحه

تصبْح الوادم إتهنّي --- وألاگي بدمعتي لصبحه

صباح الهم صباح النوح --- الجرح ياعيد لتفتحه

گلبي المجروح --- عيّد بالنوح

جرحه بچبدي --- وأبقى لوحدي --- مسلم من طاح

*****************

شسولفلك على راسي --- عمّي يمسح بچفـّه

وأحس آنه بدليله يذوب --- حين الضم إلي بلهفه

وأحس نار الگلب تسعر --- وأدري ما أبد تطفه

وأدري كل جرح يشفه --- وجرح فرگاك ما يشفه

ما ظن ألگاك --- طوّل فرگاك

أبچي بفگدي --- وأبقى لوحدي --- مسلم من طاح

****************

طبع بالبت لون مسهه --- يبوية ضيم لو حسره

لبوهه تلتجي بلهفة --- وگلبهه الوالد يسرّه

وأنه گلبي يبوية صار --- بساعة فرگتك جمرة

منو اليطفي نيراني --- تضل للموت مستعره

ضلت نيران --- مثل البركان

وصلت حدّي --- وأبقى لوحدي --- مسلم من طاح

****************

يتيمة بلا ولي ضلّيت --- ودم دمعي بگه جاري

أضل وحدي عگب فرگاك --- يبويه أظلم علي داري

وأضل أدعي بسواد الليل --- وأنادي بدمعتي الباري

يرجّعلي أبوي اليوم --- ويطفي برجعتك ناري

وغصني المكسور --- يرجع مجبور

ذابل وردي --- وأبقى لوحدي --- مسلم من طاح

************

مرفوع لواي_باسم الكربلائي

لازال وياي  مرفوع لواي
ماريد الماي ماريد الماي
__________
يابالفضل من الصغر متعودة عليك
لو لحظة عن عيني غبت احزن واحن ليك
واشتاق الك يابالفضل وبروحي اخليك
انت الامل وانت الاخو وانا احتزم بيك
اغلى من الروح ما ارضى تروح
يا ضي عيناي ماريد الماي
_________________
من فاركت وجه الحسن وجهك نظرته
بالغربة ياريحة علي تصفالي انت
تدري الاخو بعد الاخو تنشل يمنته
صعبه على المثلي ترة تنزل دمعته
ياليث الكو وياك تهون
متهمني عداي   ماريد الماي
______________________
ظهري انكسر بعد الحسن وانصابت العين
ياخويه تدري لو طحت اتكسرة مرتين
بعدك يميزان الوفة ما يحصل منين
تقبل تروح وما ترد وتعوفه الحسين
جودك معروف تدفعله جفوف
من احسب هاي ماريد الماي
_____________________
ماعلمت روحي ابد خوية على فركاك
يا خوية لو يمي تظل لو امشي وياك
ادري الطفل من الخيم يا عمي ناداك
هاك استمع نبض الكلب هاك الدمع هاك
بعدك ما عيش يالوحدك جيش
اقبل بضماي ماريد الماي
_________________
ريتك تظل يابالفظل نار الظمة تهون
انا ارتوي من شوفتك يا نور العيون
من هيبتك سبعين الف منك يخافون
وحدي يبو الغيرة اظل وبزينب شلون
خلينه نكول ياحيدر كول
يانعم الراي  ماريد الماي
____________
انت عليك الميسرة واليمنه ليه
يابالفضل اخر فصل نبرز سويه
نراويهم افعال الاسد حامي الحميه
بالدم نسجل ملحمة بالغاضرية
خلي البتار يكتب تذكار
دمك ودماي ماريد الماي
__________________
يابالفضل من الصغر متعود عليك
لو لحظة عن عيني غبت احزن واحن ليك
واشتاق الك يابالفضل وبروحي اخليك
انت الامل وانت الاخو وانا احتزم بيك
اغلى من الروح ما ارضى تروح
ماريد الماي ما ريد الماي
________________________________

للاستماع اضغط هنا
https://www.youtube.com/watch?v=xy7sxoSRy3E




الأحد، 27 أكتوبر 2013

بقت زينب وحيدة_عبد الحسين المنصوري



بقت زينب وحيدة بهل المسيه ----- بعد مــا كوظت أهل الحمـــيه
وحيـدة بدون حراس --------------- بعد جفــوف عباس
**********
بقت وجيوش أميـــــــه تحيط بيــــــها
حزينة والدمــــــــــع يترس أديـــــــها
بعد ما طـــــــــــاح عالغبرة وليــــــها
ندارت على الغري وندبت عليـــــــها
تنادي وتدك عالرأس -------------- بعد جفــوف عباس
**********
تلطم راســــــها وتنتخـــــي بحيـــــدر
وحيدة والجيوش عليــــــــها تفـــــــتر
تحامـي عيالها وتجمــــــــع الخــــــدر
هامت من وجلـــــها وترست البـــــــر
لفتها جموع الأرجاس ------------ بعد جفــوف عباس
**********
زينب حايرة ومدمعــــــها يجــــــــري
تعاتب بالصمــــــــيده تكله تــــــدري
خواني هوت وأنكســــر ظـــــــهري
والعسكر هجم ســــلبني خــــدري
سبتها بكربــــله الناس ------------- بعد جفــوف عباس
**********
تجري الدمعـــة والعبرة شـــــكبرها
زينب و النســـــه حـارت بأمـــــــرها
وين ألـــــي كفل بالطف خـــــــدرها
يدري الجيش بالحومة يســـــــــرها
أسيرة بأيد الأنجاس ------------- بعد جفــوف عباس
**********
ظلت بالحـــرم تحرس وحـــــــــدها
تعاتب بالأهل والـــهم مـــــــــردها
ما جف الدمع يجـــــري علخـــــدها
لان مصاب أبو الأكبــــــر ضهـــــدها
ونها يحرك الأحساس ------------- بعد جفــوف عباس
**********
حيـدر من لفــه وشــــــــافته زينب
أشتكتله والدمـــع عالوجن سـجب
تكله حسين يا أبويـــــه تســـــلب
جسمه وبالعـــرى معفــــر متـرب
صدر بخيل ينداس -------------- بعد جفــوف عباس
***********************
شاعر أهل البيت
عبد الحسين المنصوري

- ليلة الوحشه_حيدر تركي الكربلائي1434


صـرت بعـدك يعـباس ** يعباس وحيده
وحـيده ابـلايه حـراس ** يعباس وحيده
تعـال وشوف حالي
بعد ماضل لي والي
------------------------------
انـه زينـب . ياكـفيــلي . وحدي برض الطف صرت خويه غريبه
حرم عندي . وانه وحـدي . خـويـه حـيرنـي زمـاني بهالمـصيبه
الليل اجاني . وتدري حرمه . ابلايه خيمه وخيمتي صارت سـليبه
والاعــادي . اتـصد عـليه . صـحت عباس الـگمر ياهـو اليـجيبه
انادي خويه ياحيد ** يعباس وحيده
حمايه اختك اتريد ** يعباس وحيده
النهر جاوب سؤالي
بعد ماضل لي والي
------------------------------
المن اشكي . همي خويه . والمأسي اترادفـت بالغاظريه
حاوطـوني . وفرهـدوني . وسـلبو حـتى زغيـرتكـم رقيه
وانه انـادي . يبو الغيره . خويه ويـنك ياشــهم لَـحگ عليه
ابلايه رحمه . من ولوني . وهذي أثار الظرب مطبوعه بيه
تشوف اختك تمنيت ** يعباس وحيده
لَمن عالنهـر ناديت ** يعباس وحيده
وصدى صوتي اجالي
بعد ماضل لي والي
------------------------------
ليـله ظلمه . وانته تدري . ليلة الحادي عـشر ياخـويه صعبه
مره انظر . على اطفالي . ومره عالـشاطي اناطر انــه دربه
اعيوني تجري . من غـيابك . شلون يتحمل الفاگد بالله گلبه
باچر أني . ابلا محامي . حسبه تاخذني وتردني خويه حسبه
صـحت وينـك يكفال ** يعباس وحيده
منو ايباريلي العيال ** يعباس وحيده
تـره مـشدوه بالي
بعد ماضل لي والي
------------------------------
مدري ابچي . مدري اشكي . مدري ادور اطفال هامت بالبراري
ابحـيره اني . بيمـن ابدي . الجـسم ابـو اليمه تره اتقرر مساري
وبـجـثـثكـم . امشي واعثر . شـفت طـفـله وَجرت بالگـلب نـاري
لــن رقـيه . يـم ابـوها . اتگـله اجيت ارويك من دمعي الي جاري
وتريد الجسمك اتروح ** يعباس وحيده
وعلى چفــينك اتـنوح ** يعباس وحيده
اصرخت عمي يغالي
بعـد ماضل لي والي
------------------------------
للحـراســه . صرت بعدك . احرس ايتامك يخويه والارامل
اتگفلتني . وهسه اني . للحرم من بعدك انه الصرت كافل
لن سواده . مني تدني . صحـت وينك ياكـفيلي يابو فاظل
لَنه ابونه . الحظر ليه . جاي يتطـمن عـلى حـالي ويسائل
شَــگله ابـلايه وليان ** يعباس وحيده
وسبي زينب تره حان ** يعباس وحيده
صـرت مسبيه تالي
بعد ماضل لي والي
------------------------------
يــلي نايــم . عالشــريع . خــويه اتنــطر عــليه انته ترجع
تـدري بيه . ما اعــوفك . شلون باچر باليسر من غيرك اطلع
الحادي ليه . الشمر يصبح . ايصيح أسرناها زينب حتى تسمع
وعلى الناگه . مرو بيها . حتى تنظر زينب اخته على المصرع
واصيح اگعد يوفاي ** يعباس وحيده
اريدك ترجع اوياي ** يعباس وحيده
تـره حــان ارتحالي
بعد ماضل لي والي
------------------------------
تمت والحمد لله في 18/ 8/ 2013
خادم الحسين حيدر تركي الكربلائي

لا تنساني _ام هدى الخزاعي 1434





لاتنســــــاني لاتنســــــاني ...................... يـــم جــــدك ســـجل عنواني


______________________________________________


مـــــولاي وســــجلني اوياكم ..... خـــادمــكم لايــــــذ بحمـــــاكم


مـــديت اجفـــــوفي وحاشــاكم ....... فــــد يــــوم اتــــردون العـــــانـــي


.................................


اتعنيت ومــن جودك اطلب ...... تحضرني بساعاتي التصعب


لامـــال الينفــع لامهرب ....... بــــس جيتـــــك مـــولاي امتــاني


.............................


مترجي ابكبــري اتلاكيني ..... وعــــــن حال البيه اتواسيني


ماظــــن الوحــــدي اتخليني.....يـــل عطفـــــك دايـــم يــرعـاني


..............................


تحضـــــرني ابســــاعات الشده ..... ومنـــــكر مـــن يلفينـــي اترده


كــــل هـــول اللي بــــكبري تــبعده .... يلفـــــادي الأجـــلك خــلانـي


...........................


بســــاعة اهوالي انت التحضر ..... ظلمــــــه كبـــــري بيك اتنور


مـــــن تلـــــفيني انــــا اســـتبشر... وبجيتـــك تجــــليـــلي احــــزانــي


............................


تحضــــرني ابكبــــري اتواسيني ..... هيــــــهات الـــــوحــــدي اتخليني


وانـــــا الخـــــادم طــــول سنيني .....وبســـجل احبــــابــــك تـــلـــكـــاني


............................


لونشــــرو صحفي انت اقراها ..... بــــس حســـرات ودمع وآهه


ســـــوده من الاول تلكاها ........ بـــــس حبــــكم نور الـــــدلانــي


...........................


يـــاســـور انــلوذ احنه ابكتره ..... من كـــل هــول وشده وعسره


كـــل مــؤمن والاك اتحضره ........اشــــلون الچــان ابحبـه ايعـاني


.........................


اشلون اتصور روحي الوحدي ..... وتوســـدت ابكبـــري ولحـــدي


بــــس الخــــدمه وحبــك عندي......ما يتلـــــعثم بيهــــا الســـانـــي


............................


لويعصرني الكبـــربقـــوه ...... ويتكســــر صدري ويتلوه


وبنيـــران الخوف اتجوه .........اصــرخ يحســــين ابــوجــــداني


...........................



اصــرخ يحســـين وتدركني ..... من ضيكة كبري اتحركني


ردتك بالمحنه اتشاركني ....... متيقن منك ايـــمـــــــانـــي


.......................


وبسجلك كون اتسجل اسمي ...... وانـــا الي ابحبكم متســـمي


يشهد عظمي ولحمي ودمي ......وبحبــــكم خــــاتــــم قــــرآني


......................


ســــجلني ويه احبابك فايز .......والحبـــــكم بالموقف جايز


والخـــــادم متشرف حايز........رتبــــه وبـــالـــداريــن اعـــــلاني


______________________________________________


ام هدى الخزاعي

خليني أودعــــــك_امجد الشمري1434


ضمني على صدرك يالوفي خليني أودعــــــك
و يمّــــــك أودع دنيــــــــتي خليني أودعـــــــك
بالمـــدمع المسفوح وداع الجسد للروح
خليني أودعـــــــك
****
يمّ النهر چف ودمع ومـــــوادع أحباب ما ترهم بديــــــــرة غرب من غير لعتاب
زينب تودع يا كَمر متوســــــــد لتراب أتكَله خويه من الغصص والله الكَلب ذاب
و جيت أرد اودعــك للنهر واشكي الجـــــــرالي
أحچي الي شفته من الدهر واشكي الجـــــــرالي
وبين الهضم والنوح وداع الجسد للـــروح
خليني أودعـــــــك
****
بيش أبتديها شكوتي حيرني دهـــــــري كثره المصايب ما بعـــــــد يكفيني صبري
لا خيمة ضلت يالولي لا ضلّي خــدري وتلفت وحــــــدر الضلع جمراتي تـــسري 
يا خويــــه وانظــــر للخلكَ كلهم شمــــــــــاته 
بالعبره احس صوتي اختنكَ كلهم شمــــــــــاته
بصوت أختك المبحوح وداع الجسد للروح
خليني أودعـــــــك
****
يمّك جبت كل دنيتي لضيـــعها فكَــــــدك وروحي أعتنت كَبلّي وأجت تغفه على زندك
وتكشفلك جروحي الجرت يا خوية بعدك ونته أكبر جروحي و صرت بالونــــه اشدك 
بالغربة بيـــك اتعــذبت والهــــــــــم مردني 
مثل الشمع خوية وذبت والهـــــــــــم مردني 
وشكَد حملت جروح وداع الجسد للروح
خليني أودعـــــــك
****


انه إلي جنت بهيبتك مرفوعـــــــة الراس تالي الوكـــــت يابالفـضل تشتمني لرجاس
ضـربوني بسياط وهمــس أنـدب يعباس صوتي يخوية مــو سهل من تسمعة الناس
وعيوني تربي على الدرب ونتــــــــظرك تعود
وعتابي شلتــــــــه بهالكَلب ونتــظــــــرك تعود
من الشــاطي عــذر يلوح وداع الجسد للروح
خليني أودعـــــــك
****
يا خويه حركَو خيمتي وحرت بيتاماي بيمن ألــــــــــوذ بيا كتر حيرتـــــني دنياي 
تانـــــــــــتك بكَـد الدمع يالغالي عيناي و كل ساعة چن أتخيلك صوب الخيم جاي 
عنك تنـــــــاشدني الحرم حــــرت بجــــوابي 
چاوينه شيــــــــــال العلم حـــــرت بجــــوابي 
ضل الكَلـــــــب مجروح وداع الجسد للروح
خليني أودعـــــــك
****
ترضاها بالله أرد انشدك يابو الحمـــــيه أمشي واعوفك عالتـــــرب طايح رميه
و بيتامي عنك يالوفي أرحـــــــل سبيـه للروس أصدبيا نظر وصفــــــــكَ بديه 
يحديني يا خويه الشمر ميتــــــه عســـاني 
وتمنه من كَبـــل اليسر ميــــــته عســــاني 
أتمنه روحي تــــروح وداع الجسد للروح 
خليني أودعـــــــك
****

اشعل العشرة شمع_حيدر تركي الكربلائي1435

لو تجيني .. انـه مـا ابچـي دمع ** لو تجيني .. اشعل العشره شمع
---------------------
من رحت خويه صفت روحي حزينه
وگلبي عندك وسـتمع انــته آنـينه
تجـي بالله امـن النـهر لو ماتجينه
اتنـاشد اطفالي يعـمه عـمنه وينه
لوتجيني .. اتشوفني وبيا وظع ** لو تجيني .. اشعل العشره شمع
---------------------
گلبي مـن فرگاك ياخويه تـگطع
رد عليه انچان صوتي انته تسمع
گلـي ياعباس يمـته بــالله ترجع
ردتك اتنشف اعيوني اعليك تدمع
لوتجيني .. خفت وصلك ينگطع ** لو تجيني .. اشعل العشره شمع
---------------------
الماي عوفه وعود ياخويه اليه
انــه مــا اتحـملك تبعـد عليه
وين عمي عمـه نادتني رقـيه
خـويه وتمـنيت تلفـيني المنيه
لوتجيني .. اذا صوتي ينسمع ** لو تجيني .. اشعل العشره شمع
---------------------
من رحت ياخويه گلبي الروحتك هام
واگـفه اتنطـرك انــه ابــاب الخيام
اشعر ابدلاي مرمي ابحـزمة اسهام
تـدري زينب بعد عـينك والله تنـظام
لوتجيني .. گـبل ما انه انفجع ** لو تجيني .. اشعل العشره شمع
---------------------
طولت يم النهر خويه اشـجرالك
خـوفي ياعـباس يتگـطع وصالك
اظن عاتـبت النهر واهـو حچالك
يعـتذر منك يبـو الغيره وبـچالك
لو تجيني .. الخيمتي اتدنه الجمع ** لو تجيني .. اشعل العشره شمع
---------------------
يـانـهر يمــك كـفيلي مـاتـرده
بـالله خـبرني اذا طـايح بــشده
الفـرگة الغالي ابــد مامستعده
ظعني هوه الجابه هوه الي يرده
لوتجيني .. اتشوف گلبي المنصدع ** لو تجيني .. اشعل العشره شمع
---------------------
خويه اظن صابوك خويه وصوبوني
وبسـهم عيـناك يالـكافـل رمـوني
وبالسـبي بعـدك تـراهم هددوني
ماتجـيني هـسه وتكحـل عـيوني
لو تجيني .. والله من نوحي امتنع ** لو تجيني .. اشعل العشره شمع
---------------------
تمت والحمد لله في 26/ 8/ 2013
خادم الحسين حيدر تركي الكربلائي