اواسي المنتظر بيهه_حيدر تركي الكريلائي

دموع الفاجعه اجريهه *** اواسي المنتظر بيهه
---------------------
الـمدمع مانشـف نبـعه
تظـل عـيني تهــل دمعه
تشب لـم الحسن شمعه
ابــدار المختلف وضعه
دموعي لمن اجريهه *** اواسي المنتظر بيهه
----------------
وحـَي ألهــامــي اِتــألم
الظـلع فاطم عــليه سلم
سلامي الصدر المـهَشم
سلامي المدمع المن دم
سلامي بالحزن ليهه *** اواسي المنتظر بيهه
---------------
أَلمـهـه الـمايــبارحـني
يمسـينـي ويـصبحــني
مـن البيــهه يجــرحني
واذا مر ذكره يفــجعني
واحس بيه الجره اعليهه *** اواسي المنتظر بيهه
---------------
الگلب منه نـفذ صبره
على هذا الزمن غدره
ابروحي خَـلف الجمره
لَمن صــوب الزهــره
رســم بــيه مأسيهه *** اواسي المنتظر بيهه
--------------
گـبل ما وَصــف ابوصفي
تمــنيـت اقتــرب حتــفي
صدگ نـور الشمس يطفي
الــه ظالم گــصد يخــفي
لهذا عيني اطفـيهه *** اوسي المنتظر بيهه
-------------
ابجفني غـرگت اعباري
المحسن شابحه انظاري
واحس نار ابوسط داري
نــار ام الـحسـن نـاري
مـا اگــدر اطــفيهه *** اواسي المنتظر بيهه
-------------
طفح شط صبري واتبده
وموج الهم إلــي اتحده
گصد عالزهره واتعـده
وتركهه ابعين مسـوده
جفوني سود اخليهه *** اواسي المنتظر بيهه
--------------
تمت والحمد لله في
19/2/2013
خادم اهل البيت حيدر تركي الكربلائي