بالكاظميّـــــه === روح الزﭼيّــه
حلّت تشارك بالنــوح === لجــل الجواد المجروح
روح الزﭼيّــه === بالكاظميّــــــه
ــــــــــــــــــــــــــــــــــــــــــــــــــ ــــــــــــــ
ياموالي شارك الزهره إبحزنها هالمسيّه
عالجواد الما فرح غاب إو مشه يروي الرزيّه
حجة الرحمن سمّوه إبحقدهم ناصبيّه
ودّع حياته إبن الرضا == بالمنزلـــــه والحظ حضه
حُبّه أمان إمن اللظه == هــذا إبن حامي الحميّه
يسمع سلامي === هذا إمامــــي
أمّه الشفيعه مولاي === تنظر دموعي إبعيناي
روح الزﭼيّــه === بالكاظميّــــــه
ـــــــ
واجب إنعزّي محمد بالشباب الذاع صيته
طاعة العتره الشريفه ﭼانت الهادي وصيته
والجواد الحيّر الدنيه عَلَم من آل بيته
تاسع إمام الأمّتَه == والأمّه عافت طاعته
راعي المعالي سمّتَه == هاشمـــي الزاكي هويته
إبن الرسالــه === يزهي إبكمالـــه
حلت علينه الأحــزان === يوم المُضَه عالي الشان
روح الزﭼيّــه === بالكاظميّــــــه
ــــــ
عافت الأمّه نهج أحمد مشت درب الضلاله
والنواصب أنكروا آل النبي أهل الرساله
كُل فعل مذموم ما يِطْفيها أنوار الجلاله
الله اليِتِم نور الهُـــدى == وإيحفظه من فعل الرِدَه
مهما علت نار العِدَه == تنطفي إبسيـــــل العداله
والحق يجينـه === ويّه ولينـــــه
من موعد المهدي إيحين === بالحُــــب ينـــــادي الطيبين
روح الزﭼيّــه === بالكاظميّــــــه
ــــ
سيدي يلمنتظر إحضر مآتمنه يغالي
بالجواد اليوم نرفعلك تعازينه يوالي
ننتظر نورك يهل يكشف حقد سود الليالي
حقدوا على طه النبي == بيهم مُعادي إو ناصبي
ما ينطفي نور الأبي == من إله الكون عالي
ثابت يقيني === إلهُم حنيني
أهل الهدايه الأبرار === ﺗﺑﮔﻪ تشيـــل الأسرار
روح الزﭼيّــه === بالكاظميّــــــه
ــ
إﮔصد الباب المُراد إو إطلب الحاجات منّه
ما ترد خايب أبد ﻳﮔضي التريده إبدون منّه
بالحشر يشفع إلَك إبن الرضا إﻟﻳﺣﭼون عنّه
نوره يشع وإبكُل كتر == بالكاظميــــّه لـــو تمــــر
ترتاح وإتشوف اليُسر == من ضريحه الصار جنّه
تزهي المناير === تروي البشاير
وإبصحنه تصبح مسرور === وإتحفّـــــه هالات النـــــور
روح الزﭼيّــه === بالكاظميّــــــه
ــــــــ
المُصيبــــــــــــه
ــــــــــــــــــــــــــــــــــــــــــــــــــ ــــــ
يامُحب باب المُراد اليوم تشييعه إو وداعه
شارك إبمأتم حزن لجل الولي إو نال الشفاعه
تاجر إبحبهم أهل بيت النبي تربح بضاعه
أغلى بضاعه بالحشـــُـر
فوﮒ اللظه لا ما تمُـــــر
بعد العسر يحله اليسُـــر
وإتهل مثل نور البــــدُر
ما ﺗﻧﭼوي إبنار الجمــُر
بالجنّه تسكن تستقـــــر
دمعك أبد ما ينهمُـــــــر
تاخذ هديتك باﻟﮔبُـــــــر
تعتلي إو تاخذ جوازك من علي حامي الحميّه
ــــــــــــــــــــــــــــــــــــــــــــــــــ ـــــ
مع تحيات شاعر اهل البيت / جابر النجفي
إسمعوا القصيده على هذا الرابط
ليست هناك تعليقات:
إرسال تعليق