اسمع نحيب ونوح
يـم منحر المذبوح
مكــسورة الظلـعين *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
إنـــه بعالم خيالي منظر ارســمته ** وليـل العاشـــر المظــلم تخــيلــته
ســــواد امن البـُعد يم الجسم شفته ** جسم حسين اظن الزهره حاظرته
بيا حاله حظرت ليه
كـم طعنه شافت بيه
والزهر چانت وين *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
اجزم فاطمه الطف كربله اتعنت ** مشتاگــه لبنــهه والـــده وحنـــت
بهالحاله تشوفه الزهــره ماظـنت ** ثغر ظامي نحر دامي عليـه ونت
شافــت نحر مگطوع
وراسه برمح مرفوع
صوبهه سهم البين *** حظرت لبنهه حسـين
بهمهه وحزنهه
ــــــــــــــــــــــــــــــــــــــــــــــــــ ـــ
مكسورة ظهر وصلت الـه الزهره ** انحنت رادت تقبله بنحره وبصدره
حـست فاطــمه بظــلاعه متـكسره ** من هالحـاله ذكـرة لوعة العــصره
ذكـرة هـجوم الدار
والسطره والبسمار
شب الگـلب ناريـن *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
منظــر جسم ابو اليمه صعب حــاله ** يعــين الله الزچـيه الشافت اهـوالــه
شــافــت بالمــثلـــث مرمـي دلالـــه ** وعالغبره السيوف اموزعه اوصاله
گلب الوديعه اشكال
من شافـته بهــالحال
زاد الام مرتـين *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
ونـــت لجله والـون فاطــمه اتعــيده ** كل ماتكتــشف بيــه نايــبه اجــديده
اكتشفت خنصره مگطوعه من ايـده ** والصـــوب گــلبهه حــزة اوريـــده
ابحيره تصد اعليه
ياجـرح الــِتداويـه
جروح الجسد الفين *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
مـثل امصيــبتك ماشــيفه امصيــبه ** اذا نفسه المصاب امصابك ايصيبه
شفت جســمك ييمه اگــبالي تسليبه ** المشاهد هذي زادت حالي تــعذيبه
گلبي الحنيـن ايذوب
يم جسمك المسلوب
بيهه الجرح جرحين *** حظرت لبنهه حسين
بهمهه وحزنهه
ــــــــــــــــــــــــــــــــــــــــــــــــــ ـــ
تمت والحمد لله في 25\3\2012
خادم الحسين حيدر تركي الكربلائي
ليست هناك تعليقات:
إرسال تعليق