أمـانـه أمنـتـكم ** خدر زينب اختكم
تبقـه كون امدلـله
مـن تروح الكـربله
ماتقصرون ادري ماتقصرون
--------------------------
يالـنويتو الهجر لـرض الغاظريه
ردت يـايمـه اوصــيكم وصــيه
الحره امـانة الله والهـادي نبيه
لاتخــلوهــا وحــيده للــمنيه
اختكم حيطو بيها ** اوصـيكــم علـيها
هالحمل انتم إله
من تروح الكربله
ماتقصرون اعخدري ماتقصرون
--------------------------
يمه موتنـسون اذا هاجر ظعنكم
كـون لحـظه مايفارگها نظـركم
اربـعتكم عـلي للحـره نــذركم
والله يـحرم لون قصرتو لـبنكم
توافوني ابوفاها ** تـره كلكـم فداها
صيحو زينب ياهله
مـن تروح الكربله
ماتقصروم ادري ماتقصرون
--------------------------
يمه ياعباس خل زينـب شعارك
لمن يصـبح للنهر يبني مسارك
الماي لو ماجبتـه وتعذر فقارك
لاترد ارخص يميـنك وَي يسارك
المعارك ادري عيدك ** شهم صنديد اريدك
حامو يمه العايله
من تروح الكربله
ماتقصرون ادري ماتقصرون
--------------------------
يمـه ناگـة زيـنب انتـبهو المـشيها
خـاف ثعثـر اربعـتكم حـيطـو بـيها
اتدنو يمها استمعو انتو الكل حچيها
هـاي اختـكـم مــا اوصيـكم عـليها
الاخـبار انتـظرها ** تره ذمه خدرها
امكم اتظل سائله
من ترـوح الكربله
ماتقصروم ادري ماتقصرون
--------------------------
ياصـناديـد الحـرب ياحـيل حـيدر
عـون عثـمان وابـو فاظل وجعفر
يمـه اختكم عالمأسي شلون تگدر
احـس نيران ابدليلي اعليها تسعر
اظن تمشي سبيه ** وتعوف الغاظريه
هالنتيجه حاصله
من تروح الكربله
ماتقصرون ادري ماتقصرون
--------------------------
ما اسامحـكم اذا زينـب سـبوها
چيه گلت للناس اولادي الحموها
بـس اذا عـباس جـثته گطـعوها
يعني راح الخدر لـمن راح اخوها
واذا طاح ابو الغيره ** تروح اخـته اسيره
هالمصايب نازله
من تروح الكربله
ماتقصروم ادري ماتقصرون
--------------------------
تمت والحمد لله في 5/9/2013
خادم الحسين حيدر تركي الكربلائي
ليست هناك تعليقات:
إرسال تعليق