عهـد يازهراء مـني وهالعـهد اعـتـبره دين
ابروحي وبدمي كتبته ابد ما انسه الحسين
فـي حيـاتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
انـه خطيت العهود . ابدمي من نسج الخلود
من وهج عاشور دوه وابتــدت بــي قصتي
كــل محرم من يعود . النـار بعظـائي تزود
امصيبة حسين ابو اليمه ليهه نـزلت دمعتي
والصلاه ليـه شــهود . بالـقــيام وبالســجود
ويه كل تسبيه اذكـر عطش چـبده ابمهجتي
إي وحــق سورة الحمدُ وقــل هــو الله احد
وعَد ما اترك مصابه امن المهد حتى اللحد
وبصــلاتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بيه يازهره الحنــين . مايوصــفه هالحنــين
ربي وحده اليدري گلبي من حمل هالفاجعه
ما اظن لحظه يليــن . بيه عاشـر من سنين
ايعيـش عاشــور ابكياني وبدلــيلي موضعه
ابدمي كاتب ياحسين . رغم انوف الحاقدين
صرت لحسين ابو اليمه ابعالم الــذر تابـعه
انه سر حبــي حسيني وهـذا ديَـدن كل هلي
اكسبـتـه يا فاطـمه هالحب من محمد وعلي
وبيه نجاتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
الدنيــه ليهه من اجيت . حســين گــدامي لگـيت
وحومه تتلاطم مصايب بيهه جسمه اعله الترب
الهالسبب انه بچــيت . ودمعي من عيني جريت
گــلت بلكت يروي گلبه الدمع من عيني اليصب
المنظــره لا ما نسيــت . والبِجـــسمه بــيه ريت
اجــروحه تتحول ابجـسمي موسهل حاله صعب
اجروحه الف وتسع ميه ابسـيف وبــرمح وسهم
والله هالمنظر القاسي ابعيني من زغري انرسم
وذكــرياتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
امصابه ما صار ويدور . اشما تمر هذي الدهور
أَلـــم العالم العــلوي يــومه مــن صــار وجــره
البـــاري املاكه تزور . نــزلت ابــلايه شعــور
يـــم جــسم روح القــداسه حـتى تشتــم منـحره
عالجسد گــامت تدور . اعليه تحن حن الطـيور
عالوطيه حسين مرمي اشلــون انــه اتــصوره
ودي يازهراء اسئل انه بس هذا السؤال
حسين هم شافته عينچ هو نايم عالرمال
ابنايبــــاتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
اعلنــت هذا الخطاب . وراح اكتبه اعله السحاب
امصاب ابو اليمه امتلكني وصار من ضمن العمر
ماشفــت مثلـه مصاب . حســين نايم عــالتــراب
والخيــول الاعــوجـيـه داســـت اظــلاع الــصدر
ومن يجي يوم الحساب . وكلــمن ايسـلمو كتـاب
انــه انــادي ابـصوت عالــي واحســينا بالحــشر
حتى في يوم القيامه حسين انصبله العزاء
ابــد ما انسه مصابه والجــره فـي كربلاء
أمــنــيــاتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
لو اظـــل عمري ذليل . عنــه ما لحظه اميــل
والله گلـــبي وكـل شعوري لجله انـــه سلــمت
لو علل جَمه اشيل . ابجسـمي خلــوني عليـلل
هــذا كــلــه مايهــمــي لان صـدري وسـمـت
حسين انساه مستحيل . المستــحيل اشعر قليل
لو يوذرونــي اعلـه حبــه ما اگــول اتألــمت
مستعد يوميه اهلك وارجع وثاني اعود
مايقلل عزمي هذا بالعكس اثبت وجود
من سماتي ** الحـد مماتي
انه انادي انه انادي ياحسين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
تمت والحمد لله في 1\11\2012
خادم الحسين حيدر تركي الكربلائي
ليست هناك تعليقات:
إرسال تعليق