انا الامام المفترض طاعتي
ها يالمحب هاك اسمع محنتي
___________
انا علي السجاد هاك استمع
بكل ما جرى بحالتي واجري الدمع
من يوم طف النايبة منفجع
من بعد ابوية حسين اهل دمعتي
________
بيا حالة بعد حسين انا صرت
ايتام عندي وحرم وتحيرت
الام هاي المحنه وتيسرت
وكبالي راحت لليسر عيلتي
_______
بيا حالة وصف اليسر يافاجعه
ركبتي تجري بلوعة الجامعة
مجتوفة ايدي وزينب ملوعه
هدمت حيلي باليسر عمتي
ياهضم حالي منهو اليوصفه
بعيني اشوفن زينب مجتفة
يا جمر كلبي الي ابد ماطفة
وبجيت من كثر البجي ناكتي
________
طبيت للكوفة بكلب منمرد
وعين الشماته شلون ليه تصد
بلسان شامت عالضعن تنشد
تمنيت اموت ولا اصد شامتي
_________
والشام منه شلون روحي تهيد
طبيت للمجلس واعاين يزيد
بالطشت حط كباله راس الشهيد
وبسوطة يضرب راسه شب جمرتي
______
ليل الخرابه حاوطني بوجل
بيها ر قيه خذها مني الاجل
حضنت ابوها ودمع نوحي همل
وزيدن يا شيعة الم غربتي
__________
لحال هشام بن الملكما رعى
وبألم يا شيعة الكبد كطعه
لو تكصد لكبر الهضم تسمعه
تجري الدمع لو تكصد زيارتي
__________-
من بعد جسري وذاك جبدي الكطيع
طبيت كبري بحزن كلبي الفجيع
كبري يشيع المنهدم بالبقيع
هون عليه محنتي وجبدتي
__________
تمت
ليست هناك تعليقات:
إرسال تعليق