يالعسكريين يالعسكريين
هاليوم اجينة بدمعة العين
__________
يا علي الهادي اجيناك بدمعنه
مرقدك يا سيدي والله فجعنه
سيدي من هدموا كبتك سمعنه
صار دمع الفاجعه والهم طبعنه
يالعسكريين يالعسكريين
منين اجت هالنايبة منين
__________-
للامام العسكري نادينه بالالام
ليش هدموا مرقدك يا سور الاسلام
من نظرنالك يمولاي الفكر هام
ذكرنا بالطف سيدي حرقوهه الخيام
يالعسكرين يالعسكريين
شعنده دهركم يطلب بدين
________
يا علي الهادي دمعنه اليوم مسفوح
ليكم نريد الماسي لكربلا نروح
نريد نبجي على الحسين المات مذبوح
نعين زينب عمتك بالونه والنوح
يالعسكريين يالعسكريين
يسمونه زوار الحسين
______
للامام الهادي دمع عيونه يسيل
حسين جدك هشموله اظلوع بالخيل
عمتك زينب سبوهه وشافت الويل
منين ما مالت الحرة النايبة تميل
يالعسكريين يالعسكريين
كطعوا لبو السجاد الوتين
_____________
يالامام العسكري زينب سبوهه
وعالشريعه مكطعين جفوف اخوها
اه واعظم نايبة من جتفوها
عالمتن يا سيدي بسوط ضربوها
يالعسكريين يالعسكريين
وين الزجيه فاطمة وين
__________
امكم الزهرة اجت لحسين يمة
شاهدت فوك الترب مطروح جسمة
حاضنة نحر الحسين تصيح يمة
ليش نحرك عالرمل يتجارى دمه
يالعسكريين يالعسكريين
لمصابكم تبجي الموالين
________
تمت
ليست هناك تعليقات:
إرسال تعليق