كالولي تعال يالعندك سؤال يم باب المراد
لو جسمك عليل ماكو مستحيل يم باب المراد
_________________________
طابت جروحي بنسيم الكاظمية
من وصلت الباب سعرت نار بيه
جن اشاهد ضلع للزهرة الزجية
دمعه حمرة من السمه طاحت بديه
والكاظم يصيح يحضر كل جريح يم باب المراد
حيدر والرسول والزهرة البتول يم باب المراد
______________________
ونت الزهرة تفت كلبي وتلوعه
يبني يالعطشان كلب امك تصدعه
ويلي عالمسموم والسم شيجرعه
يبني شيعتنه اجت نعشك تشيعه
يالرايد تشوف صورة من الطفوف يم باب المراد
يالفاكد حبيب ابجي عالغريب يم باب المراد
___________________-
ماشربت الماي مثل حسين همك
هم ثلث تيام ما مدفون جسمك
لا تظن وحدك ييمة اني يمك
انحب والطم على ظلعي واكلمك
حضرت هالجموع وجولك شموع يم باب المراد
كل هذا الحضور تلطم عالصدور يم باب المراد
______________________
اذكر العطشان من اذكر مصابك
واذكر القاسم اذا اذكر شبابك
شمعة من جاسم خليت على بابك
وابنك الهادي فلا يحمل غيابك
يالرايد تروح ابنك ظل ينوح يم باب المراد
جرحه مايطيب يحلاله النحيب يم باب المراد
____________________
بس مصاب حسين يبني يبقى اكثر
انت جسمك لا سليب ولا توذر
بالحوافر ما شفت صدرك تكسر
وانت ما عندك يتامه تضيع بالبر
اذكر يا مصاب وانطيك الجواب يم باب المراد
مصدوع الدليل والمدمع يسيل يم باب المراد
________________
خلسولفك جرح بالغاضرية
من لكيت حسين مرمي على الوطيه
جان راسه على الرمح ينظر عليه
جن يكلي زينب الحرة سبيه
مجروحه الشعور يالكاصد تزور يم باب المراد
يالكلبك حزين سمعني الونين يم باب المراد
__________________________
تمت
ليست هناك تعليقات:
إرسال تعليق