انا المجتبى بنوحي ومراري اودعك يبو اليمة بدمع جاري
خوية مو سم الجبد وجرلي ناري ذكرت يومك ومن عنده احتضاري
وعينك لو شافت احزاني يحسين ليومك احزاني
_________________
مرني احساس خوية وارد اخبرك
صورلي يبو السجاد امرك
يكلة خوية راسي هسه يبن امي بحجرك
كلي بيا حجر ينوضع نحرك
هالموقف بالهم خلاني يحسين ليومك احزاني
_________
اعالج خوية باحضان المنيه
وجني بموقفك يبن الزجية
كل انسان لو طاح برزية للشده الاخو يحتاج اخيه
وانا السم هدني وارداني يحسين ليومك احزاني
_________________
يبو الاكبر وزينب يمي تنحب
على مصابي لجن موقفك اصعب
تشوفك خوية عالغبرة مخضب
ونيران الحقد بالخيم تلهب
ونيران الكوم بصياني يحسين ليومك احزاني
___________________
********
نيران الحزن بحشاي وجري
ويدمعي صب على الخدين وجري
اجرك يالتون عالحسن واجري
على الهادي وعلى الزهرة الزجيه
__________
عليك الطف ينوح رمله
وهذي رمله بعد اصبحت رمله
اخذها لكربلا يحسين رمله
مثل زينب يكودوها سبيه
___________
ليست هناك تعليقات:
إرسال تعليق