الأربعاء، 13 مايو 2015

اجتي مواجهه للكاظم احبابه-عدنان الحمامي1436


يسجان السجن لا لا تسد بابه
اجتي امواجهه للكاضم احبابه
----------------------
يسجان السجن فك بابه وتانه
عزيز وغاب لارد كل خبر منه
دورنه السجون بكل كتر عنه
مدري ابياسجن وينام بترابه
=------------------
مدري ابيا سجن بالبصره لو بغداد
وبقيد الحديد وقسوة الجلاد
هذا ابن النبي وللناس باب امراد
والوادم الداره اتقبل اعتابه
------------
ياسجان عدنه امواجهه وياه
غالي الكاضم وبلجن صدك نلكاه
هاي اسنين غاب وما بعد شفناه 
وصعبه اعله العزيز ايطول اغيابه
------------------
بلجن نطمئن لوننضرالوضعه
صدك محروم حتى من ضوه الشمعه 
ياسجان يشتم الهوه طلعه
جبنه افراش اله ويبدل اثيابه
---------------
ياسجان خاف ابسجنه يتالم
وبساكه الحديد او يجري منها الدم
حيل امنين ضل بالكاضم اتهدم
ذنبه اشجان خصمه للسجن جابه
--------------------
ياسجان ذنبه اشجان مترحمه
مو هذا الزجيه فاطمه امه
شلون اتحجبه هاي اسنين وتضمه
شمسوي ذنب ينحبس وطلابه
--------------
شمسوي ذنب كل ذنب ماعنده
مو هذا غريب ابغربته وحده
بس لتكول بالسم مردوا جبده
موهالدنيه كلها الكاضم اتهابه
---------------------


اذكرونا بدعائكم يرحمكم الله
سيد عدنان الحمامي

الثلاثاء، 12 مايو 2015

يطامورة خلص عمره -قاسم حتروش البلداوي1436



عالكاظم يشيعـــي اليوم ** ون واسجـــــــب العـبره
بســـــم أنصاب وبغربـه ** بطاموره خلـــص عمـره
*********
عالكاظــم دمـــوعـــك سيل ** أوّن بـدمـــعــــه سجّابه
خلص عمره بسجن مظلوم ** أهــــــله أبعـاد وأحبابه
لــتـنـشّــف دمـــــوع العين ** بدمعـــــك العن الصابه
الــعـــن للــــــذي أتـــعـــده ** وصاب الكاظـــم بجبده
وأذّه الـمـصـطـفــى جــــدّه ** يــــــوم أنصاب مولانه
بسم هـــارون وبغدره
*******
شاف مصاب أبـــن جعفر ** مثله مــــــــا جـره مثله
مــن سجن السجن نـقــلوا ** مـكـبّــــل بيـده وبرجله
وساقــه مست مرضوضه ** مــــــن قيده أوّزن ثكله
جسمه مـن الهضم سالي ** وحاله شلـّــت أحوالي
مـــنــهـــل دينـي وآمالي ** هــاذي حالتــه هـــاذي
بجــور الحاكم ودهره
********
طامـــوره الســكـــن بيها ** بـــــأمــــر الحاكم الجاير
ضيقه ومـــوحشه وظلمه ** بيها سـكّـنــه الــمــــــاكر
ومـا يعرف صبح لـو ليل ** وشمس مــا شاهد الصابر
موسـى مــنــبــع الإيمان ** لــــــو موعد صلاته حان
يسأل حارســــه السجّان ** ويــــــــــرد أعليه سجّانه
بكـــــــل أوقاتها أيخبره
**********
رغم كــــل ألجره والصار ** بسجنه بــاقــــــــي يتعبّد
نهــــــاره صايمه المظلوم ** وليله يـــــركــــع ويسجد
مـــا فــــارك تـــــسابيحه ** ويـــشكـــر للغني ويحمد
فرض مـا فـاته لا دعوات ** بليله يـــــــرتّـــــل الآيات
ويـدعـــي تنتهي المأساة ** عالخــــد دمعـــــه يتجاره
وفــــــــرج بارينه ينتظره
********
يشيعـه ساعــــة أفـــراجه ** أزرك منطعـــن جسمه
مـــودع دنـيـتـه المعصوم ** بفعل هــــــارون وبسمه
وإمام الرافضه يصيحون ** هاذا مــــــــن طلـع أسمه
وكــل أحبابه تـنـتـظـــره ** مـــا تدري خلص عمره
بفعــــل الظالم ودهــــره ** الما ساعة نصــــف ويا
وكلها تعــــــــرف بأمره
*********
إمــام وطاعــتــه واجب ** وسـفه ينغـــــدر بالسم
علمه من وحي الرحمن ** ولجلـه هــل مسه نلطم
مآتم كـــــون مـــن أجله ** مـــا يكفي أبـــــد مأتم
ونــعــزي بــنـــي هاشم ** بشهادة سيــدي الكاظم
والحاضر يــــــرد سـالم ** وناصــر يعتبـــر ناصـر
ومـــن أمّــــــه أخذ أجره
*****
الليلة نســــــــــأل المعبود ** بجاهك يــــــــا أبو طلبه
سؤال العابــــــد المضطر ** ويــتــوسّـــــــل الى ربّه
مـهـديـنـه عـلـيـنــــه يعود ** وموعـــــد طلعته أيقربه
مـــن الكاظــــــــــم وبابه ** هـــــــــاذا مطلب أحبابه
تـريــده يـنـتـهـــــي غيابه ** ويطفي نــــــار لــهّـــابه
بكلب أحبابـــــــه مستعره




الشاعر
خادم الحسين (ع)
قاسم حتروش البلداوي

قيد القيد السجاد-عدنان الحمامي

قيد القيد السجاد – روع موسى بن جعفر
وظيم الحملته روحه – بطوامير السجن بيه مر
------------
امس طف كربله يشهد -- محنة جدك السجاد
كل ذاك الهظم والظيم – عليل بسلسله ينگاد
ونته اتروعت روحك – بالبصره وسجن بغداد
متغرب عن الاوطان
بسجون وقسوة السجان
لامن هاشم وعدنان
عن حالك نشد ويشوف – بياطاموره تتمرمر
----------------
تتمرمر وجمر البيك -- مثل جمر اليسر بالشام
يچوي بگلب ابو الباقر – من حرّ السلسله انظام
ردت هالسلالسل ليك – ظلام اخلفت ظلام
اهناك امكطعات انحور
اهنانه امن القساوه ابحور
اهناك الجار رد ايجور
وصب النايبات اعليك – وچبدك منها يتفطر
--------------
ابگلبك يا ابو ابراهيم – لوعات شكثر وونين
ولا ليل اليمر اعليك --- يلفاها الوسن للعين
ابمحراب السجن خاشع – عمرك گضيت اسنين
تتعبد بليل انهار
دمعك عالوجن مدرار
تبچي خشيه للجبار
وغيظك كاظمه بصدرك – وعالنايبه تتصبر
--------------
تتصبر مثل جدك -- علي السجاد وآلامه
ابياعين المصيبه ايشوف – ذبح حسين جدامه
وشاف اچفوف ابو فاضل – عمه وطبرة الهامه
والاكبر هوه بدره
وتمدد جاسم بكتره
وعبد الله وسهم نحره
وهظمة عمته زينب – بمتنها السوط يتكسر
------------
نظر نار الخيم تلهب --- مثل ماتلتهب نارك
بالغربه يبن جعفر -- طوامير السجن دارك
لانور اليطب اعليك – غريب وضاعت اخبارك
عدوا اللي عذبه الجدك
مدري شراد من عندك
يبن جعفر گصه ضدك
0چي لن راهب اهل البيت – وبچتلك امر صدر
------------
صدّر امر چتالك – بعد ماشاف صبر البيك
راد ايگوض بتاجه – وهالتاج اليلوگ اعليك
انت امن النبي وارث – وأمر الامه يرجع ليك
ومنك خاف عالسلطان
وتاجه ايطيح والطغيان
اوعز أمر للسجان
بالسم راد يطفي النور – خاب ونور النور
--------------
نور وظاهر الهليوم – گاضي الحاجه عنوانه
وين الخصم وقصوره – وين امرصعه تيجانه
وين الترف والحشمه – انشد وين غلمانه
والكاظم يشع انوار
مضيفه عامر بخطار
تشهد كثرة الزوار
من كل قطر تتعنه – من شباچه تتعطر
--------------
يتعطرون بنواره – باب الرحمه للوفاد
والملهوف لو طب له – خايب لاتظنه راد
بيده لو طلب ينطيه – حاجه لو يريد امراد
يشفي علّة المسگوم
ايسكن روعة المهموم
انخه بحاجتك فد يوم
شوف شلون يگظيها --- ولله ومهجتك تنسر
----------------
عدنان الحمامي

حينة نشيعك-ضياء الكاظمي1436



جينة انشيعك يابو الرضا بالدمعه والحسرة
----
جينة الغريب الدار موسى بن جعفر عالجسر نعشة اليوم ننتظرة يحضر
شفنة الرضا موجود بالهم تحير عالكاظم المسموم دمعه ايتفجر
ناده ابصوته يابوية والدمعه غدت حمرة
=====
من المدينة جيت وشفت اليشيعون شيعتك تصرخ صوت ويلي يمسجون
يابوية وجهك صار متغير اللون بالغدر ويسموك يالكاظم اشلون
ابنك كَبلك ياريته يابوية خلص عمرة
===========
يابوية الدفنك جيت من المدينة وشفت احضرت وياي بضعة نبينة
والزهرة تنعة ابصوت تبجي وحزينة وروح ام حسن وياك جانت سجينة
صاحت يبني ياذنب جاني وفجعوا الزهرة
==============
شنهو الذنب سجنوك ياشرع الاحكام خُلصت اسنينك ليش عام اليجر عام
يالحيرت هارون ومادنكت هام ياراهب اهل البيت يافخر الاسلام
يابن الصادق يالبيكم اهل الشرف مفتخرة
=========
يابوية دمعي اعليك للساعة يجري وريت انحفر هاليوم يالوالي كبري
غسلتك ومفجوع وابحالي تدري وي الجفن شديت يابوية صبري
راحت روحي من شفتك وصبري انحفر كبرة
=========
باللحد طحت اعليك وجسمك حضنته وعالجسم من ونيت تسمعني انته
ودعتك وبالآه جسمك دفنته وبالكلب يامسموم حزنك سجنته
نارك وثارك يابو الرضا ظل يستعر جمرة
==========

انا امكم وعفتوني-محمد ابو رغيف1436



وين الــ يغمض اعيوني ____حانت منيتـــــي
آنه امكم أوعفتوني ____ضل وحشه بيتـــــي
وترابي منهو يهيله ____ مرّولي بس الليله
حانت منيتـــــي
*▶●◀*▶●◀*▶●◀*▶●◀*
ابالي ظلّت هالصوّر والحزني گامت توحي
وظليت انوح أبديرتي محد يماثل نوحي 
هالناس الي توصف جرح تضرب مثل بجروحي 
مابين الافلاك أنعرف مشهوره بالون روحي 
&&
دمع الحزن رافگني ____ ماجف عگبكم 
وانه الهظم ظعظعني ____ چنت أنتظركم 
جسمي تهدم حيله ____ مرّولي بس الليله
*▶●◀*▶●◀*▶●◀*▶●◀*
برض البقيع اورملته ترميني روج احزاني 
أربع اگبور أبني بدي شما خط اسم بچاني
وابني گبر خامس بعد لبني ونبع شرياني
وانعه يبو اليمه ابحزن صبح ومسه خلاني 
&&
ياربي وانته العالم ____ بحال انتظاري
وانخه تجيبه سالم ____ ليلي ونهاري
لجيته عگدت الشيله ____ مرّولي بس الليله
*▶●◀*▶●◀*▶●◀*▶●◀*
انتم يفرسان الوغه خيرة كواكب هاشم
يالماتخيبون الرجه شرّفتو ضرب الصارم 
أرفعتوا راسي ابنصرته ابن الزچيه فاطم 
چنت ارجه لي يبقه ذخر وادعيله دومه سالم 
&&
كل ساعه اناطر بابي ____ عشت أبأماني
هسه يجوني احبابي ____ والهم دهاني 
يارب تردلي العيله ____ مرّولي بس الليله
*▶●◀*▶●◀*▶●◀*▶●◀*
اعيوني تترجه ابأمل والهم حناهه أمتوني 
كل لحظه اربه اعله الدرب ونشد مته توافوني
ردتك يبعد أمك تجي جيتك تسر اعيوني 
وتجيب اخوتك كلها الي وبشدتي أتباروني
&&
مر الصبر باراني ____ طول الليالي
ماتنتهي أحزاني ____ عگب الغوالي
ماجف دمع من سيله ____ مرّولي بس الليله
*▶●◀*▶●◀*▶●◀*▶●◀*
گلبي اليوّن بچّه الصخر ماضل خليل العنده
بالعاده كلمن يحتضر اتحوطه اهله أولده
يبارونه ساعة شدته ما يحتضرهه وحده
يبصرهم ابعين الرضه يكتب وصيته اوعهده 
&&
رافگني دمعي اوني ____ في ارض طيبه
خلّاني راحو عني ____ چني غريبه 
وعشت ابهموم اثجيله ____ مرّولي بس الليله
*▶●◀*▶●◀*▶●◀*▶●◀*
اتمنه أضمّك بالگلب يبني بوسط سبّاحه 
شما ضوّه مصباح الفجر وجهك الي مصباحه
ونته يبستان الامل ال وردتي الفواحه 
لا راحه ضلت من رحت ومنين اجيب الراحه 
&&
عگبك تغيب البسمه ____ يشهدلي ليلي
والفرح ضايع رسمه ____ يبني ابدليلي
چا نعشي منهو يشيله ____ مرّولي بس الليله
▶●◀*▶●◀*▶●◀*▶●◀**تمّت


قلم الخادم 
الشاعر محمد ابورغيف

وين اشوفك وانت مدري بيا سجن-محمد ابو رغيف1436

طوّل أغيابك علينه .......بويه بويه 
آنه معصومه الحنينه ....... بويه بويه 
مدري اصبّر روحي مدري اعليك اون 
وين اشوفك ونته مدري بيا سجن 

*************
الـــبِنِت لو غاب ابوهه تضل تفگده
وعنه كل الي أجاهه تضل تنشده 
وتصبح الساعات عدهه والله شده
تكسر اگليب اليـباوعهه وتظهده
&&
تنتظر جية ابوهه ....... لحظه لحظه
تناشد الناس اليجوهه ....... لحظه لحظه 
وعدهه شده الليل بآهاته يجن 
وين اشوفك ونته مدري بيا سجن 
*************
سافرت بويه اعله بختك تيهتني 
وانه بالضيم اعله فگدك من عفتني 
وشكي من سود الليالي المرمرتني 
روحي مشتاگه تشوفك دولبتني 
&&
الزمن يجري وعدّه ..... ساعه ساعه 
والصبر ساعاته شده ..... ساعه ساعه 
روحي طيره تناشد اعليك المدن 
وين اشوفك ونته مدري بيا سجن 
*************
عادة المسجون دوم اهله تزوره
تگر عيونه ويخفي بكليبه سروره
ونته كل زاير الك منعو حضوره 
ودري حصره للنهار اتشوف نوره 
&&
كالو ابطاموره عنك .... مخفي مخفي 
ريت اجيك وأروه منك .... مخفي مخفي 
ودري بگيودك الم منهن تئن 
وين اشوفك ونته مدري بيا سجن 
*************
محنتي صارت مثل عمتي العليله
بالوطن عافاهه ابوهه ابلاوسيله 
وبالسلامه ألهه يرجع تندعيله 
بويه خافن ماتجيني وماكو حيله
&&
أشعر الوحده بغيابك ..... وحشه وحشه 
يالعذابي من عذابك ...... وحشه وحشه
روحي چنهه تگول ماشوفك أضن 
وين اشوفك ونته مدري بيا سجن 
*************
ترافكن همهه وقهرهه هذي روحي
وانه نظره ليك وحده كل طموحي 
انه نوح امي الزجيه صار نوحي
وورثت منهه المناحه وكل جروحي 
&&
عنك اتناشد ضيوفك .... أحضر أحضر 
وحصره بگليبي اشوفك .... أحضر أحضر 
ما كو چاره الروحي يابويه تحن 
وين اشوفك ونته مدري بيا سجن 
*************
من رحت ماگلت روحه بلايه رجعه
بويه والله الفرگه علگم ما اجرعه 
وسفه صوتك عني مبعد ما اسمعه 
وآنه بفراكك جروحي وسعه وسعه 
&&
أيست ماضن تشوفك ...... عيني عيني 
وبالدمع كتبت حروفك ...... عيني عيني
وباقي صوتك بويه باذاني يرن 
وين اشوفك ونته مدري بيا سجن 

*************

بقلم الخادم
محمد ابورغيف


الثلاثاء، 5 مايو 2015

تدري لومتدري-باسم الكربلائي1436

يابوفاضل خليني هاليوم اشوفك   يابوفاضل بس لاتجي بلاجفوفك
حفروا خوية قبري  تدري لو متدري
****
ياخوزينب زينب انا  الجنت بسماها كمر      عيشتني بوحشة بعدك وانتظر امر القدر
تدري وافتني المنية  قبري هاليوم انحفر    شعطلك عباس عني خاف ما عندك خبر
وبغربتي انتظرك بكل حنيني  وبغربتي يا كافلي ما تجيني
بالهم اقضي عمري  تدري لو متدري
****
انا ياخوية الندبتك وادري صوتي تسمعة   من سقط منك من طحت عالمشرعة
ادري توفيلي دمعتي هذا حقي ترجعه  انت تندبني بوفاتي وجفنك يهل مدمعه
خوية وينك من صدرك اشلع سهامك   خوية وينك شدمهرك وشد لثامك
لجيتك ناري تسري   تدري لو متدري
****
يالكلتلي سامحيني وانه كلت مسامحه   وتركتني للمصايب والبجي والنايحه
اليوم  اذا ما تعتنيلي تره احساسي تجرحه   عالكبر سمعني صوتك وانت تقره الفاتحه
وبونينك قول السلام على زينب   وبونينك سلم على قلبي التعذب
القلبي يبجي صبري  تدري لو متدري
****
الماي قتلك ما اريده خوية واشكر خدمتك  ادري من يوم العذرتك وانت حسرة بمهجتك
جنازتي هاي واطلبك الها تترس كربتك   من الفرات يصير غسلي والجفن من رايتك
اليوم اريدك  تنطي وتوفي بوعودك   اليوم اريدك لا ما يمنعك عمودك
وانت بموتي ذخري  تدري لو متدري
****
لاتجيني بلا جفوفك بعد ما بية صبر   ومن تجهزني لحفرتي انزل وياية القبر
وهونك على متوني خوية شسوت سياط الزجر وخدي الايمن من توسده بي اثر جف الشمر
هذا حالي ياكافلي من سبوني  هذا حالي بضرب العده يكلموني
وازرق لسه ظهري  تدري لو متدري
****
لكربلاء حسين روحي وياك اخذها مسافرة  كون اخلي لجسمي ذكره من قبل لا اهجره
خوية خليلي على خدي تربه من ذاك الثره  بس شرط بيها دمائه وبيها ريحة منحرة
ما نسيته نحره الي يتفايض بدم    مانسيته ولاصدره ذاك التهشم
ريت بداله صدري  تدري لو متدري
****
اخذ روحي وطوف بيها لكربلا شكد هايمه  خالازور حسين اخوية وبوريده الثمه
صوت عبدالله اسمعه جنه يبجي من الضمه  وعمه يالاكبر اكله الجثة ليش مخذمه
وبمصابي اوقف على التل وانادي  وبمصابي اذكر هجوم الاعادي
عكبك وينه خدري  تدري لو متدري

زينب وين الاعزاز-باسم الكربلائي1436

زينب وين الاعزاز   منهم ردتي جناز
يزينب يزينب
وبموتج وحيدة  عن اهلج بعيدة 
يزينب يزينب
****
يزينب ساعة التوديع مو سهلة   كبل لايمشي المفارك يشوف اهله
شما طالت السفرة وداعهم يحله  وادعتيمن انتي واخوتج قبله
حيرة بفكد الاحباب   ياهو يهيل التراب   
يزينب يزينب
وبموتج وحيدة  عن اهلج بعيدة 
يزينب يزينب
****
ضمتلج الشام من الحرب ذكرى  اثر راس الامام الشالته الشجرة 
وبجيتي بدمعة مثلج طاهرة وحرة  ما ندري شبجيتي دمعة لو شذرة
رجعت بيج الايام   وتذكرتي الايتام
يزينب يزينب
وبموتج وحيدة  عن اهلج بعيدة 
يزينب يزينب
****
تاريخج يزينب بالالم حافل   ما ينحسب همج لو سأل سائل
ملك الموت يمج من نزل قائل  يا زينب تعالي يم ابوفاضل
اخوج متاني ملهوف  بعده بغير الجفوف
يزينب يزينب
وبموتج وحيدة  عن اهلج بعيدة 
يزينب يزينب
****

عباس ماجيت-باسم الكربلائي1436

بهيدة وية العقيلة يالتشيعوها   تألمها السياط ولا تلجموها
عباس ما جيت  عباس حنيت
****
بهيدة وية النعش يالعالجتف شايل  من تلجمها تلجم كلب ابوفاضل
من تتألم اخته يزعل الكافل  يعني شلون لو سامع يسبوها
عباس ماجيت  عباس حنيت
****
ياشايل نعش ام الحزن هونك  من تحمل نعشها لاينظرونك
حيدر والحسن وحسين يردونك   من امها الزجية بليل ادفنوها
عباس ما جيت   عباس حنيت
****
لوعباس يدري وهسه يوصلها   هم معذور جان شلون يحملها
بلاية جفوف يصرخ صوت كافلها   زينب تاج راسي وفوكه خلوها
عباس ما جيت   عباس حنيت
****
خلوها على راسي وخالاحملنها  انا من كربلا جيت اعتذر منها
قبل ما ودعتها اليوم اودعنها  عليكم ___ الله بكلبي وسدوها
عباس ما جيت   عباس حنيت
****
ياحكم المصاب الي جره عليها  شافت عالارض مطروح واليها
وسياط العده تشكفها بيديها  وسودة متونها كد ما يضربوها
عباس ما جيت   عباس حنيت
****
سودة متونها من ضربة اعداها   عاشت بالغرب لوعتها وياها
جبرائيل هذا اليوم ينعاها  وية الاملاك بالمدمع يودعوها
عباس ما جيت   عباس حنيت
****
وسع باللحد يالتحفر التربة   هوايه هموم زينب تندفن صعبة
زينب كل عمرها كضته بغربة  وين اخوتها هالليلة يحضروها
عباس ما جيت   عباس حنيت
****
غضوا ابصاركم لو للحد نزلت   لان من المدينة لزينب تعنت
امها فاطمة بهذا المسه حضرت   وحيدر والنبي حضروا يلقونها
عباس ما جيت   عباس حنيت
****

نعي حزين لاستشهاد زينب الكبرى-باسم الكربلائي1436

الما يبجي على زينب فاكد مروة     الوكت آه الوكت وي زينب شسوة
سطرها من مشت للعلقمي بالليل     تدليها على اخوها ريحة الخوة
كعدت يم اخوها وتجر سهم العين   مثل روح بجسد من تنسحل كوة
شافوها واجوها وهيه يم عباس  كلمن بيده سوط وجاي يتكوه
يضربوها وتطيح وتنهض من الآه  مثل سعفة بهوه من السوط تتلوه
ما تنساها زينب حتى من تموت   جن يوم الطفوف بكل وكت توه
تشوف الماي تتذكر اخوها حسين  يعني شلون مامعقول تتروة
مايسوة العمر لو صار بس فراك  عمرها بغير اخوها حسين ما يسوه
زينب الها ونة بوكفة الديوان  الها على المصارع والنهر حنوة
ماعدها عتب لو شافت العباس  عدها متون زرقة وكاصدة بشكوه
***
دوى صوت النحب واسمع دواوين
وجروح الفكد اهله دوا وين
صدك زينب يوكفوها بدواوين 
وابوفاضل على الشاطي رمية
***
الاعادي على النست مرجل شمرها
للجفه على الشاطي شمرها
ما يدري بوضع زينب شمرها 
ومتنها عليه يلعب سوط امية

شالوا جنازتها-باسم الكربلائي1436

شالوا جنازتها   ماحضروا اخوتها 
تجرح مصيبتها   هاي الغريبة
°°°°°°°°
هاي الجنازة تنتظر خلوها  ليش الهواشم ما اجوا شالوها
ام المصايب للقبر ودوها    حسرة بقت اخوتها ما دفنوها

كوموا نشيعها  زينب نودعها
مسموعة ونتها  هاي الغريبة
°°°°°°°°
اكتب وصيتي يا خلق خلوني   انا الغريبة بكربلا سلبوني
وين الكفلني خاليشوف متوني  اتمنى عباس اليغمض عيوني

كفالي وابن امي  شومااجوا يمي
ونوا على ونتها  هاي الغريبة
°°°°°°°°
انا الاسيرة البحوا خواني   اذاني وكتي والشمر اذاني
ام المصيبة الما اليه ثاني   انا الغريبة والسبية اني

دار الزمن بية   خلاني مسبية