الثلاثاء، 31 ديسمبر 2013

انا وانت _محمد حجيرات 1435


انا وانت الشفنه من بعد الرسول
شلون هجمة غدر هجموا عالبتول
جني لسة اسمع الزهرة تقول
ليا سبب ظلموني وانا فاطمة
_____
شفنه امنه تنوح وتصيح الونين
كسرتوا ضلعي ليا سبب يالمجرمين
شنهو ذنبي وشنهو ذنبه لهالجنين
سقط مني والعمر ما تممه
___
انا وانت لشفنه بالكوفة العجب
راس ابونه بيوم بالسيف انضرب
شفنه طيحة حيدرة ليث العرب
وصارت الدنيا علينه مظلمة
__
واحنه الحضرنه الحسن بجنازته
من سمعنه بجعده يوم السمته
شفنه جبدة الي لفظ بي جبدته
وشفنه نعشة شلون بسهام انرمة
__
وانا وانته تحت حر هاي الشمس
شفنه جاسم لابس ثياب العرس
لجن ثوب العرس بالدم منغمس
وشفنه جفة الي تحنه من الدمه
__
وانا بالطف صرت اركض نايحه
شاهدت عينك عالاكبر شابحه
ممدد وتقرة عليه الفاتحه
وتنظر الجثة الصفت متخذمة
__
وانا وانت الشفنه صوب المشرعه
جثة العباس اخونه موزعة
انا وانت يمن لعيوني ضوة
هالمصايب كلها شفناها سوة
لجن وحدي شفت شوفة بنينوى
شوفة منها صحت ياريت العمه
شفت راسك عالرمح يابن علي
_________






الاثنين، 30 ديسمبر 2013

بوية مااحمل مرار مصابك_باسم الكربلائي

بوية مااحمل مرار مصابك
ريت غابت روحي قبل غيابك
___
انا روحك وانا قلبك فاطمة
دمعتي لفقدك اهلنهه دمه
عكبك بعيني حياتي مظلمة
صوباني بالدليل مصابك
___
رحت عني وكصت بيه النايبة
جمرت احزاني بمهجتي لاهبة
راح اظل مدوهنه ومدولبة
بوية وعليه تجور اصحابك
___
ادري بعدك ما اكف مجرى الدمع
على هظمي الكوم راحت تجتمع
بوية واليبسمار ينبت بالضلع
لمن يعصرني اللعين ببابك
___
ادري امرك عكب عينك ينعصي
وادري بس الصبر منهم مخلصي
لا وصية اليحفظوها ولا وصي
ويحركون بباب داري كتابك
___
لا ضلع يسلم ولا يسلم طفل
على عيوني بيده يسطرني النذل
والهضيمة علي يجتفونه بحبل
يوكفون الظالم بمحرابك
___
آه يا بوية شعظم هظم الكلب
يمنعوني جي انوح وانتحب
فدك من عندي خذوها بالغصب
شرد اقول وشحجي وي غصابك
___
قطعوا الشجرة الجنت يمها استجن
عفت داري وسكنت بيت الحزن
ليل ونهاري على قبرك اون
سلوتي صارت بشم ترابك
__
بعد ما ظل لي عكب عينك امل
وانتظر يا والدي يوم الاجل
اشتكي من فلان وفلان شعمل
لازم وياهم تصفي حسابك
____________________
للاستماع اضغط هنا
http://www.youtube.com/watch?v=EiOitd4y3Is

انا المحسن_زكي الياسري


انا المحسن جبتلك قصــة العـدوان
ياجدي الرسول المصطفــى المختار
1
آنا أول شهيــد ابعتـــــرتك ياجد .. من دار الزمـان اعلينـــــه وآذانه
تِجاوز هالنجس يا جـدي كل الحد..من جاب الحطب وعلوجه وعوانه
حرگ باب النبوة وما كفاه الصَـد .. خالف للإله البـــــــــــاري قرآنه
ياجدي الرسول ويا فخــــر عدنان
ضلع امي انكسر من هجموا الكفار
انا المحسن جبتلك قصة العــدوان
ياجدي الرسول المصطفـى المختار
2
انا المحسن يَجـدي الأخبرت عنه .. وي أمي الزچيه الناس ظلموني
ياجدي اسمَعِت ونـَّـتهــا والحَنه .. وره بابك تراني اوياهه عصروني
نخيتك يالرسـول وبالگلـــــب ونه .. تنخر بيــه والدمعـــــات بعيوني
نخيتك تدعـي الله الخالـق المنان
يعجِّل يوم مَهدينـا ويصيـــح الثار
انا المحسن جبتلك قصة العدوان
ياجدي الرسول المصطفى المختار
3
أنا ثالث سِبط يا جدي ومصابي .. لو صب علصخر جلمود يتفطر
تصيح امي الزچيه هاكم اعتابي .. انا بضعة نبيكم يا طغاة الشـــر
لا لا لا تِدِفعــونــــه تـــرا بابي .. باب الله الوسيــع ومنفـذ الكوثر
يا جدي النبي لو تنظــر الخـَوَّان
سطر أمي الزچيّه ونبَّـت البسمار
انا المحسن جبتلك قصة العـدوان
ياجدي الرسول المصطفى المختار
4
ياجد بضعتـــك حالتهــــا يا حاله .. حال الضيم حال الناشَــدِت عنها
تصُب دم من جفنها ودمعه همّاله .. ما كفّت بچيها او لا خِفَت ونها
من جاها الزنيم او حشَّـد ارجاله .. وسياط الظلـــــــم آذنـّي وآذنهـا
من صاحت يفضه دمها عالتربان
وحبال الوصيّه ابرگبــــــــة الكرار
انا المحسن جبتلك قصة العـدوان
ياجدي الرسول المصطفى المختار
5
لو ما يالنبي وَصيّت ابو الحسنين .. يصبر علمصيبه چــــان أفناهم
ابوي الليث حيدر والد السبطين .. نفـّذ ما ردت من كشـــف منواهم
وانصارك يجدي خانو الهــل دين .. ضربة بضعتـــك شافتها عيناهم
وليوث الكتايـب أصبحــت حِملان
وديعه و للوديعه اتنكــــروا بالعار
انا المحسن جبتلك قصة العـدوان
ياجدي الرسول المصطفى المختار

زكي الياسري النجفي
الاثنين 26/صفر/30/12/2013

الليله العتره باحزان_ابو لقاء البهادلي

باحزان باحزان ** الليله العتره باحزان

الهادي ودع الليله ** الزهره ادموم تبچيله

الليله العتره باحزان

*******************

بعده ما ودع نبينه ** جهز الجــــــيش الاسامه

عنده غايه بامره هذا ** وسطه مرسومه العلامه

بيهه مفتاح القضيه ** ويحــــوي اسرار الامامه

هادينه صدر هالامُر* امن الجيش لو واحد يُفر* معناهه الحاد وكُفر

ويخسر بيوم القيامه

اقوال اقوال ** منعو كل الاقوال

همهم بس كراسيهم ** اهله من يواسيهم

الليله العتره باحزان

************************

الباري انقذنه بنبينه ** وانتهه وكت الجـــهاله

بصبره واخلاقه العظيمه ** حطمت ركن الظلاله

بعلمه وبسيفه الوصيه * ثبتن ســـــور الرسالـه

تاليهه تهموه ايهجر* اهل النفاق اويه الغدر * مالوم ودع هالعمر

وصه بالقران واله

تهموه تهموه ** ناس ايهجر تهموه

الهادي هالحچي ايسمعه ** بيه اتأذت البضعه

الليله العتره باحزان

*********************

من گبل ميودع اهله ** وصه حيدر هالوصيه

ياعلي تصبر يگله ** لو يكسرون الزجيه

تحمل وتكتم شجونك ** من تمر بيهه المنيه

والعتره يسبوهه سبي * چنهم ولا جدهم نبي * والصبر يبقه مطلبي

شماتشوفون من اذيه

العيون العيون ** ظلت تدمي العيون

الزهره تنوح وتنادي ** وسفه ايودع الهادي

الليله العتره بحزان

*********************

ادري من بعدي يحيدر** حالتك حالـــه رهيبـــه

انّه هالليله اودعـــك ** وتصبر انته بهالمصيبه

بعدك اولادي يخويه ** وعترتي تصبح غريبـــه

هالقصه كلش مؤلمه * اولهه واخرهه دمه * تبتدي بكسرة فاطمه

والمضه محد يجيبه

مجروح مجروح ** عليهم گلبي مجروح

بالغربه يظلون ** سم وچتل يرحون

الليله العتره باحزان

*****************************

انته تدفني يحيدر** وتستلم امر العقيده

ذمه هالدين برگبتك ** صنفه من دمك وريده

تدري ياحيدر بأميه ** هالــــــــشرع لا ماتريده

جدامك الام ومحن * ويحاربوك اهل الفتن * تدري الصبر يابه الحسن

تبقه راياتك مجيده

هالدين هالدين ** بذمتك ياعلي الدين

انتو الذي تحموه ** بدماكم تصونــــوه

الليله العتره باحزان

بوية بوية _الحاج سامي الكعبي


بويه بويه --- من عفتني
بويه بويه --- لو شفتني
نوح ورزيه -- انه الزجيه
لوشفتني
**
بويه ضل وياي تسمعني واسمعك
بويه اشتمن عبيرك طيب نبعك
انه اريد الروح من ترحل تتبعك
مااريد انحب واون ماريد اودعك
بويه بويه --- يتمتني
بويه بويه --- فاركتني
الونه شجيه -- انه الزجيه
لوشفتني
*
من بعد لحظة رحيلك مارعوني
صحبتك اجناب صارت عذبوني
غيبوا روح الرساله وغيبوني
وعزلوا الكرار بعدك غربوني
بويه بويه --- المتني
بويه بويه --- مارعتني
شفت الاذيه -- انه الزجيه
لوشفتني
*
بويه هذا الصار شوف الي جرالي
انحرمت من البجي ونوح الليالي
انسلبت العبره وبجت ليهه المعالي
فدك مسلوبه غصب حته العوالي
بويه بويه --- سلبتني
بويه بويه --- عذبتني
ريت المنيه -- انه الزجيه
لوشفتني
*
اه من غدر الدهر من مكر الاشرار
بيوم اذناب السقيفه الدخلوا الدار
نار شبت بلضلع من شبوا النار
انكسر ضلعي يبويه ونبت بسمار
بويه بويه --- صوبتني
بويه بويه --- ضيعتني
جارواعليه -- انه الزجيه
لوشفتني
*
انه عاشرت الحزن والونه والنوح
يكعدن يكومن يروحن وين ماروح
بويه لاراحه الشفت والقلب مجروح
اندارت اعليه النوايب سلبت الروح
بويه بويه --- ماسلتني
بويه بويه --- مرمرتني
صبح ومسيه --انه الزجيه
لوشفتني
*
ارد اذكرك بألعهد يا بويه ليه
وصبر حيدر علظلامه وعلرزيه
حفظ للاسلام منزلته وهويه
وماشهر سيفه لجل سيد البريه
بويه بويه --- واعدتني
بويه بويه --- عاهدتني
بسر الوصيه -- انه الزجيه
لوشفتني
*

الثلاثاء، 24 ديسمبر 2013

إموّدع الله يالرسول_جابر النجفي

حيدره نــــادى أبألم === خويه ياسيد الأمـــم
إموّدع الله يالرسول === إموّدع الله يالرسول
ــــــــــــــــــــــــــــــــــــــــــــــــــ ـــــــــــــ
يم أخوه المصطفــــه إبدمعــــه يجاهـــد == حيدره إو نور النبي بالكون صاعد
والبتول الطاهــــــره الحُبها تشاهــــد == راح عنها إيروح والزهره تكابد
من بعد عينه الأمــــل == ينغدر خير العمـــــل
ذابت إجفون البتــول === إموّدع الله يالرسول
ــــــ
والحسن وإحسين ﯾﺑﭽـــــــون إبألمهــــم == تجري دمعته الزﭽيه إتنوح إمهم
من بعد جدهم يفيض إيزيــــــد همهــــم == والنبي إبلهفة مُحب ولهان شمهم
والأمـــــام المُرتضــــه == يلهب إﺑﮔلبه اللظـــــه
حيدره إينادي إو ﯾﮔول === إموّدع الله يالرسول
ــــــــــ
والنبي إيوّصي علي يصبـــــــر ولينــــه == من يشوف الضيم ينزل بالحزينه
ما يشيل السيف وإيشهره علينــــــه == يصبر الكرار يكشفها الضغينه
يكشف الفتنه علـــــــي == يصبح الراعي الولي
والغدر بيهم يجــــــول === إموّدع الله يالرسول
ـــــــ
يهجر المرســول ﮔالوهــــا النواصــب == والرزايا حلت إو ليل المُصايب
كل ﮔلب مؤمن غده مجروح ذايـــــــب == ما يقيم الحق أبد غيرك يغايب
من فعل أهــل الــــــــرِدَه == أصبح إبحيره الهُــدَه
والحقد يجري إو يصول === إموّدع الله يالرسول
ــــــــــــ
نزلــــــت الأمـــلاك للحامــــي تعينـــــــه == عالمُصاب الحل على أهل السكينه
رادت إتشوف النبي ينضح جبينــــــه == وإرتفع صوت النوايح بالمدينه
يحتضـــــر سيد البشــر == والحزن حل وإستقر
صاحت إبحيره الأصول === إموّدع الله يالرسول
ــــــــ
والملك جبريل يم أحمد يسألـــه == هذا ملك الموت يستأذن ﯾﮔلــــه
يقبض الروحك يريد إو بيها يعله == مو إلك مشتاﮒ ربّك نور وصله
والنبـــــي نادى نعــم == زاد نوحي والسقـــــم
والحزن حل ما يزول === إموّدع الله يالرسول
ـــــــ
أغمض العينيين والزهره الوديعـــه == مُنفطر منها اﻠﮔلب واسوا الشفيعه
والوصي الحامي إبدمع عزّوا يشيعه == والبـــــــدر غاب إو لفت أول فجيعه
غاب هادينه الأغــــر == وإبتده الشر وإستمر
ياشفيعي بالمثــــول === إموّدع الله يالرسول
ــــــــــــــــــــــــــــــــــــــــــــــــــ ــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابطhttp://www.alshiaclubs.com/upload//view.php?file=22c3fabed9

لو غابت عن عينك عيني_حيدر تركي الكربلائي

لو غابت عن عينك عيني **** اتمنه الموت ايوافيني
ماريـــد الدنـــيه ابليــــاك
شلون احمل جمرة فرگاك
_______________________
انه حيدر وحــيدر تـــدري بطـــباعه
يبـــو الزهراء ما عافـك ولا ســـاعه
خبر فگدك زماني اسمعته من ذاعه
يبلغني حبيـــبك اگــــصد اوداعــــه
حسيت ابروحي اتغادرنني **** من چنت ابحجري اتودعني
انسه الروح وما انساك
شلون احمل جمرة بلواك
-------------------------
عاشت ذكرياتك بيــه تـدريني
طفـــل ربيتني وليـه تبــاريني
ابعطفك وبحنانك مـن تغــذيني
تريد اتروح هسه انته وتخليني
كل عمري وياك انه افنيته ***** وبحظنك حظن امي الكيته
للموت ارحل ريت اوياك
شلون احمل جمرة بلواك
-----------------------
المؤاخاه هالعمل من انــته سويته
المهاجر ليه اخو انصاري خليته
وانه اتنطر اخــــو لــــيه تمــنيته
گـــتلي ياعلي انتـــه الي أخـيته
عنك لو باچـــر سألوني **** ما املك بس دمع اعيوني
ويشرح عن لوعة بلواك
شلون احمل جمرة بلواك
---------------------
بفراش المنيه اتشــوفك اعــيوني
عليك اطفالي كل لحظه يسألوني
جــدنه اشبيه يابــــويه ينـــادوني
من اسمع حچـــيهم والله يـاذوني
لو مـًيت بفراشــك أني ***** اهون لي ولا روحي اتعاني
بالروح وبالـعمر افــــداك
شلون احمل جمرة فرگاك
ــــــــــــــــــــــــــــــــــــــــــــــــــ ـــــــــــــ
اشعـــر بيك نفســي لا بــعد أكثر
' اعوفـك ياحــبيبي انه ما اگـــدر
الكل تعرف علاقة احمد ابحـيدر
من اتروح اظل بعدك انـه امحـير
وحدك علام انته بروحي **** من ترحل تزداد اجروحي
هم اتــظن اترك طــرواك
شلون احمل جمرة فرگاك
---------------------
الزمن مايــوم مـــره والله لاواني
بس فگدك ســهم يالــهادي أذاني
العمر بعدك احسبه هالعمر فاني
ماريد الحياه بعـــدك تــره أني
تعلم بالگــوم أيأذوني **** وبفاطم والله ايفجعوني
اعليهه ايصب غيظه العاداك
شلون احمل جمرة فرگـــاك
---------------------
تمت والحمد لله في 7/1/2013
خادم اهل البيت حيدر تركي الكربلائي

ارجوك تانيني_حيدر تركي الكربلائي

يالرايد تروح ارجوك تانينــــي
ما اگدر انه بلـــياك تدرينـــــي
يبــويه لـو تحبـــني
اخذني وياك اخذني
ما اگدر انه بلـــياك تدرينـــــي
ـــــــــــــــــــــــــــــــــ1ــــــــــــــــ ــــــــــــــــــــ
انه فاطمه بنتك يا ضوه العين .... اريد ارجاك رجوه
بعد عيـــنك يبويه اتـــجه وين .... وانه المهجتك سلوه
انه بعدك غزتني مصايب البين .... الدهر بعد شـسوه
فديــتك انه بنتـــك ام الحــــسين .... رحتــلك انه فدوه
بعد عيـــــنك يـــــبويه ما اريدنــــهه
حياتي بغير شخصك لو رحت عنهه
فگد شخصك ضهدني
اخذني وياك اخذنـــي
ما اگدر انه بلـــياك تدرينــــي
ما اگدر انه بلـــياك تدرينـــــي
ـــــــــــــــــــــــــــــــــــ2ــــــــــــــ ــــــــــــــــــــ
شلون تخلي بنتك بويه بالدار .... وتــــعرفهـه حــــــنينه
رقيقه وبالعجل تدريني انـــهار .... يســــموني الـحزينــه
انه حزني صبح ماينوصف صار .... صرت لجله رهينه
مديــنه للـــــحزن انه والاعبـــــار .... صرت اكبر مدينه
يبويه الناس لو تدري شيسموني
ام الحزن اسمي بس يعرفونــي
وإلم بعدك يــــهدني
اخذني وياك اخذني
ما اگدر انه بلـــياك تدرينـــــي
ــــــــــــــــــــــــــــــــ3ـــــــــــــــــ ــــــــــــــــــــ
يبويه شلون اصابر بعد شلون .... سهم بعـدك رماني
بعد عينك اريد اعميهه العيون .... وخل يـشهد زمـاني
عمتني مصيبتك والناس يدرون .... إلم هجرك عمــاني
اريد انحب عليك ويسمع الكون .... فگد شخصك دهاني
حزن روح القٌدس وينوح الي بعبره
واملاك الـــجليل بحـــزني متــــائره
مصيبه ودوهـنتني
اخذني وياك اخذني
ما اگدر انه بلـــياك تدرينـــــي
ــــــــــــــــــــــــــــــــــ4ـــــــــــــــ ــــــــــــــــــــ
سهم نايبة دهري صوب الحال .... وتركني بهالمصيبه
شيجيب الرحل لو طول الترحال .... بعد گـــلي شيجيبه
غريبه من بعد عـــينك بالاهــــول .... صرت انه غريبه
على وجهي الدمع يتجاره شــلال .... يچـــويني بلــــهيبه
لو ترجع الي وتشوف هـالونه
المصايب يالأبو الحالي ينوحنه
غزتني وحيرتــني
اخذني وياك اخذني
ما اگدر انه بلـــياك تدرينـــــي
ــــــــــــــــــــــــــــــــــــ5ـــــــــــــ ــــــــــــــــــــ
عودنـــي حنانــــك عالمــــوده .... ياشمعـــة حيــــاتي
البُــــعد يابويه بعــدك من يســـده .... يــظل بيه المماتي
اخذني وياك بويه بـــــلايه رده .... وحـــقق امــــنيــاتي
يــبويه العمــــر لو راح شـــــيرده .... شيرجع ذكرياتي
يبويه ذكرياتك عايشه بعيني
ولايمكن افارگهه وتجافيني
ذكراك اسـرتنـــي
اخذني وياك اخذني
ما اگدر انه بلـــياك تدرينـــــي
ـــــــــــــــــــــــــــــــــــ6ــــــــــــــ ــــــــــــــــــــ
مايمكن يبويه اگـــدر انســاك .... اذا بــــس انـسه روحي
بروحي وبالكلب سجلته معناك .... وكتبته بنص جروحي
بكل لحظه بخــيالي ابقه ويــاك .... وذكرك حزن يوحــي
لنوحك يالابو وما انسه طرواك .... وازيد عليـــك نوحـي
انه حزني الك ماينوصف وصفه
اصحه عله الحزن وبونتي اغفه
المصايب ذوبتني
اخذني وياك اخذني
ما اگدر انه بلـــياك تدرينـــــي
ــــــــــــــــــــــــــــــــــــ7ـــــــــــــ ــــــــــــــــــــ
يريت العين تطفه وماتنظرك .... تروح انته من اديه
انه شفتك يبويه اتـــسلم امرك .... بأحـظـان المـــــنيه
روحي انشدت بروحك تخبرك .... على الي صار بيه
اخاف انسيتني ارد انه اذكــرك .... شنو الي گـلته اليه
بوصيتك يالابو من چنت توصيني
گـــــلت يافاطمه بعدي تلحگــيني
واذا انتــــه تودني
اخذني وياك اخذني
ما اگدر انه بلـــياك تدرينـــــي
ــــــــــــــــــــــــــــــــــــــــــــــــــ ــــــــــــــــــ
خادمكم حيدر تركي الكربلائي
22 صفر 1431


يا خويه منك أعتذر_عمر فاروق البدراوي1435

لجيتي بعد لا تنتظر

يا خويه منك أعتذر
****
كبل كل أربعينية....تجيلك روحي خطاره

تزورك ويه زوارك....ودمع اعيوني يتجاره

لن هاي السنه بقبري.أدير بوجهي محتاره

أكولن هسه أبو فاضل..يجيني وياه زواره

هيج وصدك يوم وتصير اكبالي

وتشوف بفراكك شصار بحالي

عذبني بهمومه الدهر..راواني ألوان القهر

دولبني يا خوي شكثر..يا خويه منك أعتذر
****
يخويه تدري ما تدري.شحصل يا كافل ظعوني

بكيت محيره بأمري..غريبه العبره بعيوني

تحوط قبري عدواني..إجوا يردون يسبوني

ومن ذاك السبي لسه..بعدها مورمه امتوني

من يرحم بحالي ويطيب روحي

يا خويه ما تسمع ونين اجروحي

سلبوا أمس مني الخدر..لحكوني حتى للقبر

مقسوم الي بس الصبر..يا خويه منك أعتذر
*****
ينشدوني يبت حيدر..كفيلج ما تحشمينه

يزينب بالله خل نشوف.عباس القمر وينه

سكتت وما صحت ما ريد.تتشمت أعادينه

أخافن ينكسر خاطر.رقيه الطفله وسكينه

خوفي أصيحن خويه وتخيبني

وجلمه بحلك شماتي خاف تذبني

ما ريد يجرحنه الخجل..أدري الأمر بيد الأجل

والراس منك منطبر..يا خويه منك أعتذر
*****
تمنيت العمر بيدي..وأموت امن الحزن وأرجع

وأعود لحضرتك أنعاك..بلكي من البجي أشبع

تكض شباجك اجروحي..لحد ما مهجتي تطلع

وأشك صدري وأشوفك بي.دليلي شلون يتكطع

أصرخ دفن خاف العده يسمعوني

بجعب الرمح لا خافن يدفعوني

ليهسه من جعب الرمح.خاصرتي بيها جم جرح

واليوم يمي جم شمر..يا خويه منك أعتذر
*****
وحيده وجني فوق التل..أصيح وأنت ما تحضر

وأشم ريحة رصاص وبي..حرك لخيام أتذكر

رقيه تنادي يا عمه...عليه هجمت العسكر

أحير بقبري ما أدري..أروح وإلها أتعذر

ما ريد أروح الها أخاف تناشد

يا عمه يمته يعود إليه الوالد

يمكن أبويه ما دره...يا عمه بالشام شجره

لحكونه حتى للقبر...يا خويه منك أعتذر
****
يخويه اسكينه هم يمي..بأرض الشام مرقدها

حزينه وروحها لروحي..إجت ملهوفه تنشدها

يعمه عمي هم يدري..عزيزة قلبه وحدها

عليج جفوفه وديني...أريد اعتابه أكصدها

جم أربعين لكربلا تعنينه

ليقول يا زينب نستني اسكينه

عمي وأريد ازيارته..مشتاكه روحي لشوفته

وعيوني تتجادح جمر..يا خويه منك أعتذر
****

السبت، 21 ديسمبر 2013

يا مولى_علي العابدي النجفي1435


 
يامولى حسيناه   يامولى حسيناه
يامـــــــــولى
*******
ردت الحره بأنين العـــــــــــــيله
تصيح وين ابن اليحامي ادخيله
انا اخته اليوم جــــــــيت اشكيله
وعن هضم زجر الشمر احجيله
والدرب المشيناه ..  يامولى حسينا
يامولى
************
انا اختك ها يخــــــي حاجيني
وعن اثر ترب الكَــــــبر دليني
من الدمع يحسين ذابت عيني
وتيت فكري بمصـاب اسنيني
والهم النظرناه .. يامولى حسينا
يامولى
****************


خويه دليني علـــــى ترب الكبر
انا بضعة فاطـــمه وفارس بدر
عودت مهشوم ضلــــــعي من اليسر
وعيني تجري ادموم من زجر الشمر
ياهم الوعيناه .. يامولى حسيناه
يامولى
*********
من الدمع يحــــسين جفني مايمل
وكَلبي من النــــــوح مالحظه يجل
جيت ابـــخ بدمعــتي تراب الطفل
آيخويه حــــــــسين ها يابالفضل
ياحمزه وعلياه .. يامولى حسينا
يامولى
**************
جيتك وجرح الهجر ينزف حنين
راجعه بدمعــــــــة رقيه ياحسين
وين هيه المشــرعه دليني وين
ارد اخبّر كافلـــــــــي عن الانين
من يوم الهجرناه .. يامولى حسينا
يامولى
**************
ارد اصيحن ياشـبل فارس مضر
انا زينب جــــيت من ذاك القهر
آه ياعبــــــــاس هم عندك خبر
ظلي خويه انصاب بسهام النظر
ويامجلس دخلناه .. يامولى حسيناه
يامولى
********





ابا عبدالله_علي العابدي النجفي1435

بدرب السبايا والدمع
رديت مكسورة ضلع
اشكي المصاب لشيعتي .. وين الهتف لمصيبتي
ابا عبد الله .. ابا عبد الله
******
انا الوديعه فاطمـــــــــــــة بفيض الدمع عينوني
كل سوط بمتون الخـــــــــــدر يا شيعتي بمتوني
جم ضلع من صدري انكسر بسوط وزجر عصروني
وجم محسن بدرب اليسر طـاح وهوى من ضعوني
اسعه وانادي بحسرتي .. وين الهتف لمصيبتي
ابا عبد الله .. ابا عبد الله
*******
خليت ابني بكربله .. امخــــــــــــذمين اوصاله
اتبع اثر ممشه الضعـن .. كَلبــــي ارتهن بعياله
عيني عله ظهور الهزل .. خـــافن تطيح اطفاله
بهامه العله راس الرمح .. لاخـته الاسيره كَباله
المن اصير بدمعتي .. وين الهتف لمصيبتي
ابا عبد الله .. ابا عبد الله
ذاب الجفن ياشيعتي .. ماظـــــــــــــل فَزع لدموعه
بليل اليسر ضعن الاهل .. طفــــــه الزمان شموعه
كل خطوه بسمار شبعد ..صدري شبقى من ضلوعه
وكل ونة من زينب جمر .. احمــــــل هضم يالوعه
الله ياهم لوعتي .. وين الهتف لمصيبتي
ابا عبد الله .. ابا عبد الله
************
بالباب لا ياشيعتي .. ضلعــــي انكسر بالكوفه
شلون العقيله ام الخدر .. الها تطــــب مجتوفه
محّد سمعنـي من صحت .. وين الكمر وجفوفه
يحضر ابو فاضل الي .. ابعيني المصاب يشوفه
ياشيعه كلفه شدتي .. وين الهتف لمصيبتي
ابا عبد الله .. ابا عبد الله
********
كلفه النوايب والاشد .. للشـــــــــام من ودوهه
بنته رقيه للابد  .. يا شيـــــــــــــــعتي ذكروهه
بطشت الذهب راس الابو .. ياللاسف راووهه
ماتت اسيره طفلته .. برض الغـــــــرب دفنوها
جم عصره تحمل حالتي .. وين الهتف لمصيبتي

ابا عبد الله .. ابا عبد الله

للابد والله خدام الحسين_علي العابدي النجفي1435

للابد والله خـــــــــــــدام الحسين
*********
للابد والله نبقــــــــــــــى بهالنداء
لو نوافي حــــسين لو نلغي الوفاء
تشهد النه كل زيــــــــاره لكربلاء
وخدمة المشـــــــــــايه يــــوم الاربعين
**********
هذا ابن حامي الحمه وملفه الدخيل
شما نقدمله يظـــــــــــــل جدا قليل
فر دمعنه من كَــــــبل ماي السبيل
يروي كل عطشـــــــــان مــــن الزائرين
***********
يبقى ابو السجاد طود الكبرياء
وتظل خدمتنه الــه رمز الاباء
تنحني الهامــات بس يا نحناء
بكل شرف تلثــــــــــــم تراب السائرين
**********


نقسم بنحــــــر الوفه ودم الوريد
حسين سيــــدنا واله نبـــقى عبيد
مانريد اموال .. خـــدمتنه الرصيد
تحضر النه بيـــــــــــــــــوم ماتنفع بنين
*******
نقسم بنحــــــر الوفه ودم الوريد
حسين سيــــدنا واله نبـــقى عبيد
مانريد اموال .. خـــدمتنه الرصيد
تحضر النه بيـــــــــــــــــوم ماتنفع بنين
***********
ماتموت الخدمة تعــــــــسا للممات
يا اولي الالباب اخـــــــذو العبرات
الخادم يموت ويظـــــل ذكره بحياة
سجّل اسمه في سجـــــــــــــل الخالدين
***********





يبوفاضل _للاربعين__كرار حسين الكربلائي1435

يـبو فاضل يبو فاضل .. يـبوفاضل يبو فاضل .. يبـو فاضل يبو فاضل
خويه جيتك يبو الغيره . خويه من الشام اسيره . يبو فاضل يبو الغيره
****************
خويه مـن سـبيـي اجيتك جايبه هموم ويتامه
لاتـگلي يبــو الـيمه الحـــمد لله عالسـلامه
بالسبي ميته عساني وماسمـعت انه الملامه
امـضه من اسياط اميه الخلـت ابمتني علامه

يبو فاضل يبو فاضل .. يبوفاضل يبو فاضل .. يبو فاضل يبو فاضل
اسبوني من ديره لديره . خويه من الشام اسيره . يبو فاضل يبو الغيره
******************
خويه تذكر مـن جبتني چـنت اميره ابمحملي
اتحفني من اربع جهاتي اتگلي يختي اتدللي
لو تشوف اختك يخـوها من سـبوها بت علي
عالنهـر صـدت عيونـي واصـرخت ياكافــلي

يبو فاضل يبو فاضل .. يبوفاضل يبو فاضل .. يبو فاضل يبو فاضل
الچانت ابظلك اميره . خويه من الشام اسيره . يبو فاضل يبو الغيره
******************
والله عذبني مسيـري منـين يابو فاضل ابدي
خاف اجرحك من اگلك الشمر بضـعوني يحدي
انه رحـت ابلا محامي للـسير ياخـويه وحـدي
وينك اصرخ ياكفيلي صبـر ماظل والله عندي

يبو فاضل يبو فاضل .. يبوفاضل يبو فاضل .. يبو فاضل يبو فاضل
موسهل دربي مسيره . خويه من الشام اسيره . يبو فاضل يبو الغيره
******************
انتـه من نـبرة كلامي تدري سـبيي هوايه جارح
وما اجـيت اعتب والومـك خـويه دلالــي مسامح
حـقك اتگـلي يــزيــنب ليـش متغـيره الـملامح
ابوجهي من شفت السواده هذا من الظربه واضح
يبو فاضل يبو فاضل .. يبوفاضل يبو فاضل .. يبو فاضل يبو فاضل
النظر المن اديره . خويه من الشام اسيره . يبو فاضل يبو الغيره
******************
خويه عالناگه وذكرتك اشگد صحت وينك كفيلي
والله محتـاجه وجـودك ياگـمر شـو ماتجــيلي
تدري حتى الناگه وَنت خويه من سمعت عويلي
كافي يازينـب بواچي اتـگلي هدمتيلي حيلي

يبو فاضل يبو فاضل .. يبوفاضل يبو فاضل .. يبو فاضل يبو فاضل
محنتي والله چبيره . خويه من الشام اسيره . يبو فاضل يبو الغيره
******************
والله كثره همومه گلبي شلون ابين لك مصابه
مـن عـگب عـزي ودلالي سكـنوني بالخـرابه
والله يابو الغـيره اخجـل انه اشـرحلك مصابه
راح اگلـك شغله وحـده نـيمــونه عالــترابه

يبو فاضل يبو فاضل .. يبوفاضل يبو فاضل .. يبو فاضل يبو فاضل
رحلتي چانت خطيره . خويه من الشام اسيره . يبو فاضل يبو الغيره
******************
تمت والحمد لله في 21/ 12/ 2013
خادم الحسين حيدر تركي الكربلائي

الخميس، 19 ديسمبر 2013

هوسات_موسى الشغباني

حسين
حرقوا خيمنا
ذبحوا زلمنا
شتموا ابونه
شتموا علينة
هايج المنا
طايح علمنا
خوية سبونه
خوية اشتمونا
طايح خدرنا
وين الكفلنا
طيحوا علمنا
انا العقيلة
المدمع اسيلة
يا حسين وا حسين
حرم الله حسين
وجه الله حسين
غيرة الله حسين
رحمة الله حسين


هاي امنه الزهرة جت مشاية__موسى الشغباني

هاي امنه الزهرة جت مشاية 
كوم يا عباس شيل الراية
____
هذا صوت حسين نادى على الكمر
وابوفاضل دار لحسين النظر
كله ابشر عندي لك احلى خبر
قربت من كربلا المشاية
______
كوم وسع كربلا لخطاري
اجت امي الزهرة وي زواري
تزورنه ممشى بدمعها الجاري
تلطم وتبجي ويه كل قراية
_____
تلطم على الراس مرة على الضلع
وي كل زاير بجت وي كل دمع
آيبحة صوتها الما تنسمع
من كثر ما صاحت بكل فاية
____
تقول يا زوار ضاعن لي بنات
مكملات محجبات مخدرات
ضعن زينب وين يالزاير يبات
بيا خرابة بيا بلد وولاية
_____
من تكف زواري وي وكت الغرب
الزهرة تكعد عالدرب تنعى وتلوب
تجري ونه كل كلب منهه يذوب
تبطل من النوح هاي حجاية
_______
وية كل غروب يوحشهه الدرب
تنام زواري ومدمعهه يصب
تصيح زينب باتت بديرة غرب
مالهه معزب ولا حماية
________
تجي وية الزوار تتلكة الضعن
ولو على ام الفواطم كربن
بالمناحة وبالدمع يتشابكن
ويمهه كل طفله غدت شجاية
_____
كوم وتلكاهه خوية برايتك 
ادري بيها تبتشر  لو شافتك
تكلهه اختنا بذمتي وبذمتك
كفكفي دموعج المدماية
__________
للاستماع اضغط هنا


الأربعاء، 18 ديسمبر 2013

كل شوق وحـنـيـن_علي الحمادي


كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


دمعة العين ** لوعلى خد الحزن تجـري وتسيل
دمعة العين ** تـطفـي نـيـرانـك اذا شــب الغليل
دمعة العين ** لا تـقـول بـحـقـهـا قـدمـت القليل
دمعة العين ** تـعـدل الـمـيـزان لو بـاجـر يميل

لـو بـجـيـت حـسـيـن عظمت الاجر ** مـا تـمـسـك نـار فــي يـوم الحشر
عـن الصادق مـروي مسند هالامر ** تـأمـن وتـحـظى بـرفـيـع الدرجات
دمعة لو تبجي على حسين وتذوب ** روح مغـفـورة الــك كــل الـذنـوب
مـثـل فـطـرس قـلـبـك ولله يــتــوب ** فـوزك الـجـنـة وحـسـن الخاتمات
_________________

لاتـبخـل بـدمـعـك عـلـى حسين ومصيبته
جود بنزف عينك على المخضوبة شيبته
لاتـبـخـل تـذكـر ضـمـاه وتـالـي حـيـرتـه
وتذكر شلون اصبحت في غـربـة عيلته

مـسـلـوبـة جثته ** والعشرة رضته
_________________

لـيـل وصـبـح خـل دمـعـتـك مـنـك جرية
وابجي على المذبوح بارض الغاضرية
واسي الـزجـيـة بدمعتك واسي الزجية
تـحـضـر إلــك يــوم الـتـوافـيـك المنية

وتحفك وما تـتـركـك وحدك فـي ضلمة
وقلبك تسليه لـو غـرق قلبك في هـمـه
هـدأة وسـكـيـنـة تـنـزل بقبرك ورحمة
دمعك على الحسين الجرى كانت تلمه

فـاطمة مـاتـنـسـى اجرك ** همها دون الـنـاس امـرك
نــورت ضـلـمـة مـكـانـك ** واجـبـرت هـمـك وكسرك
تـدعـي مـن اجلـك وتنزل ** رحـمـة الامــلاك قــبــرك
بس لان الحسين وجرحه ** مـدمـع احـسـاسـك تحرك

كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


يازماني ** دارت عـلـيـه سـنيـنـك بالعذاب
يازماني ** ضيعـتـني وطـال بيه الاغتراب
يازماني ** من مصاب تذبني لتالي مصاب
يازماني ** ما تـحـن الـحـالـتـي دلالي ذاب

يـا جـرح اقــدر اوصـفـه يـا جــرح ** دنـيـتـي لـيـل وابـد مـا طـل صـبـح
دمـعـي مـايـفـتـر من الامـي يـسـح ** زيـنـب انا ووالـدي حــيــدر عــلـي
مـو جـنـت فـي ظــل وجـوده مدللة ** والـبـطـل عـبـاس خـدري اتـكـفـلـه
شلون يحدي ضعني شمر وحرملة ** شلون بـعـد الهيبة والـعــز انـولـي
_________________

فوق الـهـزيـلـة ميسرة الشام الـهضـم اروح
والـمـدمـع مـن الحسرة والام اليسر سفـوح
وانظر على رمح ارتفع راس الحسين يلوح
كـلـمـا تـصده عيني فاضت من عذابي روح

ما يكـفي لـو انوح ** وبخاطري جروح
_________________

وادخل على مجلس دعي مكشوفة الراس
تـنـظـرني بـنـظـرة شـمـاتـة وذلــة الناس
وينك كفيلي تـرضـى حـقـي بيوم يـنـداس
وينك كـفـيـلـي ما تـجـاوبـنـي يــاعــبـاس

مو قـلـت الـيـه بـحـفـظـي يازينب مصانة
مو انـت يـالـلـي بـذمـتـي صـرتـي امـانـة
ما يـوم ابـد يـنـداس طـرفـج بـالـمـهـانـة
وانـتي العزيزة الـغـالـيـة واغـلـى جمانة

كـفـلـك حــيــدر عــلـيـه ** شـلـون تتركني سبـية
اعـذرك لـكـن يـاخـويـة ** اعـتـبـك ويـحـق الـيـه
ادري مقطوعة جفوفك ** وبـعـمـد راسـك دمـيـة
وانطفت عينك ياغـالـي ** وعـاقـتـك عني المنية

كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


مانسيتك ** احـلـف بـحـبـك ابـد لا ما تهون
مانسيتك ** بـعــت دنـيـاي وشريتك للمنون
مانسيتك ** والدمع ما فارق بلحظة العيون
مانسيتك ** خادمك اتـمـنـى يا مولاي اكون

عشقي مبني عن عقيدة وعـن يقين ** عشقي عن ايمان راسخ في السنين
موهوى عاشق غـوى بلحظة حنين ** عشقي اكــبــر من تـعـابـيـر العشق
عشقي عـن امـي المصونة ووالدي ** وابـتـدأ مـن قــبــل لـحـظـة مـولـدي
سـرمـدي للموت عـشـقـي سرمدي ** مـا يــمــوت ولا ابـــد مــا يـحـتـرق
_________________

اكـبـر و يـكـبـر عشقك ويايه الى الممات
يامعنى صومي وفاتحة اذكاري والصلاة
لـو اظـمـى ذكـرك زمزم وترتيلك الفرات
اشـهـد انا بـغـيـرك فلا معـنى الى الحياة

مصيري الشتات ** يالعشقك الـنجـاة
_________________

لواعشقك واتـلـف على عشقك عيوني
ماهـمـنـي من يحـجي عليه ويعـذلوني
خـل الـعـقـل إلـهـم وخـل لـيـه جـنـوني
عـاشـق يـعـرفـونـي وابـد ما ينكروني

لواعـشقـك والـمـوت دربـك ما اعوفك
اغلى من سنين العمر ياحسين اشوفك
كـعـبـة بنـيـتـك في خـيـالاتـي واطـوفك
واتمنى لو نـاصـر جنت حاضر طفوفك

يـاعـشـق روحـي فــدالــك ** مـن لــدن جــل وتـعـالــى
وعلى ساق العرش اسمك ** يـرتــسـم آيـــة جــــلالـــة
يـاعـشـق روح وعــقـيـدة ** والـنـقـش اقـدس رسـالـة
لــو مـا انــوارك هــدتـنـي ** تـهـت بـدروب الـضـلالـة

كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


ثورة حسين ** ثـورة الـتحـريـر والنصر الكبير
ثورة حسين ** ثورة المختار في صحوة ضمير
ثورة حسين ** ما يـضـيـعـهـا ولو قـل الـنصـير
ثورة حسين ** تـرتـفـع رايـة نصر حتى الاخير

ثورة حسين استمرت في الوجود ** ما انـتهت حـقـهـا التجدد والخلود
مـن يـعـود الـظـالـم الثورة تـعـود ** تـنـفجـر وتـهـز مسافات السكوت
منـطـلـق لـلـعـزة فـي روح الاباء ** ثورة حـسـيـن واراضـي كـربـلاء
عـلمـتـنا الـثـورة لو ضحت دماء ** ما تـمـوت الـثـورة والله ما تموت
_________________

ثورة عقيدة راسخة مـن منهج الحسين
ما تـنحـنـي مـهـمـا طغى يزيد وما تلين
تحـمـل رسـالـة ومـبـدأ ومبنية عاليقين
ما يـنـحـنـي لـلـذلـة لا ما ينحني الجبين

مهما تمر سنين ** بالنصر مؤمنين
_________________

رايـة حسيـنـيـة تـرفـرف ما تـوانت
ما خضعت بلحظة تعالت واستكانت
هـانـت ابـد لا رايتك ما مــرة هانت
هذا الحسين شلون راية طفه كانت

كانـت بـيديـن البطل عباس ورفعها
والراية بيدين البطل واضـح طبعها
هيهات وبملئ الصـدأ يمتد رجعـهـا
ياكون لوعصفت بعد يحمل سمعها

راية النصر الالـهـي ** بالمعـاني التضحوية
مايـذلـهـا من تجـبـر ** وهـي رايـة هاشمية
رايـة الـعـبـاس هذه ** رايـة الـطـف الابـيـة
للابد خـافـقـة تـبـقى ** في وجه زمرة امية

كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


زاير حسين ** اقـطع الـعـيـنـك مسافات الجرح
زاير حسين ** حافي مشاي ودمع شوقي يسح
زاير حسين ** ما يـهـمـني لوعلى الحب انذبح
زاير حسين ** همني بشوفك ضميري ينشرح

اعتني لك لو على دروب الخطر ** واقرأك قـرآن وحــروفــك سـور
بـمـوكـب المشاية ما بين البشر ** والطريق يموج يا حسين بهواك
يـحـتـويـني حـبـك واشواقي نار ** يمتى بـس اوصـل حبيبي للمزار
مـوعـلـيه خلصت اسنين انتظار ** والامـل يـوم الزمك واشتم ثراك
_________________

يالـتـربـتـك بيها الـدوا وبيها شفى العليل
ودي ازورك واوصلك مهما الدرب طويل
يـالـمـا إلـك ياسـيـدي مـشـبـه ولا مـثـيـل
مـهـمـا كـبـر حـبـي وكبر يبقى بـعـد قليل

خذني الك عقيل ** في محبتك قتيل
_________________

يا يـوم ازورك وابعث الزفرة وجرحها
يا يوم وعـيني تـبـتسم تـنـظـر صبحها
اشرح لك آلامي واذا يـصعـب شرحها
الـدمـعـة فوق اتـرابـك الامي تـسحهـا

ذابـحـنـي شوقي والحنين اشقد سلبني
خذني الضريحك ياحسين الليلة خـذني
ما احتمل اكـثـر بـعـد صـبـري خـذلـني
واحساسي من كثر العتب لا مارحمني

يـمـتـى اوصـل كـربـلائـك ** انـعـم بـمـنحـة ســمـائـك
واشـتـم اتـرابـك ياغـالـي ** والـثـم بــخــدي دمــائــك
قلبي مـشـتـاق الضريحك ** وعـيني مشتاقة الضيائك
ماشئت غيرك في عمري ** والعـمـر بـس انـت شائك

كل شوق وحـنـيـن ** مـع زوار الحسيـن
وضياء الـقـبـتـيـن ** قـد اضاء الخافقين


دمعي سايل ** مـثـل جـمـرات الغضى بوسط القلب
يابـوفـاضـل ** دمـع احـمـر عالوجن عـيـني تصب
دمعي سايل ** شـلـون زيـنب يا بو فاضل تنضرب
يابـوفـاضـل ** و تمشي عنك يا اخو زينب غصب

انشدك لو تسمع مـن اخـتـك نشد ** نــار فـقـدك يـا بــوفـاضـل تــتـقـد
لـيـت تحـضـرني بعيونك لو تصد ** تشوف زينب تركب عـلى مهزلة
لـيـت عـيـنـك شاهدتني بسفـرتي ** ياهي سفرة وعني راحوا اخوتي
ويـنـه عـزي ويـنـه هيـبة دولتي ** وحـدي ما بين الـحـريـم المعولة
_________________

لـلـكـوفـة قـالـوا نـرتـحـل عـنـك يابوفاضل
وانته على شاطي العلقمي يا خوية منجدل
جم طفلة عندي من العدا مرعوبة جم طفل
جم مـدمـع مـن الـفـاجـعـة مثل الجمر يهل

واحنا على الهزل ** وبـقـلبـي هالحمل
_________________

لـلـكـوفـة والـشـام ارتــحــل خــويــة سبية
ويـنـك يـا قــايــد نـاقـتـي مــا تــرد عـلـيـه
تـرضى الـهـضـم والـذلـة يا بوالفضل لـيه
انـهـض وشــوف الدمعة فوق الخد جرية

بـالـشـام جـم مـحـنـة والم جم من رزية
ووسـط الـخـرابـة مـاتـت الطفلة رقـيـة
ماتـت عـلـى راس الابـو بـونـة خـفـيـة
اخـر وداع ويــه الابــو بـدمـعـة دمـيـة

ومـن بـعـد سـفـرة هـضمنا ** يـالاخــو لـيــكــم رجــعــنـا
قـوم يـا خــويــة وكـفـيـلـي ** رجــع هــالــيــلــة ضـعـنـا
مـن القبر نظرة على زينب ** قـــوم يــا راعــي خــدرنــا
اسـتـمـع حـــن الــيــتـامـى ** ولـلـمديـنة انـهـض وردنـا

يالعليلة_ابو علي السعيدي

يالعليله..يالعليله..بنتي اصبري عالمصاب
يالعليله.. يالعليله..بويه افراكج عذاب


يالعليله يالعليله..اليوم ناوين السفر
يالعليله يالعليله..هذا مكتوب القدر
يالعليله يالعليله..ادري مامنه مفر
يالعليله يالعليله..بويه ماعندي جواب

ياولينه ياولينه..شلون تتركني وتروح
ياولينه ياولينه..تزيد حزني والجروح
ياولينه ياولينه..ابقى كل عمري انوح
ياولينه ياولينه..اسمتع مني العتاب

يالعليله يالعليله..اني اوديلج اخوج
يالعليله يالعليله..همه لازم يعتنوج
يالعليله يالعليله..بغيبتج يتوافدوج
يالعليله يالعليله..الج هم ابعث خطاب

ياولينه ياولينه..موحشه الدار بغيابك
ياولينه ياولينه..والوكف ينشد ابابك
ياولينه ياولينه..كلي شنطيهم جوابك
ياولينه ياولينه..انخه جدي بوتراب

يالعليله يالعليله..رحلتي بويه طويله
يالعليله يالعليله..وانتي يابنتي عليله
يالعليله يالعليله..وطاقتج جدا قليله
يالعليله يالعليله..انتي تبقين الصواب

ياولينه ياولينه..وداعت الله ياالولي
ياولينه ياولينه..ودعت امي وهلي
ياولينه ياولينه..خالي بويه محملي
ياولينه ياولينه..احتمل بويه العذاب

خادم اهل البيت
ابو علي السعيدي

بويه حيدر..بويه حيدر_ابو علي السعيدي

بويه حيدر..بويه حيدر..بويه خل عينك عليه
اه يزيبنب..اه يزينب..انه يمج والزجيه


بويه حيدر بويه حيدر..للسفر احنه نوينه
بويه حيدر بويه حيدر..وللسفر اتحضرينه
بويه حيدر بويه حيدر..اصبحت بويه حزينه
بويه حيدر بويه حيدر..لكربله ذيج المسيه

اه يزينب اه يزينب..يجري عليج الجره
اه يزينب اه يزينب..انت بنتي الطاهره
اه يزينب اه يزنيب..انتي مو جنج مره
اه يزينب اه يزينب..انت جيش الله ونبيه

بويه حيدر بويه حيدر..بويه شو نزلت دمعتي
بويه حيدر بويه حيدر..بويه يامصعب رحلتي
بويه حيدر بويه حيدر..بويه ياناري وجمرتي
بويه حيدر بويه حيدر..تلوعت من ال اميه

اه يزينب اه يزينب..امسحي بويه دمعتج
اه يزينب اه يزينب.. واخفي يابويه عبرتج
اه يزينب اه يزينب..اناه يابويه نطرتج
اه يزينب اه يزينب..ونتج توصل اليه

بويه حيدر بويه حيدر..حالي ياحيدر شكيته
بويه حيدر بويه حيدر.. هرشي بالحسره سكيته
بويه حيدر بويه حيدر..وظهري يابويه حنيته
بويه حيدر بويه حيدر..شفت انواع الاذيه

اه يزينب اه يزينب..تحملي بويه المصايب
اه يزينب اه يزينب..عليج ملتمه النوايب
اه يزينب اه يزينب..شفت انواع العجايب
اه يزينب اه يزينب..شفتي انواع لرزيه

خادم اهل البيت
ابو علي السعيدي

حوار بين مسلم وحميدة_ابو علي السعيدي

بويه مسلم..بويه مسلم.. عيوني تربي عالدرب
ها يبنتي..ها يبنتي..والامر بويه صعب


بويه مسلم.. بويه مسلم..ظلمت الدنيه عليهه
بويه مسلم..بويه مسلم..ناطره منك الجيهه
بويه مسلم..بويه مسلم..انتظر وكت المسيهه
بويه مسلم ..بويه مسلم..بويه شفت انه العجب


ها يبنتي..هايبنتي..اتعلمي من الحسين
هايبنتي..ها يبنتي..هذا ابو كلب الحنين
ها يبنتي..ها يبنتي..لو تفركنه السنين
هايبنتي..ها يبنتي..ينتظر بويه اليحب

بويه مسلم..بويه مسلم..ابقى من دونك وحيده
بويه مسلم ..بويه مسلم..بوحدتي ماني سعيده
بويه مسلم ..بويه مسلم.. رحلتك ادري بعيده
بويه مسلم..بويه مسلم..تفترك بويه غصب

ها يبنتي..ها يبنتي..لو وصل ليج الخبر
ها يبنتي..ها يبنتي.. حكمته ربي الامر
ها يبني..ها يبنتي..مسجل بلوح القدر
ها يبنتي ..ها يبنتي..يمكن اتصير الحرب

بويه مسلم..بويه مسلم..بحضنك وشفت الدلال
بويه مسلم..بويه مسلم..رجعتك بيه احتمال
بويه مسلم..بويه مسلم..مني تطع بالوصال
بويه مسلم ..بويه مسلم..مسافر لديرت غرب

ها يبنتي.. ها يبنتي..مو دعه بالله وعلي
ها يبنتي..ها يبنتي..انتي بحماية ولي
ها يبنتي.. ها يبنتي..ابقى انتي بمحملي
ها يبنتي..ها يبنتي..اتحملي بصدر الرحب

خادم اهل البيت
ابو علي السعيدي