حين جابو راس أبوهه وشافته
بويه صاحت ياحُســـــين وحضنته
***************
شافت الرؤيه بمنام البارحـــــــه
اتقبل حسين السبط وتصافحـــــه
ومن بعيد أسمعت صوت النايحه
فزت ورادت أبوهـــــــه وطلبته
***************
وين عمتي الصابره أم الـــحزن
گلبي ياعمه على الوالد يـــــحن
من كثر نوحي ذبل حتى الجفن
وحيلي ياعمه المصايب هدتــه
***************
صرخت بصرخه تهز عرش الطغاة
والله بعد حسين ماتنـــــــــــفع حياة
أرد أشوفه وخلي يلفيـــــني الممات
والملك عالصرخه هلـــــــت دمعته
***************
صرخه چن زلزال صاحت ياحُسين
أرتعبت بصرختهه كل الناصــــــبين
ولعنت ابن زياد ويـــــــــه الظالمين
وخوفت الفاســـــــــق يزيد وهزته
***************
من بچت بالصرخه هالكون ارتـعد
حگهه لو حتى بچت طول الامــد
وين مثل حسين هم تلگه بـــــــــعد
ومن بچت عرش الجــــلاله بجته
******************
زرعت بهالصرخه احزان ودرس
بچت الاملاك والجان وانــــــــــــس
بشوفة الراس انتهت عدهه النفس
حضنته بشـــــــــــوگ ومحنّه وشمته
*********************
بالصغر ضاگت مصايب والـــــــهضم
ماتت اعله الراس موتة مهتــــضم
تحچي للعالم اساليب الظـــــــــــــــــلم
بعده يدوي الصوت ذاكه الصرخته
ليست هناك تعليقات:
إرسال تعليق