رقية انه التسمعوني_ابولقاء البهادلي

حزينه وراحت احبابي ** ياهو اليبجي لمصابي
أميه بصغري لوعوني *** رقيه اّني التسمعوني
*************************
شفت الطف كله وكلهه احزانـــه
وابوي اوحيد شفتـه ابين عدوانه
ولا واحد اشـــوفه اليوم ويــــانه
دريت بدنيتي ياشيعه خلصــــانه
صغيره واندب بحالي **** ضاعت كلهه امالي
اتمنه يودعوني ** رقيه اني التسمعوني
*****************
شفت الكون اظلم مـا دريت شصـــــار
شفت كلهه خيمنه تحترگ بالنـــــــــار
لا عباس اشوفـــه ولا اشوف انصـار
بس نســوان اشوفن والفكر محتــــــــار
ابوي حسين ما شوفه ** عليه الروح ملهوفه
اميه بجور صدعوني ** رقيه اني التسمعوني
*************************
شفت دنيــــــــاي متغيره وشفت اهــوال
وشفت عماتــي كلهه مگيده بحبـــــــــــال
وعلى نوگ الهزل هذا الضــــــــعن ينشال
المنظر هالاشوفه ماتحمله اجــــــــــــبال
ضعن من الزلم خالي ** اعله ابويه منشده بالي
اجانب تحدي بضعوني ** رقيه اني التسمعوني
*****************
رغم كل الاشوفه والگلب صــــابر
وعلى شوفة ابوي عيوني التناطر
نشدت اعليه وگالولـــي يجي باچر
أسألت عمتي وگالتلي تره مســـافر
شفته الليله باحلامي ** گاعد يحجي جدامي
يعمه لاتفجعوني *** رقيه اني التسمعوني
***************************
شفت راسه بطشت چنه يحاچيـــــني
حضنته وگتله ياروحي وبعد عيــــني
تره افراگك يبويـــه حيل ياذيــــــــــني
يم جدي اريـــــدن بويــــــــــــه وديني
شتنفع دنيتي بلياك ** أخذني ياسلوتي وياك
يبويه الگوم روعوني *** رقيه اني التسمعوني
************
تلگتنيي بوفاتي جدتي الزهــــــــره
اشوفنهه تنوح وتسجب العبــــره
تگلي والدج مذبوح من نحـــــــره
بحوافر خيل ياجده أنهشم صـــــدره
يشيعه هاذي أحوالي ** منهه ذاب دلالي
بظلام وخفيه شيعوني ** رقيه اني التسمعوني
******************