بالكرم وصفوني ** اّنه الحسن راعي الكرم
احزاني بعيوني ** من الظــــلم حيلي انهدم
ظلام عادوني ** تاليهه سموني
********
اّنّه صوره من النبي اوارث صفاته
انه ريــــــــــــحانة محمد في حياته
بينه وصه المصـــطفه ساعة وفاته
بالموده يلگه كل مؤمــــــــن نجاته
بالنبي ومنهاجه ** يتمم ابو صالح لامر
وانواره وهاجه ** والمُعجزه طول العمر
يعلم الضدوني ** تاليهه سموني
**********
احنه دنــــــيه واخــــــره اهل السياده
هذا عمري كله ماضگت طعم السعاده
عاشرت حزني اويه نوحي من الولاده
والـــــــعرش هــل الدمع واعلن حداده
والملك حزنانه ** لآل الرسول المصطفه
مرسومه بدمانه ** اسرار هاذي المعرفه
اشرار حسدوني ** تاليهه سموني
**********
چم طليق الجرد ســـــيوفه عليه
بالحقد متــحزمه ضدي ال اميه
ظنهم اخضع لو اذل لابن الدعيه
لا وحگ جدي النبي سيد البريه
مااذل هيهات ** اّنه ابن سيد البشر
ارفع الهامات ** أي وحگ دم النحر
ظنهم يذلوني ** تاليهه سموني
*****
طاعتي طـاعة رســــول الله وكتابه
وليضـدني يلگه بالمــحـــشر عذابه
الگوم ظلموني اسف حتى الصحابه
والدعي المـــــــلعون ماينفع عتابه
فاسق وزنديق ** ماعنده غيره ولا وفه
غايته التفريق ** والدمــــــــــاء النازفه
من كلشي حرموني ** تاليهه سموني
*********
اّنه صح مجروح وبجرحي علامه
بالجرح مرســومه اسرار الكرامه
مااطخ راسي ابد رغم الــــــظلامه
ادري مايطـفه يظل نور الامـــــامه
يستمر هالنور ** ماينتــــــــكس هذا العلم
هالعمر منذور ** والثار عد مـهدي الأمم
معصوم يدروني ** تاليهه سموني
********
موزلم ذيــچه اللي باعتهه الضماير
ادري بالجـــاري عليه وشنهي صاير
وادري شيضُـــم الدعي من الســراير
يريد دين الله يمــــوت اويــــه الشعاير
بالدمه ضحيت ** من اجل دين النبي
بالعهد وفيت ** ثبتــــــت سر مذهبي
ياوسفه هضموني ** تاليهه سموني
*******
ليست هناك تعليقات:
إرسال تعليق