يحسين الحسن مسموم هل دمعك
ومن تبچي اعله كيفك خاف ليسمعك
مسموم يابو محمد -- مظلوم يابو محمد
--
أبهيده يم اخوك الحسن من من اتنوح
ليسمعك يمّن چنت الها لمك روح
يحسين انته گلبك من گبل مجروح
واليله طويت اعله الحسن ضلعك
مسموم يابو محمد -- مظلوم يابو محمد
--
يحسن الحسن چبده انگطع بالسم
وبعينك تشوفه اشلون يتألم
صبرك هاي اظن يحسين يتهدم
من شفت الحسن چن رايد ايودعك
مسموم يابو محمد -- مظلوم يابو محمد
--
أيودعك رايد وچف القدر سمه
بروحه اينازع او بلچن تظل يمه
صعبه اعله الاخو لو فارگ ابن أمه
او لوداع الحسن حگ يختلف وضعك
مسموم يابو محمد -- مظلوم يابو محمد
--
وضعك يختلف من شاهدت حاله
وعينك عالحسن يحسين هماله
الاخو لو راح امنين اتجيب اخو ابداله
ايصدعك فگد اخوك شلون ميصدعك
مسوم يابو محمد -- مظلوم يابو محمد
--
ايصدعك فگد اخوك الحسن أي يحسين
ونته من گبل مفجوع بالضلعين
با الالام عشت او بالمآسي اسنين
واليوم المصاب اللي جره ايروعك
مسموم يابو محمد -- مظلوم يابو محمد
--
أيروعك هالمصاب المامثيله امصاب
فگد امك امس والابو داحي الباب
واليله عضيدك چبده بالسم ذاب
مدري يامصاب المفجع ايجزعك
مسموم يابو محمد -- مظلوم يابو محمد
--
سيد عدنان الحمامي
ليست هناك تعليقات:
إرسال تعليق