تالي عمرج_ابولقاء البهادلي

تالي عمرچ ** عالگبر عندج وصـيه
يخفي گبرچ ** ردتي من حامي الحميه
لوما هلي يخفونه ** چان العده يهدمونه
**************
اّنّه ادري بجدي وباخر كلامه
ادري گلچ بعده مانلگه السلامه
اشگد حملتي اهموم يايمه وظلامه
صرنه يايمه بعد عينــــــچ يتامه
مارضيتي** بگبرج تبين اشاره
چي دريتي ** تهدمه اهل الجساره
لومره ويعرفونه ** چان العده يهدمونه
**************
چنتي يايمه الي انتي الحـــــــــبيبه
يُمه بفراگچ صـــــفت زينب غريبه
چم دمه شفت اّنّـه يايُمه ومـــصيبه
گلبي من كثر الحزن يصـــــرخ لهيبه
اخر وصيه ** عالگبر وصيتي حيدر
ال اميه ** لو يعرفـــــــــونه ايتفجر
زوار اذا يزورنه ** چان العده يهدمونه
*****************
چم امام الهدمــــــو گبره ييمُه
والبقيع اليوم يمچ يشــــكي همه
وفجرو گُبة الهادي بليله ظلمه
هالنواصب لو لگت گبرچ تهدمه
ليله ظلمه ** هالگبر محد يكشفه
چا تهدمه ** هالنواصب لو تعرفه
لو گبرچ يكشفونه ** چان العده يهدمونه
**************
چم صحابي الهدمو گبره النواصب
كلهه ضد نهج الوصي گامت تحارب
اليوم بس شيعة علي بحقنه تطالب
وسفه بعض اگبورنه بنص الاجانب
ياحسافه ** بالغرب ظلت وحيده
والمسافه ** عن محبـــــينه بعيده
يمه اذا يشوفونه ** چان العده يهدمونه
****************
عوفي گبرچ هالوكت مري عليه
من جديـــــــد اردود ردت ال اميه
من جديد اتريدني اصــــبح سبيه
ما اظن يرضون اصحاب الحميه
والغياره ** تحمل افكار العقيده
بالاشاره ** تندب حسين وعضيده
همه الذي يحمونه **چان العده يهدمونه
***************
يمه عدواني بضريحي اللي يحيطون
نيه عدهم اّنّه اتهـــــــــدم يريدون
وعني شبان العقيــده بحق يذودون
ذكروني بالگمر لمن يصـــــــــولون
تفدي دمهه ** كلهم ابطال وبواسل
مايهمهه ** چنهه عابس من تنازل
بدماهم ويفدونه ** چان العده يهدمونه