بيمــن إتلـوذيــن شمـاتــي تصيــح *** ذاكَ عبـاسـﭻ علـى الشاطـي ذبيـح
ـــــــــــــــــ
إتقـــدم ونـــادانــي متشمـــت الشمـــــر
يــالله يـــا زينـــب تحضـــري لليســــر
هـذا راسـه إعلـه الـرمـح حامي الخـدر
وذاك جسمـه إعلـه النهــر دامــي وذبيــح
ــــــــــــــــ
ذاكَ جسمـه إعلــه النهــر يـا زينبـــه
إمـﮕطعيـن إيمينـــه إحنــا ويســرتــه
وبعمـود إحــديــد طَــروا هــامتـــــه
وضل على الشاطي الجسد دامي وطـريـح
ــــــــــــــــ
ضل على الشاطي يبت حيـدر وحيــد
مغــرﮒ إبـدمـه وﮔطعنـالـه الــوريــد
مُعصمـﭻ ينتظـره هـالطوﮒ الحـديــد
ومـن إلــم هـالسوط خـل صوتــﭻ يصيـح
ــــــــــــــــ
مـن آلــم هـالسـوط سَمعينــي الإنيــن
وحـرﮔـي ﮔلب الكافل وﮔلب الحسيـن
وشجـي بالمحمـل إذا ردتـي الجبيـــن
اليـوم إخلـي إﮔليبــﭻ إعليهــم جَــريــــح
ــــــــــــــــ
اليـوم إخلـي الـروس جـدامـﭻ تلــوح
اليـوم إبَضِّـع ﮔلبـﭻ وإملــي جـــروح
اليـوم إخلـي عمـرﭺ إتخلصينه نـوح
اليـوم إخلــي الـمـاي عـالعيلـه شحيـــح
ــــــــــــــــ
اليـوم إخلـي الروس تتعالـى الروماح
اليـوم إخلــي كربلـه تعــج بـالنيــــاح
اليـوم إخلـي إطفـالـﭻ تعـﭻ بالصيـاح
اليـوم إخلـي دمعتـﭻ عـالخــد تسيـــــح
ـــــــــــــــــ
اليـوم إخلـي دمعتــﭻ عـالخــد تسيــل
اليـوم إنَسيِّــﭻ الـــدلال أويَّ الكفيــــل
اليـوم إركبـﭻ يالعقيلـه إعلـه الهـزيـل
اليـوم إظلـــمْ إبعينــﭻ الـكون الفسيـــــح
ليست هناك تعليقات:
إرسال تعليق