يدنيه من الاهل انتي الحرمتيني ,,,,أعيش ويه الجرح وانتي الجرحتيني
أخذتي كلشي مني ,,,,,,,,,,,وانتي اسباب وني
*************************************
يدنيه ما دريتي آنه العقيله ,,,,,,,حملت الما حمل كوني ويميله
تراني بت علي وهذي قليله,,,,,,, جبل من الصبر كلبي يشيله
شعندي وياچ يادنيه وتعذبيني ,,,,,,,نويتي على الاهل بيهم تفجعيني
بيچ يخيب ظني ,,,,,,,,,,,,,,,وانتي اسباب وني
***********************************
يزينب اهلچ بسرعه جفوني ,,,,,,,عرضت كلي عليهم ورفضوني
وگفت اباب حيدر ومنعوني ,,,,,,,,,ثمن هذا يزينب لن رموني
أبد ما أنسه الهم هل الاهانه ,,,,,,,,,ذلوني بعد عز المكانه
وانتي بيهم اعني ,,,,,,,,,,,,وانتي اسباب وني
*************************************
يدنيه احزام شديتي علينه,,,,,,,, كسرتي اضلاع أمي بالمدينه
وچبده انسيتي بالطشت وحزينه,,,,,, وطبرتي بليله ميشومه علينه
وعندي احساب بالطف ماوفيته,,,,,,,,, منچ بالغدر طبعچ لگيته
جروحچ من لفني,,,,,,,,, وانتي اسباب وني
**************************************
يزينب كلهم اهلچ بيچ چنهم ,,,,,,شفت كلهم عليه انتي علمهم
شفت لمن افجعچ كل ألمهم ,,,,,,,حزني من يصيبچ صاب كلهم
ونه انتي يزينب صرتي ليه,,,,,,,,,,, وبيچ آنه اجازيهم بيديه
أبد ما لحظه تهني ,,,,,,,وانتي اسباب وني
***************************************
صبت گلبچ بخوچ الفاض نحره ,,,,,,,ويه الخيل جيت ودست صدره
واخوچ الثاني عل النهر آنه اوذره ,,,,,,,,وچفه حتى افجعچ آنه ابتره
حرب وياچ زينب للمنيه ,,,,,,,,,,وفرحت آنه أشوفنچ سبيه
وذني وياچ ذني ,,,,,,,,,,,,وانتي اسباب وني
****************************************
خسرانه يدنيه وباطل الراي ,,,,,,,,شوفي چم گلب ملهوفلي وعناي
وجم واحد ذكرنه بشربة الماي,,,,,,, وانتي الدنيه بيچ يرفرف الواي
آنه زينب كسبت الدنيه كلهه ,,,,,,,,,,امل چذاب انتي آني املهه
وحرب وياچ مني ,,,,,,,,,وانتي اسباب وني
ليست هناك تعليقات:
إرسال تعليق