تخفي عنها .. چبده ماتخـــــفي دموعك
تخفي عنها .. دمعتـــك يهــون ضلوعك!
فكَد امهــا وابوها
بفكَد زينب لخوها
تخفي عنها دمعتك .. يهــون ضلوعك!
**************
ناحت الدار اعله فكَده .. وفز جـرح ضلع الزجيه
وحين ضم الطشت چـــبده .. انطبر حماي الحميه
الحسن عمره تبــــــــــــدّه .. من يلم هاي الرزيه
وهيه ضلت خطوه وحــده .. عن ترب لحد المنيه
يا عيونك .. المن تصــير الجبدته التلهب
يا عيونك .. لو فر دمــــعها يهوّد لزينب
يتيمه وما روعــــــوها
بفكَد زينب لخــــــوها
تخفي عنها دمعتك .. يهــون ضلوعك!
*********
يابو الاكبر ذاك محسن .. طــــاح من العين دمعه
وكل ركن بالدار يصرخ .. ياعلي عصروا البضعه
الحسن روح العقيله .. كَــــــــبل لايشكي تسمعه
شلون مايدري كَلبها .. لو زعــاف السم يجرعه
حد الاعتاب .. من بعد محسن ينتظر جبده
حد الاعتاب .. حد السيوف التنتظر سجده
يادار الولــــــــــــوها
بفكَد زينب لخــــــوها
تخفي عنها دمعتك .. يهــون ضلوعك!
***********
ليلة الوحشه اعله داره .. وكـــل ركن للرهبه كبر
بكل كتر دم ورزيه .. والصــــــبر من خوفه يعثر
ذاك محرابه ينادي .. اخفي صــــــوته يابو الاكبر
تموت زينب يا اخوها .. لــــــو يرد مطبور حيدر
من صدرها .. تسمع يــوالي الليله يالوعه
من صدرها .. طاح الكَلب مالزمته ضلوعه
ضلوع وهشموها
بفكَد زينب لخـــوها
تخفي عنها دمعتك .. يهون ضلوعك
*********
يا حسين الزهره تنده .. يبني زينب لاتكَلــــــها
يا ثكَل ترب المنيه .. آه ياروحـــــــــــــي واجلها
فكَدت الخوان جمره .. وبالدمــــــع زينب املها
وبكثر شافت مصايب .. يمـــه ما ظل دمع الها
لسطرة الخد .. بجفن العقيله مابقــت دمعه
لسطرة الخد .. وقع المدامع يطفي كل شمعه
وياشمعه الطفوها
بفكد زينب لخوها
***********
حيدر اعله الباب محني .. بهامته التنزف دماهه
يحضر بشدات غيره .. شلــــــون هالشده نساهه
يسمع لون العقيله .. آه ياحـــــــــــــامي حماهه
بويه هم تدري بهضمنه .. انا زينب يارجــــاها
هي ساعه .. ووجه الحــسن عني يغيبونه
هي ساعه .. وكَلبي يبويه سهــام يرمونه
بكل شده رموها
بفكد زينب لاخوها
تخفي عنها دمعتك .. يهــون ضلوعك!
ليست هناك تعليقات:
إرسال تعليق