مسموم ودعنه الحسن ** هاليله ذكره امصابه
*********
خلص حياته بالهضم ** مايشكي مره اهمومه
وارث دموعه والحزن ** من الگظت مظلومه
نبقه نون لمصــيبته ** بالحسره نــــذكر يومه
هلو الدمع لابن النبي ** نوحو الحسن يحبابه
هاليله ذكره امصابه
************
اشگد عانه جور والظلم ** بالروح تسري احزانه
متسلح بهمه وصبر ** درعه صبح ايمانه
وارث اسرار المرتضه ** غذاهه ألّه بوجدانه
والتمت اعليه العده ** وامعاويه وارهابه
هاليله ذكره امصابه
***************
للحسن من شعت شمس ** كل ظنهم ايغيبوهه
عدوانه كلهه اجمعت ** ضده الحرب علنوهه
واصحابه طعنوه بالظهر** واعهودهم خانوهه
باعو ضمايرهم اسف ** بابخس ثمن اصحابه
هاليله ذكره امصابه
************
ابن الطليق وكل دعي ** بجور وظلم موصوفه
لا دين عدهم لا خجل ** بخسه وكُفر معروفه
ضد الشرع وابن النبي ** الناصب يحد اسيوفه
والحسن يعلم بالامر ** وبكل قدر واسبابه
هاليله ذكره امصابه
************
صان الرساله بالعقل ** وبگلبه ضم اجروحه
قدم شروطه والطلب ** والهــــم يون بروحه
ولاحت علامات القدر ** نوحو يشيعه لنوحه
يعلم يخونه ابن الدعي ** ايقدمله سم باعنابه
هاليله ذكره امصابه
************
مظلوم ودع دنيته ** وصه الحُسين بأمره
يومك يگله بلا مثل ** وجسمك يظل عالغبره
ويگله صدرك ينكسر ** مثل الزجيه الزهره
ناحت عليه جان وانس ** تبچي وتون لمصابه
هاليله ذكره امصابه
ليست هناك تعليقات:
إرسال تعليق