كالوها يبوفاضل زينب دخلت على يزيد
وكالوها يبوفاضل تستر للوجه بالايد
منهو الجان يتوقع زينب تمشي مسبيه
منهو الجان يتوقع اناديك بغلة عليه
منهو الجان يتوقع تتعذر من الجية
صار وصارو يكولونما جان العتاب يفيد
ما خطرت ابد عالبال صوت اختك يسمعونه
ما خطرت ابد عالبال ردى زينب يسلبونه
ما خطرت ابد عالبال تمشي بهزل محزونه
صارت والحدة بيها خلاها تون بالبيك
انا ماكول يا مولاي ماتدري شجرة بالشام
اذا تدري يبو الغيرة شلون على الهضيمة تنام
يكولو يزيد كلمها شتمها وما نهض ضرغام
يليت الخبروا عنك كالوا ما سكت ليزيد
اي والله ييبوفاضل سكت سيفك و كل حدة
والعدها اخو مثلك اكيد تندبة بالشده
تمادى يزيد وخليته وزينب واكفة عنده
بعد وحدة يبوفاضل اذا احجيها تدمي العين
يزيد عيونه عالنسوان رباب يصيح صارت وين
غيور انت يبوفاضل على عرضك وعرض حسين
يريد يكلم النسوان يخسى ابن الخنه شيريد
واعظم خبر احجيلك طعن قلبي من قريته
من اشر نذل بيدة على بنت حسين ماجيته
رايد فاطمة من يزيد هدية جارية ببيته
يا تاريخ بس اسكت ذبحت الروح لا لتزيد
_________________
للاستماع اضغط هنا
ليست هناك تعليقات:
إرسال تعليق