يزينب انا رايح للمنية
امانه بركبتج بنتي رقية
__________
حبيبة كلبي صابتني بدمعها
بعدني يمها وتغير وضعها
بصغر سنها انحنى بالهم ضلعها
بصغرها تعلمت الونه الخفية
آآه يا رقية
امانه بركبتج بنتي رقية
__________
حبيبة كلبي صابتني بدمعها
بعدني يمها وتغير وضعها
بصغر سنها انحنى بالهم ضلعها
بصغرها تعلمت الونه الخفية
آآه يا رقية
__________
بعلامات اليتم هالطفلة شعرت
بركن خيمتها عن عيني تخفت
كبل فكدي على فكدي سكته نحبت
وكبل كل البشر ناحت عليه
آآه يارقية
__________
عليه ناحت بطور اليتامه
شبكتهه بعيني دمعه وابتسامه
تكلي بوية الملتقى يوم القيامة
والموادع حصل بالغاضرية
آآه يارقية
__________
يزينب كصدي هالطفلة الحزينة
كلب عدها صغير الله اليعينة
علية تعودت بنتي الحنينة
متتحمل هجر متعلقة بيه
آآه يا رقية
___________
رقية تكلي امسح راسي بيدك
بحنان اشبكني خل اشتم وريدك
اريدك يمي ما ترحل اريدك
صعب حمل اليتم وهموم امية
آآه يا رقية
__________
ليست هناك تعليقات:
إرسال تعليق