حطي أيـــدي بايدج وامشي حميده
سمعت ارض الشام عالكوفـه بعيده
يختي مخطور الدرب ....الضعن حراسه غرب
حطي ايدي بايدج وامشي حميده
**************************** من عزف لحن المنايه بطف اهلنا..صرخنه ضعنا ..ياحــــــريمه
خطفت سيوف الماسي ورد املنا..من نــــــــزلّنه..بهالجريمه وعله جروف العلگمي تبدد حلمنه...من يلــــمنا ..ياهضـــيمه
گوه عن شوفة اهلنا احنه انفطمنه...يا الـــمـــنه..بهالضلـيمه
انه عفته بــــكربله وبالكوفه انـــتي
صفنتج صارت حميده بگد صفتني
الگوه فززها الضرب...الضعن حراسه غرب
حطي ايدي بايدج وامشي حميده
*************
يالله نجـــــــــــمع همـــج وهمي ســـــويه..هاي نـيه..موبدينه
وانـه ادري الضـــيم كله البـــــيـج بـــــيه..ياخطيه ..ياحـزينه
ظلليـــــلي بردنـــج وانه بـــــــاديــــــه..من الاذيه..ياحــنيـنه
ونس لدروب الماسي صـــيري ليه..بالمـــسيه..بالهل ضعينه
روحج لروحي ونس لويجن ليلي
راح خلج عــــــــنج اودع خليـلي
شاركي هموم الگلب...الضعن حراسه غرب
حطي ايدي بايدج وامشي حميده
**************
ضمدي جـدمي واضمد نزف جدمج...ما الجمـــج..فدوه خــيه
وروفي بهدومي واروفن حرگ هدمج..انــه يمــــج..ياســــبيه
ونوحي بالبسكوت دمعي شبه دمـــعج..من اسمــعج..يعز عليه
توسدي ذراعي يخيه وانه اشـــــبگج..حطي خدج..فوگ اديه
والهموم تصير يحـــبيبه غطانه
تشهد عله دموعنه نجمة سمانه
دمعي وي دمعج يصب...الضعن حراسه غرب
حطي ايدي بايدج وامشي حميده
*************
لومشينه اثنين ما تحــــــتار عمـــتي ..انه وانتي..ما تـــــرابي
تدري انتي وياي بالسفره رفـــــگتي..واشتركتي..وي مصابي
تشاركيني بنوحي وبوني وصرختي..من حرگتي..من عذابــي
عمتي تبقه بــــريبه لوعـــني بعـــدتي..يافرحــــتي..ياشــبا
نمشي كل اثنين امـــن يختي النه
ونشگف بجفين لورادوا ضــربنه
والوضع كلش صعب ....الضعن حراسه غرب
حطي ايدي بايدج وامشي حميده
*************
الفرق بيني وبينج الكبر صفــــــــنتي... يامحــــنتي ...ياحميده
راس ابوي عله الرمح يربي لطلعتي...وي سفرتـي...مووحيده
وانتي بالكـــــوفه بقه راسه سمعتي..ياغلــــــــبتي..اليوم اريده
هذا همج منه تتـــــطّفه شمعـــتي..مــــن دمـعتي..الطف اعيده
شفت عينه عله الضعن لمن رحلنه
وعنج وعـــــــــن حالتج جنه سالنه
تجوي يانار الغــلب...... الضعن حراسه غرب
حطي ايدي بايدج وامشي حميده
************* رافگيني بونــــــتي بليل الخــــرابه..وبمصابه ..جرحي ينزف
حضري وي صرخة ضميري ايبابا..بهالترابه...جدمي يرجف
لااخــــــــو باقيلي لاعـــــــم لاگرابه..بس صبابه..گلبي يعزف
ضمدي گلبي اذا يوسع صـــــــوابه..بهالطــلابه..مهج
لوگرب موتي تحزمي ويه اليغسلن
وشيعيـــــــــني بونتج ويه اليشيعن
بالگبر اخــتي تطب........الضعن حراسه غرب
حطي ايدي بايدج وامشي حميده
*****************
اسالكم الدعاء لي ولوالديّ
خادم اهل البيت (عليهم السلام)
حلمي السعد
23/محرم/1435
ليست هناك تعليقات:
إرسال تعليق