بويه كتلك راح اموت
وماشفت غير السكوت
هذا حدها .. يالرحــت من بين اديه
هذا حدها .. شعدها من بعدك رقيه
********
مو كَلتلك انه ميته .. وكلــشي كلته .. وهم مشيت
بس دموعك جــــــــاوبني .. وهدمني .. من بجيت
آنه سجادة صلاتك .. من بنـــــــــاتك .. وآنه بيت
وآنه الجفوف التشمها .. والتضمـــها .. لو اجيت
ولو تروح وياك اروح
شلون اظل بلايــا روح
هذا حـــــــدها .. غيبتك باب المنيه
هذا حدها .. شعدها من بعدك رقيه
**********
مو كلتلك بويه صبرك .. امري وامرك بالطفوف
مو كلتلك خل اضمك .. بلكــــــي موتك ما يشوف
شرد امشّي وشرد اكلك .. وآنه احلفــــك بالجفوف
لاتخليني لزماني .. يا اماني .. الدنيا خوف
خوفي لا شوفك طريح
دامي والمنحـــر ذبيح
هذا حدها .. ياضلع صدر الزجيه
هذا حدها .. شعدها من بعدك رقيه
************
ساكت ودمعك حجالي .. بس تعـــــــالي .. بلا عتاب
انتي بعيوني الزجيه .. يارقيـــــــــــــــه .. بدنيا باب
كَبل لا صدري يهاجـــــــــر .. للحوافر .. والحراب
خل اضم ضلوع امي .. وانسه همــــي .. والمصاب
شرد اسولف شرد اكَول
والكلام اهنـــــــــا يطول
هذا حدها .. اهنا يبن حامي الحميه
هذا حدها .. شعدها من بعدك رقيه
********
لا توصيني اعلـه دمعي .. ابجـي ضلعي .. بفكدتك
ولا تكَلي بويه صبـري .. صبري اموت .. لشدتك
امك البضعه لبوها .. وانـه بويـــــــــــــــه بضعتك
هيه عاشت بعده لحظه .. ولحظـــه عمري بغيبتك
ذبلت اغصـان السنين
وهشّم الضلعي الانين
هذا حدها .. تعصر بصدري الرزيه
هذا حدها .. شعدها من بعـدك رقيه
*******
وادعة الله كَد نخيتك .. كَــــد بجيتك .. والنحيب
وداعة الزهره ودمعها .. ياضلعــها .. المايطيب
وغربتك ودموع زينب .. كَـــــــد تنادي يالغريب
بس تغيب انوار وجهك .. آنه اموت وي المغيب
منين الي بعدك صبر
واحمل همــــوم السر
هذا حدها .. خلــصت سنين السبيه
هذا حدها .. شعدها من بعدك رقيه
ليست هناك تعليقات:
إرسال تعليق