دعـوتـي دعـوت يتيمه ..... إبلهفـه والـبـاري إستجـاب
كون إتبعك ويَّ إخوتي ..... بــويـه ويضمنـي التـراب
وشبـﮕــت راســك بــديـــه *** ﭽــانــت إحـلامــي المنيــه
ــــــــــــــــــ
يـالسكنـت إحضـان ﮔلبـي شلـون إشـوفنـك بعيــد
يـالـولـي وهـاليـوم إشاهـد راسـك إبطشت العَبيـد
والمصيبه بعصتـه شفتـه يضرب إبشفتـك يَـزيــد
والشمر كل ساعه إذكره بسيفه مـن حَـز الـوريـد
بين دمعه وبين حسره ..... بــيَّ غَصَّه مــا تطيـب
شـﮕـد تمنيـت المنيـه ..... وبيـك إلحـﮓ يالغـريـب
وداعـت الـزهـره الـزﭽيــه *** ﭽــانــت إحـلامــي المنيــه
ــــــــــــــــــ
الـدنيـه خـوانـه يبـويـه وإدري غــــدار الـزمـان
مـن بَعــد لحظـة غيـابـك مـا بعـد شفـت الإمـان
واليتيمـه بليَّـه إبـوهـا تعيـش بـالـذل والهـــوان
مـن شبـﮕت الـراس اَمَّـن ﮔلبي والـﮕيت الحنان
شاهد آثـار السيـاط .....الــوَّرمـن بـويـه المتــون
ﭽان كل حلمي إمنموت ..... إنـدفـن يَـم الحنون
إدعـي كــل صبـح ومسيــه *** ﭽــانــت إحـلامــي المنيــه
ــــــــــــــــــ
بـويـه لا خوان عـدنـه ولا إبـو ولا ضـل عمـام
هجمـوا إعلينـه البغـايـه بَعْــدك أو ولـد الحــرام
حـرﮔــوا إخيمنــه يبـويـه وطلعـونـه إمنـالخيــام
وآنـه وسكينـه وحميده إقرينـه عـالخـدر السـلام
نركض وبالهيمه همنه ..... نلتفـت يمنـه وشمال
وزينبـك محتاره بينـه ..... يَّسـروا بَــزر الـدلال
مـن بعـد إهـل الحميــه *** ﭽــانــت إحـلامــي المنيــه
ــــــــــــــــــ
الـذيــﭻ الإيـام الجميلـه الحلــوه يـاخــذنـي الهيــام
بـويـه ﭽنـت إبحظنك إغفـه محلـه إحضان الإمام
هسه ﮔلي إعله الوساده شلون إحط راسي وإنــام
ويـا يتيمـه البعـد إبـوهـا يغفـه جفـن الـهـا وينــام
يـا ﮔلـب مثلي إيتحمـل ..... يـا يتيمـه ويــا يتيـــم
شاهـدت جسمك تـوذر ..... والعـدو يعيش بنعيـم
وآنـي مـن هــول الـرزيـــه *** ﭽــانــت إحـلامــي المنيــه
ــــــــــــــــــ
يـا سفينــه البيهـا يـركـب يـوصـل البَــــر النجــاة
الموت بويه إعشـﮕتـه بعـدك وكرهت هاي الحياة
بـداعـت إدموعي الجريـه يالحِمَلت إحلى الصفـاة
بـويـه إخـذني ويـاك بـويـه شمحلـه ويـاك الممـاة
بويه راسك خل إشبـﮕـه ..... يـا حياتـي ويـا منـاي
وﮔلـي يـا بـويــه رقيـه ..... إنتظــر جيتــﭻ تعــاي
يـا إبـو النفــس الـزكيــه *** ﭽــانــت إحـلامــي المنيــه
ـــــــــــــــــ
إقسـم إعلـيـك إبـرضعـك بـويـه وبـﮕطـع الـوتيـن
مـن تـرد عمتـي العقيلـه إمنـاليسـر آ يـالحسيــن
عنـي لا تنشدهـا عنـي ولا تـﮕلــهـا إرقيـه ويــن
ينصـدع إدري إبـﮕلبــه زينـب إم ﮔلـب الحنيــن
حِملت إشـﮕد ضيم بعدك ..... يـالـولي وحملت عـذاب
إبـأيـد تحمينه يبـويـه ..... وإيـد الإخرى إعله الحجاب
شمـا إصـد إعلـه الإبيــه *** ﭽــانــت إحـلامــي المنيــه
ـــــــــــــــــــ
بـويـه يَمك عنـدي حـاجـه وإطلـب الحاجـه إبـرجاء
عنـدي شيعـه إعلـيَّ تبـﭽـي وتلطم وتنصب عـــزاء
بـالمنيِّــه تحضَـــر إلهــم بـالـﮕبــر يـابـــو الإبـــاء
وبــويــه لتخيِّــب أملهــم بــاﭽــر بيـــوم الجـــزاء
هـذا يقـره وهـذا يلطـم ..... وكتبـوا إشـﮕــد شُعــراء
بـويـه نصبـولـي مآتــم ..... وإجـروا إدمـوع الـولاء
ومــا نســوا بنتــك رقيـــه *** ﭽــانــت إحـلامــي المنيــه
ليست هناك تعليقات:
إرسال تعليق