واويلاه يابلفضل_علي العابدي النجفي

ضج صوت المحامل .. بيتام وارامــــــل
ويلاه يابو فاضل
واويلاه .. يعباس
*******
من الشام يبن المرتضى هالليله ردينه
كَوم انفض تراب اللحد واسمع بواجينه
تشكيلك متون الهضم عما جرى علينه
واثار كَيد من اليـســــــــر ظلت بيادينه
ياحامي الضعينه .. بياشدة ابتلينه
ويلاه ياولينه
واويلاه يعباس
*******
ردينه من هضم اليسر ياصـــاحب الجفين
مثل الشهب فوك الوجن تنزل دموع العين
يبن الوصي حامي الحمه دلينه كبرك وين
جينه نطوفك بالدمع ياظهر اخوك حسين
رد ضعن السبيه .. من جور ال اميه
ياغـــيره وحميه
واويلاه ياعباس
*****
لله ياحامي الضعــــــــــن ياغيره يانوماس
مجروح كبل ام الخدر ينـزف الم واحساس
تسأل بوادي كربله وين الكَــــــــمر عباس
انه اخته جيت من اليسر اشكيلك ظلم الناس
الله صــــــــبرنه .. ياخويه وهضمنه
ويلاه ياكمرنه
واويلاه يعباس
*******
هاي العقيله ام الحــــزن ردت يكافلها
بأمواج من دم ودمـــــــع ردت محاملها
تسئلك يبن حامي الحمه لو انت تسألها
عن طول ايام الهجـــــر يالوالي شتكلها
وشتجاوب وليها .. واثار البديها
تحجيلك عليها
واويلاه يعباس
*******
بت حيدر الجانت امس بالخدر موصوفه
وبزود ظلك ياولي بالهيــــــــبه معروفه
تشكيلك الالام الفكًد لو هضـــمة الكوفه
لوهضم شامات القهر ياموقف اتشوفه
لوحالة رقيه .. وهموم المنيه
ويلاه يالرزيه
واويلاه يعباس