ياوسفه الحسن عادوه ** چبده بالحقد سموه
***********
حرت شحچي وشگول وبالجفن دمــعه
بحق ابن الزجيه الطاهره البضعـــــــه
امام وماخذ من الباري كل شرعــــــــه
صوره من النبي باخلاقه وي طبعــــــه
ومن نبع الهواشم يبتـــدي نبعـــــــــــــه
اشگد لاگه محن واشگد صعب وضعـــه
جي جده النبي ظلموه ** چبده بالحقد سموه
**************
شگول اعله الكريم التزهي بيبانـــــــه
بيه حار الشعر واحتارت اوزانـــــــــــه
كريم وبالكرم مشــــهور ديوانـــــــــــــه
ومن جوده يجود بجود وجدانــــــــــــــه
من اجل اليتامه عيونه سهرانــــــــــــه
چفوفه من اليتيم بطيبه خجلانــــــــــــه
وارجاس البشر ضدوه ** چبده بالحقد سموه
**********************
من ودع ابــــوه المرتضــــه الضرغام
استلم امر الامامه ومثل الاســـــــــــلام
نـهج نهج النبي من حطــــم الاصنــــام
وعليــه اجمعت من كل كتر ظــــــــــــلام
ضده امعاويـــه يزرع بُدع واوهــــــام
شـــــاف المجتبه جور وظــــــــلم والام
ومن حق الورث منعوه ** چبده بالحقد سموه
*******************
سبط المصطفه گــــظه العمر مظلوم
ومن كل الحقوق المجــــــتبه محروم
كل عمره الــــشريف الخلصه مهموم
وبعد هذا اللي شافه ينسگي بسموم
يشوف حسين گلبه من الحزن ملچوم
يگله تدري يومـــك ما مثيـــله يـــــــوم
ظلام الذي غدروه ** چبده بالحقد سموه
************************
وحگ ربنه الكريم البالنـــــــــبي أسره
وحگ اللي انفرض حُـبه وفرض أمره
وحگ ضلع البتول وشدة الكســـــــــره
وحگ رأس الوصي ومحرابه والطبره
يستاهل أبو محـــــــــــــمد نهــــل عبره
گبـــل سمــــــوه وردو هدمــــــــــو گبره
حتى من الگبر حرموه ** چبده بالحقد سموه
ليست هناك تعليقات:
إرسال تعليق