عنوان انا للحزن_ابولقاء البهادلي

عنوان اّنّه للحزن ** روحي اصبحت مجروحه
يحسين رسمك بالگلب ** باسمك تصيح اجروحه
وسط الگلب نيران ** ماتنتهي الاحزان
عنوان اّنّه للحزن ** روحي اصبحت مجروحه
*********
انته تدري بعزتي بهــــيبة جلالك
بويه عذبــــني مصاب اللي جرالك
ظــــــلت اتون علتـــــي بونة عيالك
صار يمشي اوياي من امشي خيالك
اذكر مهجتك والضُمه ** واذكر جروح اضعوني
يابويه طالت ونتي ** من دمـــــــــعتي عرفوني
وبسجدتي عنوان ** ماتنتهي الاحزان
********
صاح ميمون بحزن صوت الظليمه
شلون امه مسلمه وسفه وهضيمه
ترتكـب اكبر ظلم وابـــــشع جريمه
ذبحت اولاد النـــــــبي ولد الكريمه
ذاكه الصهيل الينسمع ** مخنوگه كل وناته
يبچي وينادي ياعلي ** بچه المـــلك باهاته
صاح بحزن وايمان ** اتنتهي الاحزان
********
شلون انسه غربتـــك وانسه المصــــيبه
والهـــــــــضم وسط الحشه يچوي لهيبه
بويه صارت عمــــــــــــتي بعدك غريبه
ياصـــــــــبرهه اللي صبح حاله عجيبه
واليوم ردت للغُرب ** وتنادي عالحميهه
هبت يبويه شيعتك ** روح ودمه تفديهه
زفت اعز شبان ** اتنتهي الاحزان
*********
چنت اگلهه ارحمي ياعمــه حالي
عمـه مو هيـــــن ابد هذا الجرالي
غير حزني والالـم شنـهي البگالي
منچ اّخــذ هالــــعزم وانــتي مثالي
تدرينه ياعمه صعُب ** هذا الذي يجرالي
متحزم اّنّه بحكمتچ ** والعله شلت حالي
ماظلت الخوان ** ماتنتهي الاحزان
*********
اّنّه چم مره متت بالغــــــــاضريه
وانته تدري چم مصـاب المر عليه
راحت اخواني وعمامي الهاشميه
والاشد شفت الاســـــاره الفاطميه
چي نورهن من فاطمه ** بگيد الحقد چتفوهه
انذال ماعدهم رحم ** بسوط الدعي ضربوهه
عد خيرة النسوان ** ماتنتهي الاحزان
*******
ادري وبهايه المصايب مو قليله
حيل اذاني يســــــر عمتي العقيله
تنـظر العباس چنـــــــــهه تشتكيله
والدمع اصبح دمه ذاكه التـــــسيله
عالهضم ادري امعلمه ** نار الضلع تچويهه
مايوم خضعت للعده ** حاضرهه وي ماضيهه
ظت بلايه وليان ** ماتنتهي الاحزان