ياخويه انذبـــحت احلامي
امشي انه وراسك جدامي
ونوح الايتام ..بدروب الشام
*****************
مشيت انه والم بالروح وهمومي تنـــــغصني
وسباياكم يبو اليمه تون يـــــمي وتـــــعذبني
اصيحن والسياط جواب تجويني عله متــني
لاناصر الي باهلناس وحيده الناس شافـــتني
والكافل مــذبوح وضامـــي
ولاناصر عندي ولا حامي
واه الالام......بدروب الشام
****************
عـــگب راية علي الجـــــانت ترف فوگي
صفيت ماسره وحـــــــبل الاســـر طوگي
ومثل شوگ الحمام عـــله الغصن شـوگي
لخوتي ومــــن اون مــــــــثلي تون نوگي
اهاتي اوونــــــي والامــي
تجرعني بكاسات اسقامي
طالت الايام .....بدروب الشام
جفه جفني دمــــع عيني وگطع مــــوحه
ونحل گلبي نزيـــفه لكثرة جــــــــروحه
عله الخــوه الصــــفت بالگاع مــذبوحه
وعله ايتام ونـــــسه واصوات مبحوحه
تحفر بالدلال اســـــــهامي
يشرح حالي دمعي الهامي
ذبحتني اسهام ......بدروب اشام
***********
تتـــــعثر مشيـــــــتي جن مشي المالوم
وحملتنــي الطفوف همــــوم يابو هموم
عله الغــبره عــــفتكم عاريه الجـــسوم
التشاهد ذبح اخـــوها شلون بــيها تگوم
اندهكم حرگــــــــوها خيامي
من اخيمكم محروگه اجدامي
ماعدنه خيام ....بدروب الشام
************
شجاوبهم يبــس مايــــــنطق الســاني
هــــد حيلي العطش والضــــيم اذاني
ندم اصفگ واصيحن راحوا اخواني
ومشيت ماسره وحـــراسي عدواني
واعلام ترف ماهي اعلامي
وبضعني تـــــروع ظـلامي
تحرسه الظلام...بدروب الشام
***************
اعاين عالضعن خــــويه بــدمع يهمي
واتــــــمنه تجــــــيني فاطــــمه امـي
تعاوني عــــله ضيمي وتشرك بهـمي
وتشوف الحال يوم الحـــرگوا اخيمي
وتعــــــاين حالة أيــــتامي
بس الهم صايرلي وسامي
الهم اوسام .....بدروب الشام
**************
اريدنها تجـــــــيني وشايــــله الجـــــفين
حته بــــــــشوفة جفـــوفه تقــــــر العين
ونحط ماتم مناحه ونلـــــطم عله حسين
وترافگني بسفرتي وتدري اروحن وين
وتضمد نحرك يالدامي
وتساعدني بضيم ايامي
وجفني الما نام ....بدروب الشام
**************
اسالكم الدعاء لي ولوالديّ
خادم اهل البيت (عليهم السلام)
حلمي السعد
ليست هناك تعليقات:
إرسال تعليق