اليوم حسين من يـفـكّـد سـنـد ظهـره
تلوح ابعـيـنـه أمه فـاطـمـه الزهــره
------------------------------
ابعين حسين لاحت فاطـمـه البضعه
اجت بمصاب اخوه وتسجب الدمعه
اجت لاجنها اجت والـــروح منفجعه
تنادي يالحسن وحـسـيـنـهـا اتـنـظـره
--------------------------------
تـنـادي يـالـحـسـن يـاثـمـرة أفـــادي
تهـزني امصـيــبـتـك يـاأول أولادي
اخوك حـسـيـن يـمـك سـلـوة الهادي
على امصابك دليله يـشـتـعـل جمره
--------------------------------
تصد لحسـيـن والدمـعـات مـذروفه
على امصاب الاخو متكوس اتـشوفه
ويه اعـضيده ظل امعـاشـر اطـيوفـه
ذكرى من الطفوله شيمحي هالذكره
--------------------------------
تكل لحسين بنت لمصطفى المرسل
عـفـه كلبـك يـيـمـه شكـثـر يـتـحـمـل
الصبر مل صبرك وصبرك ابد مامل
شكـثـر يحمل مصايب وشكثر صبره
--------------------------------.
عفه كلبك يـيـمـه الشال جم امصاب
من غـيـبـة مـحمـد والظـلــع والباب
الفكد المرتضى وبـطـبـرة المحراب
واليـوم المـصاب اشـكـده وشـكـبـره
--------------------------------
الاخو اكبالك يـيـمه غـربـت روحـه
وروحك عالاخو المسموم مجروحه
وعينك عالطشت يحـسـيـن مشبوحه
شكد من هالطـشت شـاهد غصص مره
--------------------------------
الصدرها المنهشم بنت النـبي اتضمه
واتـقـبـل وريــده ومـنـحـره اتـشـمه
على امصاب الحسن زاد الكلب همه
واعـلـيـهـم يـنـوح الـعـالــم ابـأسـره
--------------------------------
ليست هناك تعليقات:
إرسال تعليق