هذا اصعب أمتحان يمرعليك
فاطمه عالمغتسل مابين أديك
آه يحيدر .. آه يحيدر.. آه يحيدر
ــــــــــــــــــــــ
يوم عصرو فاطمه لاماشفتهه = أسمعت صوت أدركني وبلهفه أحضنتهه
عن وضعهه والجره يامـــــــــا أسئلتهه = ماحـــــجت وشلون لمن غسلتهه
أشد منظر... اه يحيدر
ــــــــــــــــــــــــ
ليش ياشمعه انطفيتي وبعجل = اتكلهه وهيه أمدده عالمغتسل
لون صبري ينضرب بي المثل = ابغيابج صبر ماعندي يظل
كلبك انطر ... اه يحيدر
ــــــــــــــــــــــــــ
جرح شفت أعليه مامر الطبيب =جرح ينزف وحده حكه مايطيب
اعليك ضمته الزجيه موعجيب = منه راسك ياعلي خافت يشيب
الله اكبر... أه يحيدر
ـــــــــــــــــــ
شكال كلبك ونته تنظر للضلع = وجفنك اشكد سال هالليله دمع
آه يافاطــــمه صوتك يرتفع = وسكتت الدنيا وبقت بس تستمع
ابنار تسعر ... اه يحيدر
ـــــــــــــــــــــــ
والله صوتك وصل لعنان السمه = يوم شفت الضلع ياحامي الحمه
ما نلومك انته فـــــاكد فاطمه = والله حكك من تصب عينك دمه
صعب تكدر ... آه يحيدر
ــــــــــــــــــــ
من شفت بالضلع ياحيدر كسر = نزلت أملاك السمه اتنادي الصبر
كلت من هجمو علينه اهل الغدر = اخفت اعليه الضــــلع أم الطهر
كسره أثر .... اه يحيدر
ــــــــــــــــــــــــــ
جبار البطاط
ليست هناك تعليقات:
إرسال تعليق