من مصابك.....واعلة بابك...بالدم تبجي اعيون احبابك
ناحت لجلك يامسموم
تعنت يم كبرك هاليوم
بالدم تبجي عيون احبابــــــــــــــك
***************************
اذاطاح الجبل فديوم ــــ تبجي الطيحتة اسفوحة
واليفارك محب مولاي ــــ ابدماينكطع نوحــة
وبجروحة الالم يكبر ــــ ملح وينام بجروحـة
واحنة اننوح لفراكك ــــ حمام وناح بالدوحـة
وعالجرالك.....تبجي حالك...تريداتوفي الليلة افضالك
طيور وفوك الكبة تحوم!
تعنت يم كبرك هاليوم...
بالدم تبجي عيون احبابــــــــــــك
**************************
البعدماينحمل وياك ــــ وانياب البعد شرسـة
وترة اشراع السفينة ايضيع ـ اذامايوصل المرسة
ويضل الصبح حيران ـــ اذا ماهل وجه شمسة
شينسة الفاركك والروح ـــ بيك معلكة شينسة؟
مانسيتك...ولواجيتك...تلكاني بدم كلبي شريتك
كلبي وروحي بذكرك دوم
تعنت يم كبرك هاليوم...
بالدم تبجي عيون احبابـــــــك
************************
ننخه وندري من ننخاك ـــ صوت احبابك تسمعه
الدعاء بحضرتك حسرات ـــ الصلاة بكبتك(دمعه)
الم بجفوفي دمع العين ـــ الك يا(سيدالرفعــه)
وقربان الدمع هيهات ـــ مثلك يقبل يرجعــهّ!
ومن بجينه...فوك ادينه...دمعات بفكدك لمينـــــه..
هاك انظردمعتنه دموم!
تعنت يم كبرك هاليوم...
بالدم تبجي عيون احبابـــــــــــــك
********************************
العطشان اليريد الماي ـــ يلكي الماي ويشربه
والفاكد عزيز عليه ـــ يهيدبشوفته كلبـــه
بس الفاركك مولاي ـــ حياتة بفركتك صعبه
يهيم بحبك ويلكلك ـــ حزن وفراكك يعذبـه
ومن يزورك...ويلكي سورك...(ضلمت عينه)تنوربنورك!
اجدام السائل والمحروم..
تعنت يم كبرك هاليوم...
بالدم تبجي عيون احبابـــــــــــــــك
**********************************
المطرلوما يزور الكاع ـــ تموت من العطش ارضـــه
(الرضا)وشفت الرضه باسمك ـــوسعيد بقسمته اليرضه
المجد شفته بضريحك طاف ـــاجاك يأدي الك فرضـه
وشفت يم عتبة ابوابك ـــ الحزين بفرحته يحضــه
ومن يكلمك...وينخة باسمك...مولاي ويا ضالم سمك
ينعاك بجرحه الملجوم
تعنت يم كبرك هاليوم
وصار سنين عندي مراد ـــاسولف واحجي واتمنه
ادور اليسمع المهظوم ـــ واليكرم بلا منــــه
يمن بيبانه مفتوحات ـــاجيك زحوف واتعنــه
اطب ومن اطباً ليك ـــ اشوف بحضرتك جنــه
وما اتاني...وبلساني...اسمك يجري بدم شرياني
وبنص كلبي ايضل مرسوم!
تعنت يم كبرك هاليوم....
بالدم تبجي عيون احبابــــــــــــــــك
################################################## #
ليست هناك تعليقات:
إرسال تعليق