هــــاي العليلــه_للشاعر

يوم المشه ضعن حسين /// هــــاي العليلــه
تبچــي أوتهل دمع العين /// من دم تــــسيله
جمر غربتهه /// تصب دمعتهه
ـــــــــــــــــــــــــــــــــــــــــــــ
غريب الـــدار تضــل ونتــه ألــف حســـره
يحن والشــــو گ البصدره غصـص مــــره
يچـــــل اللــــيل ودمـــوعه تضـــل تجـــره
العليلــه اليــــــوم تتــــصبر علــى جمـــره

اتصيح ابحـــزن ماينقاس /// والهم تشــــيله
وين حســــــين والعباس /// وين العقيــــله
بكثر حسرتهه /// تصب دمعتهه
ــــــــــــــــــــــــــــــــــــــــــــــــــ ـــ
يحادي ضعون أبوي حسين ويـــن تـــروح
وتخليني بجمر هضمــــي بگلــب مجروح
أصبر الــروح لــون ترجع أنذرت هالـروح
تضل عينــــــي على دربك تصـد وتنـــوح

جمر الدمع تبجـــي العين /// روحي ملهوفه
ترد الروح لون حــــسين /// ابعيني أشــوفه
أبألم لوعتهه /// تصب دمعتهه
ـــــــــــــــــــــــــــــــــــــــــ
يحادي أبقــه بلهيب فرا گ الضعن تــدرون
طلــب عنــدي تكله أرجــاك لــون ترحــون
بغربتـــــــكم أخــاف الغربتـــي تنــــــسون
الســفر لــو طال أريد أهلي ألي يذكــــرون

تضل أشواگـــــي تلتهب /// لو تخلـوني
تشب أو تطفه بالگلـــب /// لو نسيتوني
ابهضم حالتها /// تصب دمعتهه
ــــــــــــــــــــــــــــــــــــ

تنادي بصوت أو دمـــع العين يصب همــال
غريبــه الــروح أشـيصبرهه الســفر لوطال
علـى هـــــونك دريضلتـي أو مشه الجمال
عليلـه أو هاجت جروحـي الضعن من شال

عني الضعن مشه اوشال /// وحــدي خلاني
يجيني الليل بالــــــــدلال /// جمـرت أحزاني
اشيرد وحشتهه /// تصب دمعتها
ــــــــــــــــــــــــــــــــــــــــــــــــــ ـ
عليله فرا گ ابويه حـــسين هــــدم حيــلي
مشــه وخلاني وســــط الدار وحـــش ليلي
مشــه العباس مشــــه الأكــبر آه ياويلــــي
أرحلـــوا كـلهم بعــد دهــــري اشـــيخليلي

أبقه أنوحن بالــــــدار /// أبقـــــه عليـهم
وياه أخذ لمن ســـــار /// روحـي حاديهم
تضل علتهه /// تصب دمعتهه
ـــــــــــــــــــــــــــــــــــــــــــ
تحـــن ضلت بعـــــد ما ضـــــل صـــبر ليهه
شــــــيصبرهه علــى افرا گ الأهــــل ليهه
خليه الــــــدار والوحــــــشه التـــــسليــهه
مشـــــه لحـسين خــل تـــكثر بواچـيـــــهه

يدار أهلي أضــل اليــــوم /// وحــدي غريبه
أبوي حسين مشه بهمــوم /// راح أشيجيبه
ابحزن ونتهه /// تصب دمعتهه