ليلة لرضيع انصاب_ للشاعرابوفزع الحلفي

ليله الرضيع انصاب كونج تشوفينه
من جابه ليه حسين وتهل دمع عينه
@@@@@
يليله وشرد اسولفلج على صوابه
مـصـيوب بسهـم نـيـرانـه لاهــابـه
نفـطر كـلبي عليه حسين مـن جابه
صـوابـك يـهـد الحـيل عـبدالله يـاذينه
من جابه ليه حسين وتهل دمع عينه
@@@@@
كـبل ساعة يزينب جنت الوليله
العطش فطر جبدته وانه اناغيله
يـريـد الـماي مـني ومـنهدم حيله
وليدي بسهم مصيوب عينيني يسكينه
مـن جـابه لـيه حسيـن وتهل دمع عينه
@@@@@
شاب الـراس بـصوابك بعـد روحي
اعلى طفل حسين ابد مابطلت نوحي
يليله بـنـوحـج انــه زادت جـــروحـي
عـبدلله رد مـذبـوح فـنـج تـعـرفـيـنه
من جابه ليه حسين وتهل دمع عينه
@@@@@
يزينب كـومـي واسيني اعلى وليدي
وزيـدي الـنوح زينب بالـحـزن زيدي
عــزيــز الـروح راح الـيلـه مـن ايـدي
صارتله بل دلال جـمـرة حــزن بينه
من جابه ليه حسين وتهل دمع عينه
@@@@@
الشاعرالحسيني
ابوفزع الحلفي